ទោះក្រុមហាលអាវដោយសារបែលហ្ស៊ិក ប៉ុន្តែអ្នកគាំទ្រជប៉ុននៅតែបង្ហាញគំរូល្អ

កីឡាអន្តរជាតិ

អន្តរជាតិ

ទោះក្រុមហាលអាវដោយសារបែលហ្ស៊ិក ប៉ុន្តែអ្នកគាំទ្រជប៉ុននៅតែបង្ហាញគំរូល្អ

03, Jul 2018 , 9:20 am

រូបភាព

ដោយ: ថ្មីៗ

ទាល់តែឈ្នះទើបគិតពីអនាម័យបរិស្ថាននៅបរិវេណកីឡដ្ឋាន? មិនដូច្នោះឡើយសម្រាប់ក្រុមអ្នកគាំទ្រជប៉ុន បើទោះបីជាជម្រើសជាតិរបស់ពួកគេរងនូវការខកចិត្តនៅចុងម៉ោង ៣-២ ដោយសារបែលហ្ស៊ិក នាជំនួបវគ្គ១៦ក្រុមចុងក្រោយនៃព្រឹត្តិការណ៍ FIFA World Cup 2018។

អត្ថបទទាក់ទង
World Cup៖ ប្រេស៊ីលឡើងទៅវគ្គ១/៤ផ្តាច់ព្រ័ត្រ ក្រោយឈ្នះម៉ិកស៊ិក ២-០

ជំនួបនៅកីឡដ្ឋាន Rostov Arena កីឡាករ Genki Haraguchi និង Takashi Inui បានស៊ុតបាល់បញ្ចូលទីនាំមុខជាបន្តបន្ទាប់សម្រាប់ជប៉ុននៅដើមតង់ទីពីរ។ ខណៈការប្រកួតដំណើរការបានប្រមាណ៧០នាទី Jan Vertonghen វាយបកតាមពីក្រោយមួយគ្រាប់ មុននឹង Marouane Fellaini តាមស្មើវិញនៅនាទី៧៤។ បញ្ចប់ការប្រកួតនៅម៉ោងធម្មតាទៅហើយ Nacer Chadli រកបានគ្រាប់បាល់បញ្ចូលទីដើម្បីនាំជ័យជម្នះសម្រាប់បែលហ្ស៊ិក ដើម្បីឡើងទៅជួបប្រេស៊ីលនៅវគ្គ១/៤ផ្តាច់ព្រ័ត្រ។

បែលហ្ស៊ិកក្លាយជាក្រុមទីមួយនារយៈពេល៤៨ឆ្នាំចុងក្រោយ ដែលតាមពីក្រោយការនាំមុខ ២-០ ហើយទទួលបានជ័យជម្នះ ក្នុងព្រឹត្តិការណ៍ World Cup និងជាលើកទីបី ដែលលទ្ធផលនេះកើតឡើងនៅវគ្គ១៦ក្រុមចុងក្រោយ។

សម្រាប់ក្រុមសាមួរ៉ៃពណ៌ខៀវជប៉ុន វាជាការខកចិត្តដ៏ធំសម្រាប់ពួកគេ ដោយសារតែការនាំមុខមុន ២គ្រាប់ ហើយត្រូវបានបែលហ្ស៊ិកតាមទាន់ និងទទួលបានជ័យជម្នះ។ ប៉ុន្តែទោះបីជាយ៉ាងណាក៏ដោយ ក្រុមអ្នកគាំទ្រជប៉ុនទុកការខកចិត្តនៅមួយឡែក ហើយបន្តគិតគូពីអនាម័យនៅកីឡដ្ឋាន ដោយនាំគ្នារើសសំរាមដូចការប្រកួតមុនៗ ។