អន្តរជាតិ
កុមារថៃដែលជាប់ក្នុងរូងភ្នំ សាកសួរពីលទ្ធផលប្រកួត World Cup នៅរុស្ស៊ី
×![]()
ដោយ: ទេព ពិទូរ្យ
ក្មេងប្រុសថៃ ១២ នាក់រួមជាមួយគ្រូបង្វឹកកីឡាបាល់ទាត់របស់ពួកគេម្នាក់ទៀតកំពុងស្ថិតក្នុងរូងភ្នំ Tham Luang នៅឡើយទេ បើទោះបីក្រុមអ្នកជួយសង្គ្រោះបានរកឃើញពួកគេតាំងពីយប់ថ្ងៃទី២ ខែកក្កដាមក។ ពួកគេត្រូវបានគេរាយការណ៍ថាស្ថិតនៅទីសុវត្ថិភាព និងមានសុខភាពល្អ ហើយកំពុងទទួលការបំប៉នដោយចំនីអាហារប៉ូវកំលាំង និងបង្រៀនឲ្យចេះមុជទឹកជ្រៅដើម្បីហែលឆ្លងចេញមកខាងក្រៅរូងភ្នំវិញ។
មនុស្ស ១៣នាក់បានបាត់ខ្លួនយ៉ាងអាថ៌កំបាំងនៅក្នុងរូងភ្នំ Tham Luang ស្ថិតក្នុងស្រុកម៉ៃសៃ ខេត្តឈាងរ៉ៃ ភាគខាងជើងប្រទេសថៃ។ វីដេអូមួយបានបង្ហាញដោយទាហានថៃក្រោយពេលអ្នករុករកជនជាតិអង់គ្លេសបានរកឃើញជនរងគ្រោះទាំងអស់នោះជាមួយនឹងស្នាមញញឹមរបស់ពួកគេពីក្នុងរូងភ្នំ។
ក្នុងហេតុការណ៍បាត់ខ្លួននេះ គឺស្របពេលពិភពលោកទាំងមូលកំពុងផ្តោតការយកចិត្តទុកដាក់ក្នុងការប្រកួតពានរង្វាន់កីឡាបាល់ទាត់ពិភពលោក FIFA World Cup ដែរ។ ទន្ទឹមនឹងនេះ សារព័ត៌មានវ៉ាស៊ីនតោនប៉ុស្តិ៍ បានដកស្រង់សម្តីទាហានជើងទឹកថៃថា ក្មេងៗដែលកំពុងជាប់ក្នុងរូងភ្នំបានសួរសំណួរពួកគេថាតើលទ្ធផលប្រកួត World Cup 2018 នៅរុស្ស៊ីដល់ណាហើយ។
មិនត្រឹមតែសួរក្រុមទាហាននោះទេ នៅពេលឆ្លើយឆ្លងសម្តីតាមរយៈទូរសព្ទ ដោយអាចមើលគ្នាតាមវីដេអូបាននោះ ក្មេងៗដែលស្ថិតក្នុងរូងភ្នំនៅឡើយ នៅតែមិនភ្លេចសួរសំនួរពីការប្រកួតបាល់ទាត់ពិភពលោកទៅកាន់ឪពុកម្តាយរបស់ពួកគេថាក្រុមណាឈ្នះ ក្រុមណាចាញ់ដែរ។
ទាំងនេះបានសបញ្ជាក់ឲ្យឃើញថានៅក្នុងអារម្មណ៍របស់ក្មេងៗបើទោះជាពួកគេស្ថិតក្នុងគ្រោះថ្នាក់ក៏ដោយ តែពួកគេនៅតែផ្តោតខ្លាំងលើការប្រកួតបាល់ទាត់ពិភពលោកដែរ។
មនុស្ស ១៣នាក់បានបាត់ខ្លួនយ៉ាងអាថ៌កំបាំងនៅក្នុងរូងភ្នំ Tham Luang ស្ថិតក្នុងស្រុកម៉ៃសៃ ខេត្តឈាងរ៉ៃ ភាគខាងជើងប្រទេសថៃ។ វីដេអូមួយបានបង្ហាញដោយទាហានថៃក្រោយពេលអ្នករុករកជនជាតិអង់គ្លេសបានរកឃើញជនរងគ្រោះទាំងអស់នោះជាមួយនឹងស្នាមញញឹមរបស់ពួកគេពីក្នុងរូងភ្នំ។
ក្នុងហេតុការណ៍បាត់ខ្លួននេះ គឺស្របពេលពិភពលោកទាំងមូលកំពុងផ្តោតការយកចិត្តទុកដាក់ក្នុងការប្រកួតពានរង្វាន់កីឡាបាល់ទាត់ពិភពលោក FIFA World Cup ដែរ។ ទន្ទឹមនឹងនេះ សារព័ត៌មានវ៉ាស៊ីនតោនប៉ុស្តិ៍ បានដកស្រង់សម្តីទាហានជើងទឹកថៃថា ក្មេងៗដែលកំពុងជាប់ក្នុងរូងភ្នំបានសួរសំណួរពួកគេថាតើលទ្ធផលប្រកួត World Cup 2018 នៅរុស្ស៊ីដល់ណាហើយ។
មិនត្រឹមតែសួរក្រុមទាហាននោះទេ នៅពេលឆ្លើយឆ្លងសម្តីតាមរយៈទូរសព្ទ ដោយអាចមើលគ្នាតាមវីដេអូបាននោះ ក្មេងៗដែលស្ថិតក្នុងរូងភ្នំនៅឡើយ នៅតែមិនភ្លេចសួរសំនួរពីការប្រកួតបាល់ទាត់ពិភពលោកទៅកាន់ឪពុកម្តាយរបស់ពួកគេថាក្រុមណាឈ្នះ ក្រុមណាចាញ់ដែរ។
ទាំងនេះបានសបញ្ជាក់ឲ្យឃើញថានៅក្នុងអារម្មណ៍របស់ក្មេងៗបើទោះជាពួកគេស្ថិតក្នុងគ្រោះថ្នាក់ក៏ដោយ តែពួកគេនៅតែផ្តោតខ្លាំងលើការប្រកួតបាល់ទាត់ពិភពលោកដែរ។
ជុំវិញករណីបាត់ខ្លួននេះ សហព័ន្ធកីឡាបាល់ទាត់អន្តរជាតិ FIFA ក៏បានចេញសេចក្តីថ្លែងការណ៍មួយដើម្បីអបអរក្រោយទទួលបានព័ត៌មានថាក្មេងៗដែលបាត់ខ្លួនត្រូវបានរកឃើញវិញនិងមានជីវិតទាំងអស់គ្នា។ ស្ថាប័នគ្រប់គ្រងកីឡាពិភពលោកនេះបន្ថែមថា ពួកគេសង្ឃឹមថាក្រុមសង្គ្រោះនឹងជួយក្មេងទាំងនោះចេញពីរ៉ូងភ្នំដោយសុវត្ថិភាពឲ្យបានឆាប់ដើម្បីជួបជុំគ្រួសារពួកគេវិញ៕Rescuers say it is still too dangerous to dive in the cave to save Thai soccer team, but they are crafting plans to get them out: https://t.co/itbkUjIlpv pic.twitter.com/bSOy9L8ErZ
— CBS News (@CBSNews) July 4, 2018
Tag:
បាល់ទាត់
FIFA World Cup
ក្មេងប្រុសបាត់ខ្លួននៅថៃ
រូងភ្នំ Tham Luang
© រក្សាសិទ្ធិដោយ thmeythmey.com
