អន្តរជាតិ
ម្ចាស់ក្រុមហ៊ុនអវកាសអាមេរិក ច្នៃនាវាមុជទឹកខ្នាតតូចទៅជួយក្មេងៗថៃដែលជាប់ក្នុងរូងភ្នំ
×![]()
ដោយ: ទេព ពិទូរ្យ
សហគ្រិនបច្ចេកវិទ្យាអាមេរិក និងជាម្ចាស់ក្រុមហ៊ុនអវកាស SpaceX លោក Elon Musk បានស្នើឲ្យមាននាវាមុជទឹកតូចមួយដើម្បីយកទៅជួយសង្គ្រោះក្មេងប្រុសចេញពីក្នុងរូងភ្នំ Tham Luang ខណៈស្ថានភាពទឹកលិចក្រុងភ្នំជ្រៅ និងមានចម្ងាយឆ្ងាយពីមាត់រូងដែលអាចបង្កឲ្យមានគ្រោះថ្នាក់ដល់ក្មេងៗទាំងនោះ។ លោក Musk ក៏បានយកនាវារុករកតូចនោះបង្ហោះលើប្រព័ន្ធផ្សព្វផ្សាយសង្គម ដើម្បីទទួលយោបល់ថាគួរយកវាមកប្រើក្នុងប្រតិបត្តិការនេះឬក៏អត់។
បន្ទាប់ពីក្រុមអ្នកជួយសង្គ្រោះយកក្មេងបាន៤នាក់ចេញមកក្រៅរូងភ្នំដោយសុវត្ថិភាព កាលពីថ្ងៃទី៨ ខែកក្កដាម្សិលមិញ នៅក្នុងសន្នីសីទសារព័ត៌មានមួយលោកអភិបាលខេត្តឈៀងរ៉ៃ Narongsak Osottanakorn បានបញ្ជាក់ថា ប្រតិបត្តិការនេះត្រូវផ្អាកបណ្តោះអាសន្នសិននៅពេលនេះដោយសារតែកម្រិតអុកស៊ីសែនធ្លាក់ចុះ។ លោកបានសង្កត់ធ្ងន់ថា ប្រតិបត្តិការបន្ទាប់អាចធ្វើទៅបានក្នុងរយៈពេលយ៉ាងហោចណាស់ ១០ ម៉ោងក្រោយ។
ក្រោមហេតុផលកម្រិតអុកស៊ីសែននៅក្នុងរូងភ្នំធ្លាក់ចុះ ដែលអាចបង្កគ្រោះថ្នាក់ដល់ក្មេងដែលមិនទាន់អាចចេញរួចចំនួន៨នាក់ និងគ្រូរបស់ពួកគេ លោកវិស្វករ Musk ដែលជាម្ចាស់ក្រុមហ៊ុនរុករកអវកាស SpaceX និងជាមហាសេដ្ឋីជនជាតិអាមេរិក បានបង្ហោះវីដេអូដែលបង្ហាញពីមនុស្សកំពុងសាកល្បងនាវាមុជទឹកតូចមួយដែលអាចផ្ទុកមនុស្សម្នាក់ក្នុងនោះក្នុងអាងទឹកនៅលើបណ្តាញសង្គម Twitter របស់លោកដែលមានអ្នក Follow ២២លាននាក់។
បើតាមការផ្សាយរបស់ទីភ្នាក់ងារព័ត៌មាន AFP នាវាដែលមានរាងដូចក្បាលកាំជ្រួច Falcon មានបំពាក់ភ្លើងបំភ្លឺផ្លូវគ្រប់គ្រាន់ និងភ្ជាប់បំពុងអ៊ុកស៊ីសែន២សងខាង ហើយមានរាងតូចល្បមដែលអាចឆ្លងកាត់ចន្លោះប្រហោងតូចៗក្នុងរូងភ្នំបានដោយងាយ។
វីដេអូខាងលើនេះបានបង្ហោះនៅថ្ងៃទី៨ ខែកក្កដាដោយបានទាក់ទាញការចាប់អារម្មណ៍ប្រមាណជាង៣លាននាក់។ អ្នក Follow ជាច្រើនបានផ្តល់យោបល់ជាវិជ្ជមានដោយបានសរសើរ Musk រួមទាំងក្រុមវិស្វកររបស់គាត់ចំពោះការច្នៃប្រឌិតនេះ។
ទោះជាយ៉ាងណា ក៏មានមនុស្សមួយចំនួនបានចោទសួរថាតើផែនការរបស់លោក Musk អាចទុកចិត្តបានដែរឬទេ។
បើតាមប្រភពព័ត៌មានដដែល នាវាមុជទឹកខ្នាតតូចនឹងទៅដល់ប្រទេសថៃនៅថ្ងៃទី៩ ខែកក្កដានេះស្របពេលអាជ្ញាធរថៃបាននិយាយថាពួកគេស្វាគមន៍ជានិច្ចក្នុងការផ្តល់ជំនួយទាំងអស់នៅក្នុងកិច្ចខិតខំប្រឹងប្រែងជួយសង្គ្រោះក្មេងប្រុសដែលកំពុងជាប់ក្នុងរូងភ្នំដ៏ស្មុគស្មាញមួយក្នុងស្រុកម៉ៃសៃ ខេត្តឈៀងរ៉ៃ ភាគខាងជើងនៃប្រទេសថៃនេះ៕
