អន្តរជាតិ
លោក ណាជីប ត្អូញត្អែរពីជីវិតលំបាក ក្រោយគណនីធនាគារត្រូវរដ្ឋាភិបាលបង្កកទុក
លោក ណាជីប រ៉ាហ្សាក់ ពេលចូលបំភ្លឺនៅគណៈកម្មការប្រឆាំងអំពើពុកករលួយ (រូបភាព AFP)
×![]()
ដោយ: តន ចាន់រិទ្ធារ៉ា
នៅថ្ងៃទី១១ ខែកក្កដា អតីតនាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ បានបង្ហោះសារត្អូញត្អែរមួយតាមទំព័រហ្វេសប៊ុករបស់ខ្លួនជុំវិញការលំបាកក្នុងជីវភាពប្រចាំថ្ងៃ បន្ទាប់ពីគណនីធនាគាររបស់លោកត្រូវបានរដ្ឋផ្អឹបទុក។ ការផ្អឹបទុកគណនីនេះ ជាផ្នែកមួយនៃដំណើរការស៊ើបអង្កេតលើករណីបំពានអំណាច និងប្រើប្រាស់លុយរដ្ឋខុសគោលដៅ។ សព្វថ្ងៃនេះ លោក ណាជីប កំពុងរស់នៅក្រៅឃុំបណ្ដោះអាសន្នសិន។
អតីតមេដឹកនាំម៉ាឡេស៊ី ណាជីប រ៉ាហ្សាក់ បានរងបទចោទប្រកាន់ធំៗបួនរួមមានរំលោភសេចក្តីទុកចិត្ត និងប្រើអំណាចប្រព្រឹត្តអំពើពុករលួយ។ អំឡុងពេលស៊ើបអង្កេត គណៈកម្មការប្រឆាំងអំពើពុករលួយម៉ាឡេស៊ី បានបង្កកគណនីធនាគារផ្ទាល់ខ្លួនរបស់លោក និងគណនីរបស់កូនៗ ក៏ដូចជាចៅរបស់លោកផង។ លោក ណាជីប ដែលរស់នៅក្រៅឃុំក្រោយបង់ប្រាក់ធានានោះ បានបង្ហាញការមិនពេញចិត្តនឹងចំណាត់ការរបស់អាជ្ញាធរម៉ាឡេស៊ី។
យោងតាមទូរទស្សន៍សិង្ហបុរី Channel NewsAsia លោក ណាជីប បានសរសេរសារមិនពេញចិត្តនេះនៅលើបណ្ដាញសង្គមហ្វេសប៊ុកផ្លូវការរបស់ខ្លួន និងចាត់ទុកសកម្មភាពរបស់អាជ្ញាធរលើរូបលោក ជាការបំពានសិទ្ធិបុគ្គលផង។ ដោយសារតែការផ្អឹបគណនីធនាគារនេះ អតីតនាយករដ្ឋមន្ត្រីម៉ាឡេស៊ីរូបនេះអះអាងថា លោកកំពុងប្រឈមមុខបញ្ហាលំបាកក្នុងជីវភាពប្រចាំថ្ងៃ ហើយក៏ពិបាករកលុយបង់ថ្លៃចំណាយផ្សេងៗផង។
«អាជ្ញាធរត្រូវតែដឹងថា ខ្ញុំក៏ជាប្រជាជនសាមញ្ញម្នាក់ដែរ។ ក្នុងនាមជាមេគ្រួសារ ខ្ញុំត្រូវបង់ថ្លៃចំណាយសុខភាព និងការចំណាយផ្សេងក្នុងគ្រួសារ។ ការបង្កកគណនីធនាគារធ្វើឲ្យខ្ញុំពិបាករស់នៅ»។ នេះជាសាររ៉ាយរ៉ាប់លើទំព័រហ្វេសប៊ុករបស់លោក ណាជីប នៅថ្ងៃទី១១ ខែកក្កដា មុននឹងបន្តថា លោកដឹងរឿងផ្អឹបគណនីនេះ ក្រោយមូលប្បទានបណ្ណដែលលោកចេញសម្រាប់ទូទាត់ថ្លៃព្យាបាលជំងឺកូនស្រីរបស់លោក មិនដំណើរការ។
កាលពីសប្ដាហ៍មុន គណៈកម្មការប្រឆាំងអំពើពុករលួយម៉ាឡេស៊ីបានបង្កកគណនីធនាគារច្រើនជាង៤០០ ដែលជាផ្នែកមួយនៃការស៊ើបអង្កេតលើករណីប្រើប្រាស់ថវិកាមូលនិធិ 1MDB ខុសគោលដៅ។ យ៉ាងណាមិញ គណនីរបស់កូនស្រីលោក បានដំណើរការវិញហើយ នៅឡើយែគណនីផ្ទាល់ខ្លួនលោកប៉ុណ្ណោះ។ លោក ណាជីប អះអាងថា គណនីទាំងនោះ ត្រូវបានប្រើប្រាស់ដើម្បីតែបើកប្រាក់ខែ និងប្រាក់សោធននិវត្តន៍ក្នុងនាមជារាជការសាធារណៈ ដែលគ្មានអ្វីប៉ះពាល់ដល់ការស៊ើបអង្កេតអ្វីទេ។
