ជាតិ
ដំណឹងល្អ! អ្នកជាប់បាក់ឌុបឆ្នាំ២០១៦ អាចដកសញ្ញាបត្របានហើយ!
× ភ្នំពេញ៖ បេក្ខជនដែលប្រឡងជាប់សញ្ញាបត្រមធ្យមសិក្សាទុតិយភូមិ(បាក់ឌុប) សម័យប្រឡង២២ សីហា ២០១៦ អាចដកយកសញ្ញាបត្ររបស់ខ្លួនបាន។ នេះបើយោងតាមក្រសួងអប់រំ យុវជន និងកីឡា ជម្រាបជូនប្រធានមន្ទីរអប់រំរាជធានី-ខេត្ត នៅថ្ងៃទី៥ ខែកក្កដា។
ក្រសួងអប់រំ បានប្រាប់ដល់មន្ទីរអប់រំ យុវជន និងកីឡារាជធានី-ខេត្ត ឲ្យរួសរាន់មកទទួលសញ្ញាបត្រមធ្យមសិក្សាទុតិយភូមិឆ្នាំ២០១៦ នៅនាយកដ្ឋានកិច្ចការប្រឡង ចាប់ពីពេលនេះតទៅ ដើម្បីយកទៅចែកជូនបេក្ខជនដែលបានប្រឡងជាប់ដោយឥតថ្លៃ។
តាមលិខិតខាងលើនេះ លោក ហង់ ជួន ណារ៉ុន រដ្ឋមន្ត្រីក្រសួងអប់រំ បានអំពាវនាវ ដល់មន្ទីរអប់រំ យុវជន និងកីឡារាជធានី-ខេត្ត ត្រូវផ្សព្វផ្សាយឲ្យបានទូលំទូលាយតាមគ្រប់មធ្យោបាយ និងអនុវត្តន៍ខ្លឹមសារលិខិតនេះ ប្រកបដោយសា្មរតីទទួលខុសត្រូវខ្ពស់៕
Tag:
សញ្ញាបត្រ
ហង់ ជួន ណារ៉ុន
© រក្សាសិទ្ធិដោយ thmeythmey.com