កីឡាអន្តរជាតិ
អន្តរជាតិ
UEFA មិនឲ្យ AC Milan លេងពាន Europa League មួយរដូវកាល ក្រោយចាយលុយទិញកីឡាករលើសកំណត់
× ក្លិបយក្សអ៊ីតាលី AC Milan ត្រូវបានហាមឃាត់ចូលរួមប្រកួតក្នុងពានរង្វាន់ UEFA Europa League នៅរដូវកាលក្រោយដោយសារជាប់ពាក់ព័ន្ធការរំលោភបំពានលើបទបញ្ជាហិរញ្ញវត្ថុ Financial Fair Play។
AC Milan បានកៅអីដោយស្វ័យប្រវត្តិដើម្បីប្រជែងពានលំដាប់ទី២អឺរ៉ុបសម្រាប់រដូវកាលថ្មីខាងមុខនេះ ក្រោយពីបានបញ្ចប់ក្នុងចំណាត់ថ្នាក់ទី៦ នៃក្របខណ្ឌអ៊ីតាលី Serie A កាលពីរដូវកាលមុន។
សហព័ន្ធកីឡាបាល់ទាត់អឺរ៉ុប UEFA បាននិយាយថាក្លិបដែលមានអ្នកជំនួញចិនជាអ្នកគ្រប់គ្រងនេះ បានចំណាយប្រាក់លើសកំណត់រហូតដល់ ២០០លានផោន (២៦១លានដុល្លារ) ក្នុងការផ្ទេរកីឡាករកាលពីរដូវកាលមុនដែលផ្ទុយនឹងច្បាប់របស់សហព័ន្ធ។
តែយ៉ាងណា ម្ចាស់ជើងឯកលីកកំពូលអ៊ីតាលី Serie A ១៨សម័យ ថាពួកគេនឹងប្តឹងឧទ្ធរណ៍ទៅតុលាការអាជ្ញាកណ្តាលពីការដាក់បម្រាមនេះ។
លើសពីនេះ មុនពេលចេញសាលក្រម ក្លិបដែលមានមូលដ្ឋានក្នុងក្រុង Milan បានបញ្ចេញវីដេអូមួយនៅលើបណ្តាញសង្គម Twitter របស់ខ្លួន ថាពួកគេរំពឹងថានឹងមានយុត្តិធម៌លើសេចក្តីសម្រេចដោយផ្អែកលើការពិត និងច្បាប់ស្មើភាពគ្នាពី UEFA៕
Tag:
បាល់ទាត់
AC Milan
UEFA Europa League
© រក្សាសិទ្ធិដោយ thmeythmey.com