កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
តារាឆ្នើម Paul Pogba ព្រមទាំងមិត្តរួមក្រុមជម្រើសជាតិបារាំងទាំងអស់បានធ្វើដំណើរទៅដល់ទីក្រុងប៉ារីសវិញហើយ ក្រោយពួកគេផ្តួលក្រូអាស៊ីដណ្ដើមបានពាន World Cup ជាលើកទីពីរក្នុងប្រវត្តិសាស្ត្រ។ នៅមុខអ្នកគាំទ្ររាប់ម៉ឺននាក់ដែលកំពុងឈរចាំអបអរពាននោះ ខ្សែបម្រើ Manchester United បានស្រែកច្រៀងថា N'Golo Kante តូចល្អិតតែល្អជាង Lionel Messi។
លោក Didier Deschamps បានដឹកនាំក្រុមមាន់គក ឈ្នះពានរង្វាន់កីឡាបាល់ទាត់ពិភពលោកឆ្នាំ២០១៨ ដែលធ្វើឡើងក្នុងប្រទេសរុស្ស៊ី ដោយឈ្នះក្រូអាស៊ី ៤-២ ក្នុងការប្រកួតវគ្គផ្តាច់ព្រ័ត្រ នាក្រុងមូស្គូ។
ក្នុងចំណោមសមាសភាពកីឡាកររបស់បារាំង ខ្សែប្រយុទ្ធវ័យក្មេង Kylian Mbappe, Antoine Griezmann និង Pogba សុទ្ធសឹងតែបានធ្វើឲ្យមានភាពលេចធ្លោខ្លាំងនៅគ្រប់ការប្រកួត។ ប៉ុន្តែលើសពីកីឡាករខាងលើ Kante បានក្លាយជាវីរបុរសលាក់មុខរបស់បារាំងសម្រាប់ការប្រកួតទាំងមូលរយៈពេល១ខែក្នុងព្រឹត្តិការណ៍នៅរុស្ស៊ីកន្លងមកនេះ។
សមាជិកក្រុម Chelsea វ័យ២៧ឆ្នាំដែលចូលចិត្តញញឹមរូបនេះ បានទទួលការកោតសរសើរយ៉ាងច្រើន ពីសំណាក់អ្នកគាំទ្រ និងមិត្តរួមក្រុមទាំងអស់ដោយសារតែរូបគេជាកីឡាករសុភាពរាបសារ ស្ងៀមស្ងាត់ និងដាក់ខ្លួនពីធម្មជាតិតែម្តង។ Kante បានបង្ហាញទម្រង់លេងដ៏អស្ចារ្យដែលអាចបិទ Messi ជាប់មិនឲ្យទៅណារួចនាជំនួបបារាំងទល់នឹងអាហ្សង់ទីនវគ្គ១៦ក្រុមចុងក្រោយ។
នៅក្នុងពិធីហែពាន និងអបអរក្រុមនៅមុខវិមានប្រធានាធិបតីបារាំង ដោយមានការចូលរួមពីលោកប្រធានាធិបតី Emmanuel Macron រួមជាមួយអ្នកគាំទ្ររាប់ម៉ឺននាក់នោះ Pogba ដែលមើលទៅដូចជាពិធីករ ឬ DJ បានកាន់ម៉េក្រូស្រែកច្រៀងថា៖« N'Golo Kante គាត់តូចតែល្អ គាត់អាចបិទ Lionel Messi ជាប់»។
វីដេអូអបអរនោះត្រូវបានបង្ហោះចូលទៅក្នុងបណ្តាញសង្គម Twitter នៅប៉ុន្មានម៉ោងមុនហើយបានទទួលការចែកចាយបន្ត និងទស្សនាជាងមួយលាននាក់។
អ្នកគាំទ្រភាគច្រើនដែលមើលវីដេអូនោះ បានបង្ហាញការស្រលាញ់ចូលចិត្ត Kante និងសរសើរថារូបគេជាកីឡាករល្អបំផុតរបស់បារាំងក្នុងជំនាន់នេះ៕
អត្ថបទទាក់ទង
លោក Didier Deschamps បានដឹកនាំក្រុមមាន់គក ឈ្នះពានរង្វាន់កីឡាបាល់ទាត់ពិភពលោកឆ្នាំ២០១៨ ដែលធ្វើឡើងក្នុងប្រទេសរុស្ស៊ី ដោយឈ្នះក្រូអាស៊ី ៤-២ ក្នុងការប្រកួតវគ្គផ្តាច់ព្រ័ត្រ នាក្រុងមូស្គូ។
ក្នុងចំណោមសមាសភាពកីឡាកររបស់បារាំង ខ្សែប្រយុទ្ធវ័យក្មេង Kylian Mbappe, Antoine Griezmann និង Pogba សុទ្ធសឹងតែបានធ្វើឲ្យមានភាពលេចធ្លោខ្លាំងនៅគ្រប់ការប្រកួត។ ប៉ុន្តែលើសពីកីឡាករខាងលើ Kante បានក្លាយជាវីរបុរសលាក់មុខរបស់បារាំងសម្រាប់ការប្រកួតទាំងមូលរយៈពេល១ខែក្នុងព្រឹត្តិការណ៍នៅរុស្ស៊ីកន្លងមកនេះ។
សមាជិកក្រុម Chelsea វ័យ២៧ឆ្នាំដែលចូលចិត្តញញឹមរូបនេះ បានទទួលការកោតសរសើរយ៉ាងច្រើន ពីសំណាក់អ្នកគាំទ្រ និងមិត្តរួមក្រុមទាំងអស់ដោយសារតែរូបគេជាកីឡាករសុភាពរាបសារ ស្ងៀមស្ងាត់ និងដាក់ខ្លួនពីធម្មជាតិតែម្តង។ Kante បានបង្ហាញទម្រង់លេងដ៏អស្ចារ្យដែលអាចបិទ Messi ជាប់មិនឲ្យទៅណារួចនាជំនួបបារាំងទល់នឹងអាហ្សង់ទីនវគ្គ១៦ក្រុមចុងក្រោយ។
នៅក្នុងពិធីហែពាន និងអបអរក្រុមនៅមុខវិមានប្រធានាធិបតីបារាំង ដោយមានការចូលរួមពីលោកប្រធានាធិបតី Emmanuel Macron រួមជាមួយអ្នកគាំទ្ររាប់ម៉ឺននាក់នោះ Pogba ដែលមើលទៅដូចជាពិធីករ ឬ DJ បានកាន់ម៉េក្រូស្រែកច្រៀងថា៖« N'Golo Kante គាត់តូចតែល្អ គាត់អាចបិទ Lionel Messi ជាប់»។
វីដេអូអបអរនោះត្រូវបានបង្ហោះចូលទៅក្នុងបណ្តាញសង្គម Twitter នៅប៉ុន្មានម៉ោងមុនហើយបានទទួលការចែកចាយបន្ត និងទស្សនាជាងមួយលាននាក់។
អ្នកគាំទ្រភាគច្រើនដែលមើលវីដេអូនោះ បានបង្ហាញការស្រលាញ់ចូលចិត្ត Kante និងសរសើរថារូបគេជាកីឡាករល្អបំផុតរបស់បារាំងក្នុងជំនាន់នេះ៕
Tag:
បាល់ទាត់
FIFA World Cup
Paul Pogba
N\'Golo Kante
© រក្សាសិទ្ធិដោយ thmeythmey.com
