អន្តរជាតិ
ប្រធានអាស៊ានសិង្ហបុរី៖ សហភាពអឺរ៉ុបនិងអាស៊ាននឹងចាប់ផ្ដើមដំណើរការបង្កើត FTA ឡើងវិញ
នាយករដ្ឋមន្រ្តីសិង្ហបុរី លី សៀនឡុង ចាប់ដៃប្រធានាធិបតីបារាំង អេម៉ានុយអែល ម៉ាក្រុង នាដំណើរទស្សនកិច្ចផ្លូវការនៅបារាំង (រូបភាព AFP)
×![]()
ដោយ: តន ចាន់រិទ្ធារ៉ា
អំឡុងពេលទស្សនកិច្ចនៅទឹកដីបារាំង នាយករដ្ឋមន្ត្រីសិង្ហបុរី លី សៀនឡុង និយាយថា សហភាពអឺរ៉ុប និងសមាគមប្រជាជាតិអាស៊ីអាគ្នេយ៏ បានឯកភាពគ្នាចាប់ផ្ដើមដំណើរការបង្កើតកិច្ចព្រមព្រៀងពាណិជ្ជកម្មសេរីទ្វេភាគី (FTA) ឡើងវិញ។ ក្នុងនាមជាប្រទេសសម្របសម្រួលអាស៊ាន-សហភាពអឺរ៉ុប សិង្ហបុរីនឹងបង្កើតក្របខណ្ឌមួយដើម្បីកំណត់វិស័យអាទិភាពនានាដើម្បីជំរុញឲ្យកិច្ចព្រមព្រៀងនេះលេចជារូបរាង។
កាលពីឆ្នាំ២០០៧ អង្គការតំបន់ធំពីរ គឺសហភាពអឺរ៉ុប និងសមាគមប្រជាជាតិអាស៊ីអាគ្នេយ៍ ឬអាស៊ាន បានព្រមព្រៀងគ្នាចាប់ផ្ដើមការចរចាដើម្បីបង្កើតកិច្ចព្រមព្រៀងពាណិជ្ជកម្មសេរី (FTA) រវាងគ្នា។ បានត្រឹមរយៈពេលពីរឆ្នាំប៉ុណ្ណោះ ដំណើរការចរចាក៏ត្រូវបានផ្អាក ព្រោះសហភាពអឺរ៉ុបចង់រកស៊ីជាមួយសមាជិកអាស៊ានទាំង១០ ជាលក្ខណៈទ្វេភាគី ជាជាងការធ្វើពាណិជ្ជកម្មក្រោមក្របខណ្ឌរវាងតំបន់ និងតំបន់។
យ៉ាងណាមិញ នៅថ្ងៃទី១៤ ខែកក្កដា នាយករដ្ឋមន្ត្រីសិង្ហបុរី លី សៀនឡុង ដែលជាប្រធានប្ដូរវេនរបស់អាស៊ានក្នុងឆ្នាំ២០១៨ អះអាងថា ការចរចាដែលផ្អាកជិត១០ឆ្នាំមកហើយនោះ នឹងចាប់ផ្ដើមឡើងវិញ។ ថ្លែងទៅកាន់អ្នកសារព័ត៌មានអំឡុងពេលទស្សនកិច្ចផ្លូវការនៅបារាំង លោក លី និយាយថា សហភាពអឺរ៉ុប និងអាស៊ាន បានយល់ព្រមដំណើរការការចរចាបង្កើតកិច្ចព្រមព្រៀងពាណិជ្ជកម្មសេរីឡើងវិញហើយ។
