កីឡាអន្តរជាតិ
អន្តរជាតិ
បារាំង ក្រូអាស៊ី និងបែលហ្ស៊ិក អបអរកក្រើកប្រទេស ខណៈអង់គ្លេសចង់ស្ងៀមស្ងាត់
×![]()
ដោយ: រួបរួម
បារាំងឈ្នះជើងឯក World Cup ជាលើកទី២ ក្រូអាស៊ី បែលហ្ស៊ិក និងអង់គ្លេស ក៏សុទ្ធតែឡើងដល់ទីតាំងដែលប្រសើរជាងមុនផងដែរក្នុងព្រឹត្តិការណ៍ដណ្តើមពានរង្វាន់ពិភពលោកនេះ។ ទីក្រុងនៃប្រទេសបារាំង ក្រូអាស៊ី និងបែលហ្ស៊ិក សុទ្ធតែបានអបអរនៃដំណើរវិលត្រឡប់របស់វីរបុរសខ្លួន ប៉ុន្តែអង់គ្លេសជ្រើសរើសយកភាពស្ងៀមស្ងាត់ បើទោះបីជាពួកគេឈានដល់វគ្គ១/២ផ្តាច់ព្រ័ត្រជាលើកដំបូងក្រោយអវត្តមានប្រមាណ៣០ឆ្នាំក៏ដោយ។
ក្រោមការដឹកនាំរបស់លោក Didier Deschamps ក្រុមកីឡាបាល់ទាត់ជម្រើសជាតិបារាំង ក្លាយជាម្ចាស់ជើងឯក FIFA World Cup ជាលើកទីពីរ ក្រោយជ័យជម្នះ ៤-២ លើក្រូអាស៊ី នៅវគ្គផ្តាច់ព្រ័ត្រនាទីក្រុងមូស្គូ កាលពីថ្ងៃទី១៥ ខែកក្កដា។
មួយថ្ងៃក្រោយមក លោក Deschamps ដែលកាលពីឆ្នាំ១៩៩៨ ជាប្រធានក្រុមជម្រើសជាតិបារាំងផងដែរនោះ បានដឹកនាំក្រុមជាមួយនឹងពានឆ្ពោះទៅកាន់ក្រុងប៉ារីសវិញ។ ក្នុងដំណើរពីអាកាសយានដ្ឋានរហូតដល់រុក្ខវិថី Champs Elysee មនុស្សរាប់ម៉ឺននាក់បានរង់ចាំស្វាគមន៍ប្រកបដោយភាពរីករាយ។ ក្រុមទាំងមូល ក៏បានទៅកាន់វិមាន Elysee ជាមួយលោកប្រធានាធិបតី អេម៉ានុយអែល ម៉ាក្រុង និងភរិយា ផងដែរ។
សម្រាប់ក្រូអាស៊ីឯណោះវិញ ផ្លូវនានានៅក្នុងទីក្រុង Zagreb កាលពីថ្ងៃចន្ទ ក៏ពោរពេញទៅហ្វូងអ្នកគាំទ្រផងដែរ បើតាម AFP មានចំនួនជាង៥៥ម៉ឺននាក់ឯណោះ។ ទោះបីមិនបានពានក៏ដោយ តែការទទួលបានចំណាត់ថ្នាក់លេខ២ គឺជាការឡើងដល់ចំណុចដ៏ខ្ពស់បំផុតរបស់ក្រុមដែលបែកចេញពីអតីតសាធារណរដ្ឋយូហ្គោស្លាវីមួយនេះ។ កាលពី២០ឆ្នាំមុន ពួកគេបានចំណាត់ថ្នាក់លេខ៣ នាការបង្ហាញជាប្រវត្តិសាស្ត្រនៅ World Cup។
