ជាតិ
បោះឆ្នោត
លោក ខឹម វាសនា ដឹកនាំការឃោសនាបោះឆ្នោតជាមួយអ្នកគាំទ្រ ១ម៉ឺន៥ពាន់នាក់
× លោក ខឹម វាសនា ប្រធានគណបក្សស ម្ព័ន្ធដើម្បីប្រជាធិបតេយ្យ (LDP) បានដឹកនាំការការឃោសនាបោះឆ្នោតនៅថ្ងៃទី៧ កក្កដានេះ ដោយមានការចូលរួមពីក្រុមអ្នកគាំទ្រចំនួន ១៥,០០០នាក់ នៅផ្លូវ ៦០ម៉ែត្រ ក្នុងសង្កាត់ចាក់អង្រែក្រោម។
ក្បួនឃោសនាថ្ងៃទី១នេះ របស់ LDP ដែលមានរថយន្ត៣០០គ្រឿង ម៉ូតូកង់បី និងម៉ូតូ ៤,៥០០គ្រឿង នឹងដង្ហែចេញពីផ្លូវ៦០ម៉ែត្រ ឆ្ពោះទៅគោលដៅនានាក្នុងចម្ងាយ ៧០គីឡូម៉ែត្រ ហើយត្រូវបញ្ចប់នៅទីស្នាក់ការកណ្តាលរបស់គណបក្ស។ នេះបើតាមការឲ្យដឹក ពីលោក ខឹម វាសនា។
សូមបញ្ជាក់ថា យុទ្ធនាការឃោសនាបោះឆ្នោតជ្រើសរើសតំណាងរាស្ត្រ មាមានរយៈពេល២១ថ្ងៃ គឺចាប់ពីថ្ងៃទី៧ ដល់២៧ កក្កដា ខាងមុខ។ ឯការបោះឆ្នោត នឹងរៀបចំឡើងនៅថ្ងៃទី២៩ កក្កដា ដោយមានគណបក្សនយោបាយចំនួន២០ ចូលរួមប្រកួតប្រជែងគ្នា៕
© រក្សាសិទ្ធិដោយ thmeythmey.com