កីឡាអន្តរជាតិ
អន្តរជាតិ
World Cup ៖ ឈានដល់វគ្គ១៦ក្រុមចុងក្រោយ បាល់ក៏ត្រូវដូរថ្មីដែរ
× សហព័ន្ធកីឡាបាល់ទាត់អន្តរជាតិ FIFA បានប្រកាសថា បាល់ថ្មីមួយទៀតនឹងត្រូវយកមកប្រើ ចាប់ពីវគ្គ១៦ក្រុមចុងក្រោយតទៅ នៅក្នុងការប្រកួតពានរង្វាន់ FIFA World Cup 2018 នៅរុស្ស៊ី។
បាល់ Telstar Mechta នឹងយកមកជំនួសបាល់ Telstar 18 ដែលបានប្រើរួចហើយ ក្នុងការប្រកួតវគ្គសន្សំពិន្ទុតាមពូល របស់ក្រុមទាំង៣២។ បាល់ទាំងពីរនេះ សុទ្ធតែជាផលិតផលរបស់ក្រុមហ៊ុន Adidas ដូចគ្នា ខុសតែពណ៌ប៉ុណ្ណោះ។
បាល់ថ្មី Telstar Mechta មានភ្ជាប់មកជាមួយការរចនាពណ៌ខ្មៅ លាយក្រហមអុចៗ លើផ្ទៃសយ៉ាងរស់រវើក ខុសពីបាល់ចាស់ ដែលមានពណ៌ខ្មៅអុចលើផ្ទៃស។ បាល់ពណ៌ក្រហមនេះ ធ្វើឡើងដើម្បីលើកទឹកចិត្តដល់ក្រុមម្ចាស់ផ្ទះរុស្ស៊ី ដែលអាចឈានទៅកាន់វគ្គ ១/៨ ផ្តាច់ព្រ័ត្រ នៃព្រឹត្តិការណ៍បាល់ទាត់ពិភពលោកនេះ។
Mechta បកប្រែជាជាភាសារុស្ស៊ីថា «ក្តីសុបិន» ហើយបាល់ថ្មីនេះ នឹងត្រូវយកមកប្រើជាលើកដំបូង ក្នុងការប្រកួតរវាងបារាំង ទល់នឹងអាហ្សង់ទីន នៅថ្ងៃទី៣០ ខែមិថុនា វេលាម៉ោង៩យប់ (ម៉ោងនៅកម្ពុជា)៕
Tag:
បាល់ទាត់
FIFA World Cup
© រក្សាសិទ្ធិដោយ thmeythmey.com