ក្រុមកីឡាករជិះរថយន្តបើកដំបូល ហើយ ធ្វើដំណើរឆ្ពោះទៅ Bana Jelacica Square កណ្តាលក្រុង Zagreb។ ដោយឡែកនៅរាល់ការប្រកួត ក្រុមដែលដឹកនាំដោយលោក Zlatko Dalic តែងតែទទួលបាននូវការគាំទ្រ និងលើកទឹកចិត្តពីសំណាក់លោកស្រី ប្រធានាធិបតី Kolinda Grabar-Kitarovic។
ងាកទៅបែលហ្ស៊ិកឯណោះវិញ ពួកគេបានយកឈ្នះអង់គ្លេស ២-០ ដើម្បីដណ្តើមបានចំណាត់ថ្នាក់លេខ៣។ វាជាជោគជ័យដ៏ធំរបស់បែលហ្ស៊ិក បន្ទាប់ពីពួកគេបានចំណាត់ថ្នាក់លេខ៤ កាលពីឆ្នាំ១៩៨៦ ។
ក្រុមដែលដឹកនាំដោយលោក Roberto Martínez ចូលបង្គំគាល់ព្រះមហាក្សត្រ Philippe បន្ទាប់មកពួកគេរៀបចំពិធីអបអរជាមួយក្រុមអ្នកគាំទ្រនៅក្រុងព្រុចសែលទាំងមូល ខណៈខ្សែបម្រើ Eden Hazard ដើរតួជា DJ នៅក្នុងកម្មវិធី។
ផ្ទុយទៅវិញ អង់គ្លេស មិនមានការជួបជុំពិសេសណាមួយឡើយ បើទោះបីជាជើងឯកឆ្នាំ១៩៦៦មួយនេះ ទើបឈានដល់វគ្គពាក់កណ្តាលផ្តាច់ព្រ័ត្រជាលើកដំបូង បើគិតចាប់តាំងពីឆ្នាំ១៩៩០ ក៏ដោយ។ បើតាមការផ្សាយរបស់ SkyNews សហព័ន្ធកីឡាបាល់ទាត់អង់គ្លេស (FA) បានស្នើទៅខាងភាគីអាកាសយានដ្ឋាន Birmingham Airport រារាំងវត្តមានក្រុមអ្នកគាំទ្រ ក្រោមហេតុផលសុវត្ថិភាព។
ក្រុមផ្សេងៗដែលទទួលបានការអបអរយ៉ាងខ្លាំងក្លាពីសំណាក់អ្នកគាំទ្រ បើទោះបីជាពួកគេហាលអាវក្តីមានដូចជា៖
ម្ចាស់ផ្ទះរុស្ស៊ី
ជប៉ុន
អ៊ុយរូហ្គាយ
ប៉ាណាម៉ា
កូរ៉េខាងត្បូង
កូឡុំប៊ី
ក្រោមការដឹកនាំរបស់លោក Didier Deschamps ក្រុមកីឡាបាល់ទាត់ជម្រើសជាតិបារាំង ក្លាយជាម្ចាស់ជើងឯក FIFA World Cup ជាលើកទីពីរ ក្រោយជ័យជម្នះ ៤-២ លើក្រូអាស៊ី នៅវគ្គផ្តាច់ព្រ័ត្រនាទីក្រុងមូស្គូ កាលពីថ្ងៃទី១៥ ខែកក្កដា។
មួយថ្ងៃក្រោយមក លោក Deschamps ដែលកាលពីឆ្នាំ១៩៩៨ ជាប្រធានក្រុមជម្រើសជាតិបារាំងផងដែរនោះ បានដឹកនាំក្រុមជាមួយនឹងពានឆ្ពោះទៅកាន់ក្រុងប៉ារីសវិញ។ ក្នុងដំណើរពីអាកាសយានដ្ឋានរហូតដល់រុក្ខវិថី Champs Elysee មនុស្សរាប់ម៉ឺននាក់បានរង់ចាំស្វាគមន៍ប្រកបដោយភាពរីករាយ។ ក្រុមទាំងមូល ក៏បានទៅកាន់វិមាន Elysee ជាមួយលោកប្រធានាធិបតី អេម៉ានុយអែល ម៉ាក្រុង និងភរិយា ផងដែរ។