ក្នុងនាមជាប្រទេសសម្របសម្រួលទំនាក់ទំនងអាស៊ាន និងអឺរ៉ុប ប្រមុខរដ្ឋាភិបាលសិង្ហបុរីក៏បង្ហាញក្ដីសង្ឃឹមក្នុងការបង្កើតយន្តការមួយដើម្បីកំណត់គោលដៅអាទិភាពដែលមានសក្តានុពលដល់ការបង្កើតកិច្ចព្រមព្រងទ្វេភាគីនេះ។ បើតាមទូរទស្សន៍សិង្ហបុរី Channel NewsAsia លោក លី បញ្ជាក់ថា៖ «ការបង្កើតកិច្ចព្រមព្រៀងនេះ នឹងចំណាយពេលវេលាយូរជាងដំណាច់ឆ្នាំនេះ ប៉ុន្តែបើអាចកំណត់កិច្ចព្រមព្រៀងដែលនូវផ្ដល់ឱកាសធំៗបាន យើងអាចទទួលបានជោគជ័យហើយ។»
យ៉ាងណាមិញ ក្នុងកិច្ចប្រជុំរដ្ឋមន្ត្រីសេដ្ឋកិច្ចអាស៊ាន-សហភាពអឺរ៉ុបកាលពីខែមីនា ភាគីទាំងសងខាងបានព្រមព្រៀងជាឯកច្ឆន្ទថា នឹងផ្ដល់សច្ចាប័នលើកិច្ចព្រមព្រៀងពាណិជ្ជកម្មសេរីនេះនៅត្រឹមដំណាច់ឆ្នាំ២០១៨ ប៉ុណ្ណោះ។ ដោយសារលោក លី និយាយថា ការចរចាអាចត្រូវការពេលយូរនោះ វាអាចជាសញ្ញាបង្ហាញពីការមិនទាន់ត្រូវរ៉ូវគ្នាទាំងស្រុងរវាងអាស៊ាន និងសហភាពអឺរ៉ុប ទោះជាភាគីទាំងពីរចង់បានឲ្យកិច្ចព្រមព្រៀងកើតចេញឆាប់ៗក្ដី។
តាមពិតទៅ ការចាប់ផ្ដើមជជែកពីកិច្ចព្រមព្រៀងនេះឡើងវិញ កើតចេញពីការផ្លាស់ប្ដូរចរន្តសេដ្ឋកិច្ចសកល ដែលលេចចេញដោយសារនយោបាយប្រធានាធិបតីអាមេរិក ដូណាល់ ត្រាំ ។ សម្រាប់អឺរ៉ុប អាស៊ានដែលមាន១០ប្រទេស ប្រជាជនសរុបជាង៦០០លាននាក់ គឺជាទីផ្សារដ៏ធំសម្រាប់ពួកគេ ដ្បិតមិនអាចពឹងផ្អែកលើអាមេរិកទាំងស្រុងទៀតបានឡើយ។ ស្នងការពាណិជ្ជកម្មអឺរ៉ុប Cecilia Malmström ធ្លាប់និយាយថា ការផ្លាស់ប្ដូរបរិយាកាសអន្តរជាតិ ធ្វើឲ្យអឺរ៉ុបប្ដូរគោលដៅមកប្រទេសអាស៊ី៕
កាលពីឆ្នាំ២០០៧ អង្គការតំបន់ធំពីរ គឺសហភាពអឺរ៉ុប និងសមាគមប្រជាជាតិអាស៊ីអាគ្នេយ៍ ឬអាស៊ាន បានព្រមព្រៀងគ្នាចាប់ផ្ដើមការចរចាដើម្បីបង្កើតកិច្ចព្រមព្រៀងពាណិជ្ជកម្មសេរី (FTA) រវាងគ្នា។ បានត្រឹមរយៈពេលពីរឆ្នាំប៉ុណ្ណោះ ដំណើរការចរចាក៏ត្រូវបានផ្អាក ព្រោះសហភាពអឺរ៉ុបចង់រកស៊ីជាមួយសមាជិកអាស៊ានទាំង១០ ជាលក្ខណៈទ្វេភាគី ជាជាងការធ្វើពាណិជ្ជកម្មក្រោមក្របខណ្ឌរវាងតំបន់ និងតំបន់។
