ទូតខ្មែរនៅថៃ ប្រាប់ពលករឲ្យបន្តការងារដូចដើម

ជាតិ

ទូតខ្មែរនៅថៃ ប្រាប់ពលករឲ្យបន្តការងារដូចដើម

14, Jul 2018 , 3:00 pm

រូបភាព

ដោយ: អ៊ូ សុខមាន (OU Sokmean)

ស្ថានទូតកម្ពុជាប្រចាំប្រទេសថៃ ប្រាប់ដល់ពលករខ្មែរគ្រប់រូបដែលធ្វើការងារនៅថៃ បន្តការងាររបស់ខ្លួនដូចសព្វដង។ ការណែនាំនេះ ធ្វើឡើងបន្ទាប់ពីមានក្រុមឆ្លៀតឱកាសមួយចំនួនបានយកឃ្លីបវីឌីអូចាស់ៗ អំពីការចុះត្រួតពិនិត្យពលករបរទេសរបស់អាជ្ញាធរថៃ មកផ្សាយឡើងវិញក្នុងបណ្តាញសង្គមហ្វេសប៊ុក។

ដូច្នេះស្ថានទូតកម្ពុជាប្រចាំប្រទេសថៃ អំពាវនាវដល់ពលករខ្មែរគ្រប់រូបដែលមានឯកសារស្នាក់នៅ និងធ្វើការងានៅប្រទេសថៃ ឲ្យរក្សារនូវភាពស្ងៀមស្ងាត់ និងបន្តធ្វើការងារធម្មតា។

ដោយឡែកពលករដែលមិនមានឯកសារ សូមប្រញាប់ទាក់ទងមកស្ថានទូតកម្ពុជាប្រចាំប្រទេសថៃ ដើម្បីដាក់ពាក្យស្នើរសុំលិខិតធ្វើដំណើរបណ្តោះអាសន្នត្រលប់មកកម្ពុជាវិញ ដើម្បីរៀបចំឯកសារស្របច្បាប់ និងត្រលប់ទៅធ្វើការនៅប្រទេសថៃតាមរយៈMOU។ នេះបើយោងតាមសេចក្តីប្រកាសព័ត៌មានរបស់ស្ថានទូតកម្ពុជាប្រចាំប្រទេសថៃ ចុះកាលថ្ងៃទី១២ ខែកក្កដា ឆ្នាំ២១០៨។

រាល់បញ្ហាដែលបានកើតឡើង ស្ថានទូតកម្ពុជា ប្រចាំប្រទេសថៃ ស្នើឲ្យពលរដ្ឋទាក់ទងទៅមន្ត្រីរបស់ខ្លួនតាមរយៈលេខ ០២ ៩៥៧ ៥៨៥១/០៩២ ៨០៥ ០៥៦១/ ០៩៤ ០៩២ ៥៩០៥/ ០៨៦ ៧៩៩ ៩៩ ៥៧/ ០៦៤ ៧៥៥ ៧៤០១ ៕