អន្តរជាតិ
រូបភាព AFP
×![]()
ដោយ: តន ចាន់រិទ្ធារ៉ា
រដ្ឋាភិបាលអាមេរិកបានចំណាយទឹកប្រាក់ច្រើនជាង៧៧០០០ដុល្លារទៅឲ្យរមណីយដ្ឋានវាយកូនហ្គោលរបស់លោក ដូណាល់ ត្រាំ នៅស្កុតលែន មុនលោកទៅសម្រាកនៅទីនោះកាលពីសប្ដាហ៍មុន។ នេះបើតាមការរបាយការណ៍ចំណាយសហព័ន្ធ។ ការចំណាយនេះ ធ្វើឲ្យមានការរិះគន់ថា លោក ត្រាំ កេងចំណេញថវិកាដើម្បីធ្វើមានធ្វើបានសម្រាប់អាជីវកម្មរបស់លោក។
អំឡុងពេលធ្វើទស្សនកិច្ចនៅចក្រភពអង់គ្លេសនៅសប្ដាហ៍មុន ប្រធានាធិបតីអាមេរិក ដូណាល់ ត្រាំ បានទៅសម្រាកមួយថ្ងៃជាលក្ខណៈឯកជននៅទីលានវាយកូនហ្គោលនៅស្កុតលែន។ យោងតាមទីភ្នាក់ងារព័ត៌មាន Reuters របាយការណ៍ចំណាយដែលចេញដោយក្រសួងការបរទេសអាមេរិកបង្ហាញថា ចាប់តាំងពីខែមេសា រដ្ឋាភិបាលអាមេរិកបានចំណាយលុយចំនួន៧៧,៣៤៥ដុល្លារទៅឲ្យក្រុមហ៊ុន SLC Turnberry Ltd ដែលជាម្ចាស់ទីលាននោះ។
លោក ត្រាំ បានលាលែងពីអ្នកចាត់ការក្រុមហ៊ុន SLC Turnberry Ltd មុនលោកចូលកាន់តំណែងកាលពីឆ្នាំ២០១៧ ប៉ុន្តែបន្តកាន់កាប់ភាគហ៊ុនជាម្ចាស់កម្មសិទ្ធិដដែល។ យោងតាមរបាយការណ៍ហិរញ្ញវត្ថុរបស់លោកដែលចេញនៅខែឧសភា លោករកចំណូលបានចំនួន២០លានដុល្លារពីទីលានមួយនេះកាលពីឆ្នាំមុន។
យ៉ាងណាមិញ គេមិនច្បាស់ថា ទឹកប្រាក់ខាងលើនេះជាការចំណាយសម្រាប់ដំណើរកំសាន្តរបស់លោក ត្រាំ ឡើយ។ ទិន្នន័យចំណាយសហព័ន្ធបង្ហាទៀតថា រដ្ឋាភិបាលបានបង់ប្រាក់ចំនួនជាង៧ពាន់ដុល្លារក្នុងខែមេសា និងជាង៧ម៉ឺនដុល្លារទៀតនៅប៉ុន្មានថ្ងៃមុនលោក ត្រាំ ទៅដល់។ ក្រុមអ្នករិះគន់និយាយថា លោក ត្រាំ បានបរាជ័យក្នុងការចៀសវាងប្រើប្រាស់តំណែងប្រធានាធិបតីដើម្បីបម្រើប្រយោជន៍ក្រុមហ៊ុនរបស់ខ្លួន។
ជាធម្មតា ប្រធានាធិបតីអាមេរិកតែងទុកទ្រព្យសម្បត្តិរបស់ខ្លួនដោយឡែកអំឡុងពេលកាន់តំណែង។ ខុសពីអ្នកមុនៗ លោក ត្រាំ បានបន្តគ្រប់គ្រងកម្មសិទ្ធិលើសណ្ឋាគារ ទីលានវាយកូនហ្គោល និងរបររកស៊ីដទៃទៀត។ យ៉ាងណាមិញ លោកបានផ្ទេរសិទ្ធិគ្រប់គ្រងក្រុមហ៊ុនទាំងអស់ទៅឲ្យកូនប្រុសទាំងពីរជាអ្នកត្រួតត្រាជំនួសមុនស្បថចូលកាន់តំណែងនៅខែមករា ឆ្នាំ២០១៧ ៕