មកទល់ពេលនេះ ការស៊ើបអង្កេតលើសំណុំរឿងមូលនិធិរដ្ឋ 1MDB កំពុងធ្វើឡើងយ៉ាងសស្រាក់ស្រាំ ក្រោយមានបញ្ជាពីនាយករដ្ឋមន្ត្រី មហាធៀ មហាម៉ាត់។ ដោយសារតែករណីនេះហើយទើបលោក ណាជីប ចាញ់ឆ្នោតអស់តំណែង និងបន្ទាប់ត្រូវតុលាការចោទប្រកាន់ជាច្រើនករណីនោះ។ យ៉ាងណាមិញ លោកបានទាត់ចោលរាល់ការប្រកាន់ទាំងអស់។ សរុបទៅ បើសិនជាមានការកាត់ទោសមែន លោកជាប់ពន្ធនាគារយ៉ាងហោចណាស់ ២០ឆ្នាំ និងត្រូវពិន័យជាប្រាក់ផង៕
អតីតមេដឹកនាំម៉ាឡេស៊ី ណាជីប រ៉ាហ្សាក់ បានរងបទចោទប្រកាន់ធំៗបួនរួមមានរំលោភសេចក្តីទុកចិត្ត និងប្រើអំណាចប្រព្រឹត្តអំពើពុករលួយ។ អំឡុងពេលស៊ើបអង្កេត គណៈកម្មការប្រឆាំងអំពើពុករលួយម៉ាឡេស៊ី បានបង្កកគណនីធនាគារផ្ទាល់ខ្លួនរបស់លោក និងគណនីរបស់កូនៗ ក៏ដូចជាចៅរបស់លោកផង។ លោក ណាជីប ដែលរស់នៅក្រៅឃុំក្រោយបង់ប្រាក់ធានានោះ បានបង្ហាញការមិនពេញចិត្តនឹងចំណាត់ការរបស់អាជ្ញាធរម៉ាឡេស៊ី។
យោងតាមទូរទស្សន៍សិង្ហបុរី Channel NewsAsia លោក ណាជីប បានសរសេរសារមិនពេញចិត្តនេះនៅលើបណ្ដាញសង្គមហ្វេសប៊ុកផ្លូវការរបស់ខ្លួន និងចាត់ទុកសកម្មភាពរបស់អាជ្ញាធរលើរូបលោក ជាការបំពានសិទ្ធិបុគ្គលផង។ ដោយសារតែការផ្អឹបគណនីធនាគារនេះ អតីតនាយករដ្ឋមន្ត្រីម៉ាឡេស៊ីរូបនេះអះអាងថា លោកកំពុងប្រឈមមុខបញ្ហាលំបាកក្នុងជីវភាពប្រចាំថ្ងៃ ហើយក៏ពិបាករកលុយបង់ថ្លៃចំណាយផ្សេងៗផង។
«អាជ្ញាធរត្រូវតែដឹងថា ខ្ញុំក៏ជាប្រជាជនសាមញ្ញម្នាក់ដែរ។ ក្នុងនាមជាមេគ្រួសារ ខ្ញុំត្រូវបង់ថ្លៃចំណាយសុខភាព និងការចំណាយផ្សេងក្នុងគ្រួសារ។ ការបង្កកគណនីធនាគារធ្វើឲ្យខ្ញុំពិបាករស់នៅ»។ នេះជាសាររ៉ាយរ៉ាប់លើទំព័រហ្វេសប៊ុករបស់លោក ណាជីប នៅថ្ងៃទី១១ ខែកក្កដា មុននឹងបន្តថា លោកដឹងរឿងផ្អឹបគណនីនេះ ក្រោយមូលប្បទានបណ្ណដែលលោកចេញសម្រាប់ទូទាត់ថ្លៃព្យាបាលជំងឺកូនស្រីរបស់លោក មិនដំណើរការ។
កាលពីសប្ដាហ៍មុន គណៈកម្មការប្រឆាំងអំពើពុករលួយម៉ាឡេស៊ីបានបង្កកគណនីធនាគារច្រើនជាង៤០០ ដែលជាផ្នែកមួយនៃការស៊ើបអង្កេតលើករណីប្រើប្រាស់ថវិកាមូលនិធិ 1MDB ខុសគោលដៅ។ យ៉ាងណាមិញ គណនីរបស់កូនស្រីលោក បានដំណើរការវិញហើយ នៅឡើយែគណនីផ្ទាល់ខ្លួនលោកប៉ុណ្ណោះ។ លោក ណាជីប អះអាងថា គណនីទាំងនោះ ត្រូវបានប្រើប្រាស់ដើម្បីតែបើកប្រាក់ខែ និងប្រាក់សោធននិវត្តន៍ក្នុងនាមជារាជការសាធារណៈ ដែលគ្មានអ្វីប៉ះពាល់ដល់ការស៊ើបអង្កេតអ្វីទេ។
មកទល់ពេលនេះ ការស៊ើបអង្កេតលើសំណុំរឿងមូលនិធិរដ្ឋ 1MDB កំពុងធ្វើឡើងយ៉ាងសស្រាក់ស្រាំ ក្រោយមានបញ្ជាពីនាយករដ្ឋមន្ត្រី មហាធៀ មហាម៉ាត់។ ដោយសារតែករណីនេះហើយទើបលោក ណាជីប ចាញ់ឆ្នោតអស់តំណែង និងបន្ទាប់ត្រូវតុលាការចោទប្រកាន់ជាច្រើនករណីនោះ។ យ៉ាងណាមិញ លោកបានទាត់ចោលរាល់ការប្រកាន់ទាំងអស់។ សរុបទៅ បើសិនជាមានការកាត់ទោសមែន លោកជាប់ពន្ធនាគារយ៉ាងហោចណាស់ ២០ឆ្នាំ និងត្រូវពិន័យជាប្រាក់ផង៕
Tag:
ម៉ាឡេស៊ី
ណាជីប រ៉ាហ្សាក់
© រក្សាសិទ្ធិដោយ thmeythmey.com