សម្រាប់ក្រូអាស៊ីឯណោះវិញ ផ្លូវនានានៅក្នុងទីក្រុង Zagreb កាលពីថ្ងៃចន្ទ ក៏ពោរពេញទៅហ្វូងអ្នកគាំទ្រផងដែរ បើតាម AFP មានចំនួនជាង៥៥ម៉ឺននាក់ឯណោះ។ ទោះបីមិនបានពានក៏ដោយ តែការទទួលបានចំណាត់ថ្នាក់លេខ២ គឺជាការឡើងដល់ចំណុចដ៏ខ្ពស់បំផុតរបស់ក្រុមដែលបែកចេញពីអតីតសាធារណរដ្ឋយូហ្គោស្លាវីមួយនេះ។ កាលពី២០ឆ្នាំមុន ពួកគេបានចំណាត់ថ្នាក់លេខ៣ នាការបង្ហាញជាប្រវត្តិសាស្ត្រនៅ World Cup។
ក្រុមកីឡាករជិះរថយន្តបើកដំបូល ហើយ ធ្វើដំណើរឆ្ពោះទៅ Bana Jelacica Square កណ្តាលក្រុង Zagreb។ ដោយឡែកនៅរាល់ការប្រកួត ក្រុមដែលដឹកនាំដោយលោក Zlatko Dalic តែងតែទទួលបាននូវការគាំទ្រ និងលើកទឹកចិត្តពីសំណាក់លោកស្រី ប្រធានាធិបតី Kolinda Grabar-Kitarovic។
ងាកទៅបែលហ្ស៊ិកឯណោះវិញ ពួកគេបានយកឈ្នះអង់គ្លេស ២-០ ដើម្បីដណ្តើមបានចំណាត់ថ្នាក់លេខ៣។ វាជាជោគជ័យដ៏ធំរបស់បែលហ្ស៊ិក បន្ទាប់ពីពួកគេបានចំណាត់ថ្នាក់លេខ៤ កាលពីឆ្នាំ១៩៨៦ ។
ក្រុមដែលដឹកនាំដោយលោក Roberto Martínez ចូលបង្គំគាល់ព្រះមហាក្សត្រ Philippe បន្ទាប់មកពួកគេរៀបចំពិធីអបអរជាមួយក្រុមអ្នកគាំទ្រនៅក្រុងព្រុចសែលទាំងមូល ខណៈខ្សែបម្រើ Eden Hazard ដើរតួជា DJ នៅក្នុងកម្មវិធី។
ផ្ទុយទៅវិញ អង់គ្លេស មិនមានការជួបជុំពិសេសណាមួយឡើយ បើទោះបីជាជើងឯកឆ្នាំ១៩៦៦មួយនេះ ទើបឈានដល់វគ្គពាក់កណ្តាលផ្តាច់ព្រ័ត្រជាលើកដំបូង បើគិតចាប់តាំងពីឆ្នាំ១៩៩០ ក៏ដោយ។ បើតាមការផ្សាយរបស់ SkyNews សហព័ន្ធកីឡាបាល់ទាត់អង់គ្លេស (FA) បានស្នើទៅខាងភាគីអាកាសយានដ្ឋាន Birmingham Airport រារាំងវត្តមានក្រុមអ្នកគាំទ្រ ក្រោមហេតុផលសុវត្ថិភាព។
ក្រុមផ្សេងៗដែលទទួលបានការអបអរយ៉ាងខ្លាំងក្លាពីសំណាក់អ្នកគាំទ្រ បើទោះបីជាពួកគេហាលអាវក្តីមានដូចជា៖
ម្ចាស់ផ្ទះរុស្ស៊ី
ជប៉ុន
អ៊ុយរូហ្គាយ
ប៉ាណាម៉ា
កូរ៉េខាងត្បូង
កូឡុំប៊ី
Tag:
FIFA World Cup
© រក្សាសិទ្ធិដោយ thmeythmey.com
