ជាតិ
កម្ពុជា -ឥណ្ឌូណេស៊ី នឹងមានជើងហោះហើរត្រង់ នៅឆ្នាំ២០១៩ លោក Sudrirman Haseng ឯកអគ្គរដ្ឋទូតឥណ្ឌូណេស៊ី (ឆ្វេង) និងរដ្ឋមន្ត្រីក្រសួងទេសចរណ៍ ថោង ខុន (ស្ដាំ)
× ភ្នំពេញ៖ កម្ពុជា និងឥណ្ឌូណេស៊ី នឹងរៀបចំមានជើងហោះហើរត្រង់ នៅឆ្នាំ២០១៩ ខាងមុខ។ គម្រោងនេះ ត្រូវបានលើកយកទៅពិភាក្សាគ្នារវាងរដ្ឋមន្ត្រីក្រសួងទេសចរណ៍លោក ថោង ខុន និងលោក Sudrirman Haseng ឯកអគ្គរដ្ឋទូតឥណ្ឌូណេស៊ី ប្រចាំកម្ពុជា។
ក្រៅពីជំរុញឲ្យមានការហោះហើរត្រង់នេះ លោក ប្រាក់ សុខុន និងលោក Sudrirman Haseng ក៏ពិភាក្សាគ្នាពីការរៀបចំបុណ្យប្រពៃណីបែបពុទ្ធសាសនាផងដែរ។ គោលបំណងនេះការរៀបចំពិធីបុណ្យប្រពៃណីរួមគ្នា គឺចង់ឲ្យមានការផ្សព្វផ្សាយគោលដៅទេសចរណ៍កម្ពុជា ដើម្បីជំរុញឲ្យប្រទេសដទៃស្គាល់កម្ពុជាកាន់តែច្រើន។ ជាពិសេសជំរុញឲ្យប្រជាពលរដ្ឋទាំងអស់ ដែលមានជំនឿលើព្រះពុទ្ធសាសនា ប្រព្រឹត្តទង្វើល្អជាដើម។
ភាគីឥណ្ឌូណេស៊ី នឹងយកសំណើរៀបចំបុណ្យប្រពៃណីរួមគ្នានេះ ទៅពិភាក្សាជាមួយក្រសួងទេសចរណ៍ឥណ្ឌណេស៊ី។ ដោយឡែកការហោះហើរត្រង់ រវាងប្រទេសទាំងពីរ នឹងអាចរៀបចំនៅឆ្នាំ២០១៩ តាមគម្រោងពិភាក្សាគ្នា។ «ហើយចំពោះកិច្ចសហប្រតិបត្តិការរវាងការតភ្ជាប់ដោយផ្ទាល់ពីកម្ពុជា ទៅឥណ្ឌូណេស៊ីអាចនឹងមានការហោះហើរត្រង់ នៅឆ្នាំ២០១៩ ដែលជាឆ្នាំប្រារព្វខួបលើកទី៦០ នៃទំនាក់ទំនងការទូតកម្ពុជា និងឥណ្ឌូណេស៊ី។ នេះជាការបញ្ជាក់របស់លោក ថុក សុខុម ទីប្រឹក្សាក្រសួងទេសចរណ៍ ដែលបានស្រង់សម្ដីឯកអគ្គរដ្ឋទូតឥណ្ឌូណេស៊ី បន្ថែមថា ជើងហោះហើរត្រង់រវាងប្រទេសទាំងពីរ តាមរយៈLion Air ៕
Tag:
ថោង ខុន
ទេសចរណ៍
កម្ពុជា
ឥណ្ឌូនេស៊ី
© រក្សាសិទ្ធិដោយ thmeythmey.com