កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Neymar Jr ខ្សែប្រយុទ្ធឆ្នើមរបស់ក្រុមជម្រើសជាតិប្រេស៊ីលបានទទួលការរិះគន់ជាច្រើនពីសំណាក់កីឡាករនិងគ្រូបង្វឹក អំពីសកម្មភាពរំអួយក្នុងទីលាន នៅក្នុងការប្រកួតពានរង្វាន់កីឡាបាល់ទាត់ពិភពលោក FIFA World Cup 2018។ យោងតាម RTS Sport ដោយពឹងផ្អែកលើការសិក្សារបស់ទូរទស្សន៍ស្វីស តារាស៊ុតរបស់ PSG រូបនេះ ស៊ីម៉ោងអស់១៤នាទីពីការធ្វើពុតដួលនៅគ្រប់ការប្រកួតកន្លងមក។
សកម្មភាពដួលនៅលើទីលានដែលលេចធ្លោបំផុតរបស់ខ្សែប្រយុទ្ធវ័យ២៥ឆ្នាំត្រូវបានកត់សម្គាល់ចំនួនពីរលើក។ លើកដំបូងក្នុងចំនួបរវាងប្រេស៊ីលទល់នឹងស្វីសក្នុងការប្រកួតវគ្គសន្សំពិន្ទុតាមពូល។ Neymar បានប៉ះទង្គិចជាមួយខ្សែការពាររបស់ស្វីសដែលមើលទៅមិនជាធ្ងន់ធ្ងរទេ តែរូបគេដួលរមៀលខ្លួនបួនប្រាំជុំគួរឲ្យភ្ញាក់ផ្អើល។ សកម្មភាពរំអួយបែបនេះ ត្រូវបានអ្នកប្រើប្រាស់បណ្តាញសង្គមយកទៅធ្វើត្រាប់តាម (Troll) ដើម្បីបញ្ចើចបញ្ចើផងដែរ។
លើកទី២កើតឡើងនៅពេលប៉ះជាមួយម៉ិកស៊ិកក្នុងជំនួបវគ្គ១៦ក្រុមចុងក្រោយ។ អតីតសមាជិកក្រុម Barcelona រូបនេះ បានដួលបន្ទាប់ពីប្រជែងយកបាល់ជាមួយ Miguel Layun។ ក្រោយមកកីឡាករម៉ិកស៊ិកម្នាក់ទៀតបានរត់ទៅយកបាល់និងបន្លំជាន់ជើង Neymar បន្តិចប៉ុណ្ណោះ ប៉ុន្តែរូបគេបញ្ចេញកាយវិការមួលពេញទីលានតែម្តង។
សកម្មភាពបែបនេះ លោក Juan Carlos Osorio គ្រូបង្វឹកក្រុមជម្រើសជាតិម៉ិកស៊ិកក៏បានរិះគន់ Neymar ចំៗថាជាទង្វើអាម៉ាស់បំផុតក្នុងវិស័យកីឡាបាល់ទាត់។ លោកបន្ថែមថា៖«សម្រាប់ខ្ញុំវាពិតជារឿងគួរឲ្យអាម៉ាស់ណាស់ដែលពេលវេលាច្រើនត្រូវខាតបង់អត់ប្រយោជន៍ព្រោះតែកីឡាករម្នាក់»។
បើតាមការសិក្សា រយៈពេល ១៤នាទីជាពេលវេលាដ៏ច្រើនសម្រាប់ការប្រកូតនៅលើទីលានដែលត្រូវខាតបង់ឥតប្រយោជន៍ដោយសារ Neymar ដួលនៅលើទីលានក្នុងអំឡុងការប្រកួត World Cup នៅរុស្ស៊ី៕
សកម្មភាពដួលនៅលើទីលានដែលលេចធ្លោបំផុតរបស់ខ្សែប្រយុទ្ធវ័យ២៥ឆ្នាំត្រូវបានកត់សម្គាល់ចំនួនពីរលើក។ លើកដំបូងក្នុងចំនួបរវាងប្រេស៊ីលទល់នឹងស្វីសក្នុងការប្រកួតវគ្គសន្សំពិន្ទុតាមពូល។ Neymar បានប៉ះទង្គិចជាមួយខ្សែការពាររបស់ស្វីសដែលមើលទៅមិនជាធ្ងន់ធ្ងរទេ តែរូបគេដួលរមៀលខ្លួនបួនប្រាំជុំគួរឲ្យភ្ញាក់ផ្អើល។ សកម្មភាពរំអួយបែបនេះ ត្រូវបានអ្នកប្រើប្រាស់បណ្តាញសង្គមយកទៅធ្វើត្រាប់តាម (Troll) ដើម្បីបញ្ចើចបញ្ចើផងដែរ។
“Neymar! Use Rollout!” pic.twitter.com/K7FER2br1T
— Dylan (@dylanwalsh_) June 27, 2018
លើកទី២កើតឡើងនៅពេលប៉ះជាមួយម៉ិកស៊ិកក្នុងជំនួបវគ្គ១៦ក្រុមចុងក្រោយ។ អតីតសមាជិកក្រុម Barcelona រូបនេះ បានដួលបន្ទាប់ពីប្រជែងយកបាល់ជាមួយ Miguel Layun។ ក្រោយមកកីឡាករម៉ិកស៊ិកម្នាក់ទៀតបានរត់ទៅយកបាល់និងបន្លំជាន់ជើង Neymar បន្តិចប៉ុណ្ណោះ ប៉ុន្តែរូបគេបញ្ចេញកាយវិការមួលពេញទីលានតែម្តង។
សកម្មភាពបែបនេះ លោក Juan Carlos Osorio គ្រូបង្វឹកក្រុមជម្រើសជាតិម៉ិកស៊ិកក៏បានរិះគន់ Neymar ចំៗថាជាទង្វើអាម៉ាស់បំផុតក្នុងវិស័យកីឡាបាល់ទាត់។ លោកបន្ថែមថា៖«សម្រាប់ខ្ញុំវាពិតជារឿងគួរឲ្យអាម៉ាស់ណាស់ដែលពេលវេលាច្រើនត្រូវខាតបង់អត់ប្រយោជន៍ព្រោះតែកីឡាករម្នាក់»។
បើតាមការសិក្សា រយៈពេល ១៤នាទីជាពេលវេលាដ៏ច្រើនសម្រាប់ការប្រកូតនៅលើទីលានដែលត្រូវខាតបង់ឥតប្រយោជន៍ដោយសារ Neymar ដួលនៅលើទីលានក្នុងអំឡុងការប្រកួត World Cup នៅរុស្ស៊ី៕
— Alex_509 (@Alex_Aguero21) July 2, 2018
Tag:
បាល់ទាត់
FIFA World Cup
Neymar
© រក្សាសិទ្ធិដោយ thmeythmey.com
