ជាតិ
នយោបាយជាតិ
ខ្មែរមួយចំនួននៅអង់គ្លេស ស្នើឲ្យលោកស្រី Teresa May កុំដាក់ទណ្ឌកម្មលើកម្ពុជា
លោកស្រី Theresa May នាយករដ្ឋមន្រ្តីអង់គ្លេស
×![]()
ភ្នំពេញ៖ ពលរដ្ឋខ្មែរនៅអង់គ្លេស បានដាក់ញត្តិចំនួន៣ផ្សេងគ្នា ទៅកាន់រដ្ឋាភិបាល និងសភាអង់គ្លេស ដើម្បីសូមកុំឲ្យដាក់ទណ្ឌកម្ម មកលើប្រទេសកម្ពុជា។ នៅក្នុងញត្តិរបស់ពួកគេ បានបញ្ជាក់ថា ប្រសិនបើ មានការដាក់ទណ្ឌកម្ម អ្នកដែលទទួលរងផលប៉ះពាល់ធ្ងន់ជាងគេ គឺកម្មករ និងកសិករក្រីក្រ។
ដោយបារម្ភថាអង់គ្លេស អាចនឹងដាក់ទណ្ឌកម្មមកលើប្រទេសកម្ពុជា ប្រជាជនខ្មែរមួយចំនួន ដែលកំពុងរស់នៅទីនោះ ក៏សម្រេចសរសេរញត្តិដាក់ទៅកាន់លោកស្រី Teresa May នាយករដ្ឋមន្ត្រីអង់គ្លេស លោក John Bercow ប្រធានសភាអង់គ្លេស និងលោក Boris Johnson រដ្ឋមន្ត្រីការបរទេសអង់គ្លេស (បច្ចុប្បន្នបានលាលែងពីតំណែង) ដើម្បីសូមឲ្យលើកលែងការដាក់ទណ្ឌកម្មណាមួយ មកលើរដ្ឋាភិបាលកម្ពុជា។ នៅក្នុងញត្តិ បាននិយាយអំពីការអភិវឌ្ឍទៀងទាត់នូវកម្រិត GDP ជាមធ្យម៧.៧ ភាគរយ និងបាននិយាយអំពីផលប៉ះពាល់ធំបំផុតដល់ជីវភាពរស់នៅរបស់កម្មកររោងចក្រ និងកសិករនៅកម្ពុជា ប្រសិនបើមានការដាក់ទណ្ឌកម្ម។
ផលប៉ះពាល់ដ៏ធំនោះ គឺវិស័យឧស្សាហកម្មកាត់ដេរ និងស្បែកជើង ដែលបានបង្កើតឲ្យមានការងារជាង ៨០០,០០០ កន្លែង ហើយប្រជាពលរដ្ឋខ្មែរជាច្រើនលាននាក់ផ្សេងទៀត ក៏បានទទួលផលប្រយោជន៍ពីលក្ខខណ្ឌអនុគ្រោះពន្ធ GSP/EBA/MEN។ ដូច្នេះ ប្រសិនបើ មានការដាក់ទណ្ឌកម្មណាមួយ អ្នកទទួលរងផលប៉ះពាល់ដំបូងគេ និងខ្លាំងជាងគេបំផុតគឺ កម្មកររោងចក្រ និងកសិករ។
ការដាក់ញត្តិនេះ ធ្វើឡើងបន្ទាប់ពីមានបណ្ដាប្រទេសមួយចំនួនកំពុងតែមិនពេញចិត្តនឹងការរៀបចំការបោះឆ្នោតនៅកម្ពុជា ព្រមជាមួយការទទូចពីថ្នាក់ដឹកនាំរបស់អតីតគណបក្សសង្គ្រោះជាតិ ឲ្យផ្ដាច់ជំនួយពីកម្ពុជា ដើម្បីឲ្យខ្លួន បានចូលរួមក្នុងការបោះឆ្នោត នាពេលខាងមុខ។