បន្ទាប់ពីក្រុមអ្នកជួយសង្គ្រោះយកក្មេងបាន៤នាក់ចេញមកក្រៅរូងភ្នំដោយសុវត្ថិភាព កាលពីថ្ងៃទី៨ ខែកក្កដាម្សិលមិញ នៅក្នុងសន្នីសីទសារព័ត៌មានមួយលោកអភិបាលខេត្តឈៀងរ៉ៃ Narongsak Osottanakorn បានបញ្ជាក់ថា ប្រតិបត្តិការនេះត្រូវផ្អាកបណ្តោះអាសន្នសិននៅពេលនេះដោយសារតែកម្រិតអុកស៊ីសែនធ្លាក់ចុះ។ លោកបានសង្កត់ធ្ងន់ថា ប្រតិបត្តិការបន្ទាប់អាចធ្វើទៅបានក្នុងរយៈពេលយ៉ាងហោចណាស់ ១០ ម៉ោងក្រោយ។
ក្រោមហេតុផលកម្រិតអុកស៊ីសែននៅក្នុងរូងភ្នំធ្លាក់ចុះ ដែលអាចបង្កគ្រោះថ្នាក់ដល់ក្មេងដែលមិនទាន់អាចចេញរួចចំនួន៨នាក់ និងគ្រូរបស់ពួកគេ លោកវិស្វករ Musk ដែលជាម្ចាស់ក្រុមហ៊ុនរុករកអវកាស SpaceX និងជាមហាសេដ្ឋីជនជាតិអាមេរិក បានបង្ហោះវីដេអូដែលបង្ហាញពីមនុស្សកំពុងសាកល្បងនាវាមុជទឹកតូចមួយដែលអាចផ្ទុកមនុស្សម្នាក់ក្នុងនោះក្នុងអាងទឹកនៅលើបណ្តាញសង្គម Twitter របស់លោកដែលមានអ្នក Follow ២២លាននាក់។
— Elon Musk (@elonmusk) July 8, 2018
បើតាមការផ្សាយរបស់ទីភ្នាក់ងារព័ត៌មាន AFP នាវាដែលមានរាងដូចក្បាលកាំជ្រួច Falcon មានបំពាក់ភ្លើងបំភ្លឺផ្លូវគ្រប់គ្រាន់ និងភ្ជាប់បំពុងអ៊ុកស៊ីសែន២សងខាង ហើយមានរាងតូចល្បមដែលអាចឆ្លងកាត់ចន្លោះប្រហោងតូចៗក្នុងរូងភ្នំបានដោយងាយ។
វីដេអូខាងលើនេះបានបង្ហោះនៅថ្ងៃទី៨ ខែកក្កដាដោយបានទាក់ទាញការចាប់អារម្មណ៍ប្រមាណជាង៣លាននាក់។ អ្នក Follow ជាច្រើនបានផ្តល់យោបល់ជាវិជ្ជមានដោយបានសរសើរ Musk រួមទាំងក្រុមវិស្វកររបស់គាត់ចំពោះការច្នៃប្រឌិតនេះ។
ទោះជាយ៉ាងណា ក៏មានមនុស្សមួយចំនួនបានចោទសួរថាតើផែនការរបស់លោក Musk អាចទុកចិត្តបានដែរឬទេ។
Simulating maneuvering through a narrow passage pic.twitter.com/2z01Ut3vxJ
— Elon Musk (@elonmusk) July 9, 2018
បើតាមប្រភពព័ត៌មានដដែល នាវាមុជទឹកខ្នាតតូចនឹងទៅដល់ប្រទេសថៃនៅថ្ងៃទី៩ ខែកក្កដានេះស្របពេលអាជ្ញាធរថៃបាននិយាយថាពួកគេស្វាគមន៍ជានិច្ចក្នុងការផ្តល់ជំនួយទាំងអស់នៅក្នុងកិច្ចខិតខំប្រឹងប្រែងជួយសង្គ្រោះក្មេងប្រុសដែលកំពុងជាប់ក្នុងរូងភ្នំដ៏ស្មុគស្មាញមួយក្នុងស្រុកម៉ៃសៃ ខេត្តឈៀងរ៉ៃ ភាគខាងជើងនៃប្រទេសថៃនេះ៕
Tag:
ក្មេងប្រុសបាត់ខ្លួននៅថៃ
រូងភ្នំ Tham Luang
Elon Musk
© រក្សាសិទ្ធិដោយ thmeythmey.com
