ក្រសួងពាណិជ្ជកម្ម បង្កើតម៉ាកសម្គាល់ «ក្រូចថ្លុងកោះទ្រង់»

ជាតិ

សេដ្ឋកិច្ច

ក្រសួងពាណិជ្ជកម្ម បង្កើតម៉ាកសម្គាល់ «ក្រូចថ្លុងកោះទ្រង់»

25, Jun 2018 , 9:19 pm

រូបភាព

ដោយ: អ៊ូ សុខមាន (OU Sokmean)

ក្រសួងពាណិជ្ជកម្ម បានផ្តល់ម៉ាកសម្គាល់ភូមិសាស្ត្រទំនិញ «ក្រូចថ្លុងកោះទ្រង់» ដល់សមាគមអ្នកដាំក្រូចថ្លុងកោះទ្រង់ នៅខេត្តក្រចេះជាផ្លូវការ នៅថ្ងៃទី២៥ ខែមិថុនា ឆ្នាំ២០១៨នេះ។ សេចក្តីប្រកាសព៏ត៌មានរបស់ក្រសួងពាណិជ្ជកម្ម បានឲ្យដឹងថា ការផ្តល់ម៉ាកសម្គាល់ភូមិសាស្ត្រទំនិញនេះ គឺដើម្បីជួយទប់ស្កាត់ការក្លែងបន្លំអត្តសញ្ញាណ និងប្រភពដើមផលិតផលក្រូចថ្លុងកោះទ្រង់ ព្រមទាំងជួយទាក់ទាញលំហូរភ្ញៀវទេសចរ និងបង្កើនសេដ្ឋកិច្ចក្នុងតំបន់។

លោកស្រី Alexandra Grazioli តំណាងអង្គការកម្មសិទ្ធិបញ្ញាពិភពលោក (WIPO) បានចាត់ទុកការចុះម៉ាកសម្គាល់ភូមិសាស្ត្រទំនិញ «ក្រូចថ្លុងកោះទ្រង់» ថាជាភាពជោគជ័យមួយទៀត សម្រាប់ក្រសួងពាណិជ្ជកម្ម និងរាជរដ្ឋាភិបាលកម្ពុជា ក្នុងការប្រើប្រាស់កម្មសិទ្ធិបញ្ញា ដើម្បីជំរុញការអភិវឌ្ឍសេដ្ឋកិច្ច តាមការផ្សារភ្ជាប់ផលិតផលប្រពៃណី។

បើយោងតាមសេចក្តីប្រកាសខាងលើ បច្ចុប្បន្ន មានប្រជាពលរដ្ឋដាំក្រូចថ្លុង ៣៣១គ្រួសារ ក្នុងនោះមាន ១៥៥គ្រួសារ ជាសមាជិកសមាគមអ្នកដាំក្រូចថ្លុងកោះទ្រង់។ ក្រូចថ្លុង១ដើម បានផ្តល់ទិន្នផលប្រចាំឆ្នាំយ៉ាងតិច ១០០ផ្លែ លើដើមក្រូចថ្លុង២,៤៧៤ដើម ដែលបានផ្តល់ឲ្យក្នុងចំណោមដើមក្រូចថ្លុង ១៣,៧៩០ដើម៕