គួររម្លឹកថា កាលពីដើមខែមិថុនា ឆ្នាំ២០១៨ ប្រជាពលរដ្ឋខ្មែរ នៅប្រទេសស្វីស ក៏បានដាក់ញត្តិស្នើឲ្យរដ្ឋាភិបាលស្វីស កុំដាក់ទណ្ឌកម្មមកលើរដ្ឋាភិបាលកម្ពុជាដែរ៕
ដោយបារម្ភថាអង់គ្លេស អាចនឹងដាក់ទណ្ឌកម្មមកលើប្រទេសកម្ពុជា ប្រជាជនខ្មែរមួយចំនួន ដែលកំពុងរស់នៅទីនោះ ក៏សម្រេចសរសេរញត្តិដាក់ទៅកាន់លោកស្រី Teresa May នាយករដ្ឋមន្ត្រីអង់គ្លេស លោក John Bercow ប្រធានសភាអង់គ្លេស និងលោក Boris Johnson រដ្ឋមន្ត្រីការបរទេសអង់គ្លេស (បច្ចុប្បន្នបានលាលែងពីតំណែង) ដើម្បីសូមឲ្យលើកលែងការដាក់ទណ្ឌកម្មណាមួយ មកលើរដ្ឋាភិបាលកម្ពុជា។ នៅក្នុងញត្តិ បាននិយាយអំពីការអភិវឌ្ឍទៀងទាត់នូវកម្រិត GDP ជាមធ្យម៧.៧ ភាគរយ និងបាននិយាយអំពីផលប៉ះពាល់ធំបំផុតដល់ជីវភាពរស់នៅរបស់កម្មកររោងចក្រ និងកសិករនៅកម្ពុជា ប្រសិនបើមានការដាក់ទណ្ឌកម្ម។
ផលប៉ះពាល់ដ៏ធំនោះ គឺវិស័យឧស្សាហកម្មកាត់ដេរ និងស្បែកជើង ដែលបានបង្កើតឲ្យមានការងារជាង ៨០០,០០០ កន្លែង ហើយប្រជាពលរដ្ឋខ្មែរជាច្រើនលាននាក់ផ្សេងទៀត ក៏បានទទួលផលប្រយោជន៍ពីលក្ខខណ្ឌអនុគ្រោះពន្ធ GSP/EBA/MEN។ ដូច្នេះ ប្រសិនបើ មានការដាក់ទណ្ឌកម្មណាមួយ អ្នកទទួលរងផលប៉ះពាល់ដំបូងគេ និងខ្លាំងជាងគេបំផុតគឺ កម្មកររោងចក្រ និងកសិករ។
ការដាក់ញត្តិនេះ ធ្វើឡើងបន្ទាប់ពីមានបណ្ដាប្រទេសមួយចំនួនកំពុងតែមិនពេញចិត្តនឹងការរៀបចំការបោះឆ្នោតនៅកម្ពុជា ព្រមជាមួយការទទូចពីថ្នាក់ដឹកនាំរបស់អតីតគណបក្សសង្គ្រោះជាតិ ឲ្យផ្ដាច់ជំនួយពីកម្ពុជា ដើម្បីឲ្យខ្លួន បានចូលរួមក្នុងការបោះឆ្នោត នាពេលខាងមុខ។
គួររម្លឹកថា កាលពីដើមខែមិថុនា ឆ្នាំ២០១៨ ប្រជាពលរដ្ឋខ្មែរ នៅប្រទេសស្វីស ក៏បានដាក់ញត្តិស្នើឲ្យរដ្ឋាភិបាលស្វីស កុំដាក់ទណ្ឌកម្មមកលើរដ្ឋាភិបាលកម្ពុជាដែរ៕
អត្ថបទទាក់ទង
Tag:
ទណ្ឌកម្ម
កម្ពុជា
អង់គ្លេស
© រក្សាសិទ្ធិដោយ thmeythmey.com