អំឡុងពេលធ្វើទស្សនកិច្ចនៅចក្រភពអង់គ្លេសនៅសប្ដាហ៍មុន ប្រធានាធិបតីអាមេរិក ដូណាល់ ត្រាំ បានទៅសម្រាកមួយថ្ងៃជាលក្ខណៈឯកជននៅទីលានវាយកូនហ្គោលនៅស្កុតលែន។ យោងតាមទីភ្នាក់ងារព័ត៌មាន Reuters របាយការណ៍ចំណាយដែលចេញដោយក្រសួងការបរទេសអាមេរិកបង្ហាញថា ចាប់តាំងពីខែមេសា រដ្ឋាភិបាលអាមេរិកបានចំណាយលុយចំនួន៧៧,៣៤៥ដុល្លារទៅឲ្យក្រុមហ៊ុន SLC Turnberry Ltd ដែលជាម្ចាស់ទីលាននោះ។
លោក ត្រាំ បានលាលែងពីអ្នកចាត់ការក្រុមហ៊ុន SLC Turnberry Ltd មុនលោកចូលកាន់តំណែងកាលពីឆ្នាំ២០១៧ ប៉ុន្តែបន្តកាន់កាប់ភាគហ៊ុនជាម្ចាស់កម្មសិទ្ធិដដែល។ យោងតាមរបាយការណ៍ហិរញ្ញវត្ថុរបស់លោកដែលចេញនៅខែឧសភា លោករកចំណូលបានចំនួន២០លានដុល្លារពីទីលានមួយនេះកាលពីឆ្នាំមុន។
យ៉ាងណាមិញ គេមិនច្បាស់ថា ទឹកប្រាក់ខាងលើនេះជាការចំណាយសម្រាប់ដំណើរកំសាន្តរបស់លោក ត្រាំ ឡើយ។ ទិន្នន័យចំណាយសហព័ន្ធបង្ហាទៀតថា រដ្ឋាភិបាលបានបង់ប្រាក់ចំនួនជាង៧ពាន់ដុល្លារក្នុងខែមេសា និងជាង៧ម៉ឺនដុល្លារទៀតនៅប៉ុន្មានថ្ងៃមុនលោក ត្រាំ ទៅដល់។ ក្រុមអ្នករិះគន់និយាយថា លោក ត្រាំ បានបរាជ័យក្នុងការចៀសវាងប្រើប្រាស់តំណែងប្រធានាធិបតីដើម្បីបម្រើប្រយោជន៍ក្រុមហ៊ុនរបស់ខ្លួន។
ជាធម្មតា ប្រធានាធិបតីអាមេរិកតែងទុកទ្រព្យសម្បត្តិរបស់ខ្លួនដោយឡែកអំឡុងពេលកាន់តំណែង។ ខុសពីអ្នកមុនៗ លោក ត្រាំ បានបន្តគ្រប់គ្រងកម្មសិទ្ធិលើសណ្ឋាគារ ទីលានវាយកូនហ្គោល និងរបររកស៊ីដទៃទៀត។ យ៉ាងណាមិញ លោកបានផ្ទេរសិទ្ធិគ្រប់គ្រងក្រុមហ៊ុនទាំងអស់ទៅឲ្យកូនប្រុសទាំងពីរជាអ្នកត្រួតត្រាជំនួសមុនស្បថចូលកាន់តំណែងនៅខែមករា ឆ្នាំ២០១៧ ៕
Tag:
អាមេរិក
ដូណាល់ ត្រាំ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