យ៉ាងណាមិញ នៅថ្ងៃទី១៤ ខែកក្កដា នាយករដ្ឋមន្ត្រីសិង្ហបុរី លី សៀនឡុង ដែលជាប្រធានប្ដូរវេនរបស់អាស៊ានក្នុងឆ្នាំ២០១៨ អះអាងថា ការចរចាដែលផ្អាកជិត១០ឆ្នាំមកហើយនោះ នឹងចាប់ផ្ដើមឡើងវិញ។ ថ្លែងទៅកាន់អ្នកសារព័ត៌មានអំឡុងពេលទស្សនកិច្ចផ្លូវការនៅបារាំង លោក លី និយាយថា សហភាពអឺរ៉ុប និងអាស៊ាន បានយល់ព្រមដំណើរការការចរចាបង្កើតកិច្ចព្រមព្រៀងពាណិជ្ជកម្មសេរីឡើងវិញហើយ។
ក្នុងនាមជាប្រទេសសម្របសម្រួលទំនាក់ទំនងអាស៊ាន និងអឺរ៉ុប ប្រមុខរដ្ឋាភិបាលសិង្ហបុរីក៏បង្ហាញក្ដីសង្ឃឹមក្នុងការបង្កើតយន្តការមួយដើម្បីកំណត់គោលដៅអាទិភាពដែលមានសក្តានុពលដល់ការបង្កើតកិច្ចព្រមព្រងទ្វេភាគីនេះ។ បើតាមទូរទស្សន៍សិង្ហបុរី Channel NewsAsia លោក លី បញ្ជាក់ថា៖ «ការបង្កើតកិច្ចព្រមព្រៀងនេះ នឹងចំណាយពេលវេលាយូរជាងដំណាច់ឆ្នាំនេះ ប៉ុន្តែបើអាចកំណត់កិច្ចព្រមព្រៀងដែលនូវផ្ដល់ឱកាសធំៗបាន យើងអាចទទួលបានជោគជ័យហើយ។»
យ៉ាងណាមិញ ក្នុងកិច្ចប្រជុំរដ្ឋមន្ត្រីសេដ្ឋកិច្ចអាស៊ាន-សហភាពអឺរ៉ុបកាលពីខែមីនា ភាគីទាំងសងខាងបានព្រមព្រៀងជាឯកច្ឆន្ទថា នឹងផ្ដល់សច្ចាប័នលើកិច្ចព្រមព្រៀងពាណិជ្ជកម្មសេរីនេះនៅត្រឹមដំណាច់ឆ្នាំ២០១៨ ប៉ុណ្ណោះ។ ដោយសារលោក លី និយាយថា ការចរចាអាចត្រូវការពេលយូរនោះ វាអាចជាសញ្ញាបង្ហាញពីការមិនទាន់ត្រូវរ៉ូវគ្នាទាំងស្រុងរវាងអាស៊ាន និងសហភាពអឺរ៉ុប ទោះជាភាគីទាំងពីរចង់បានឲ្យកិច្ចព្រមព្រៀងកើតចេញឆាប់ៗក្ដី។
តាមពិតទៅ ការចាប់ផ្ដើមជជែកពីកិច្ចព្រមព្រៀងនេះឡើងវិញ កើតចេញពីការផ្លាស់ប្ដូរចរន្តសេដ្ឋកិច្ចសកល ដែលលេចចេញដោយសារនយោបាយប្រធានាធិបតីអាមេរិក ដូណាល់ ត្រាំ ។ សម្រាប់អឺរ៉ុប អាស៊ានដែលមាន១០ប្រទេស ប្រជាជនសរុបជាង៦០០លាននាក់ គឺជាទីផ្សារដ៏ធំសម្រាប់ពួកគេ ដ្បិតមិនអាចពឹងផ្អែកលើអាមេរិកទាំងស្រុងទៀតបានឡើយ។ ស្នងការពាណិជ្ជកម្មអឺរ៉ុប Cecilia Malmström ធ្លាប់និយាយថា ការផ្លាស់ប្ដូរបរិយាកាសអន្តរជាតិ ធ្វើឲ្យអឺរ៉ុបប្ដូរគោលដៅមកប្រទេសអាស៊ី៕
Tag:
អាស៊ាន
សហភាពអឺរ៉ុប
សិង្ហបុរី
FTA
លី សៀនឡុង
© រក្សាសិទ្ធិដោយ thmeythmey.com
