កីឡាអន្តរជាតិ
អន្តរជាតិ
Sarri យកអតីតខ្សែប្រយុទ្ធ Chelsea ធ្វើជំនួយការ
× Gianfranco Zola អតីតខ្សែប្រយុទ្ធ Chelsea បានត្រលប់ទៅកាន់ទឹកដី Stamford Bridge វិញដើម្បីធ្វើជាជំនួយការរបស់អ្នកចាត់ការទូទៅថ្មីលោក Maurizio Sarri។
បន្ទាប់ពីលោក Sarri អាយុ៥៩ឆ្នាំ បានចុះហត្ថលេខារយៈពេល៣ឆ្នាំ ដើម្បីដឹកនាំ Chelsea បន្តពីលោក Antonio Conte មិត្តរួមជាតិអ៊ីតាលីរបស់ខ្លួននោះ តោខៀវ ក៏បានប្រកាសពីការតែងតាំងបុរសសញ្ចាតិអ៊ីតាលីម្នាក់ទៀតដើម្បីធ្វើជាជំនួយការរបស់អ្នកចាត់ការទូទៅថ្មីនេះផងដែរ។
Zola ដែលបានលាលែងពីតំណែងអ្នកចាត់ការទូទៅ Birmingham City កាលពីខែមេសាឆ្នាំ ២០១៧ នឹងត្រូវចូលរួមជាមួយក្រុមរហស្សនាមតោខៀវ ដើម្បីធ្វើដំណើរទៅអូស្ត្រាលីក្នុងយុទ្ធនាការប្រកួតកំដៅសាច់ដុំមុនបើករដូវកាលថ្មី។
កាលនៅជាកីឡាករ Zola ធ្លាប់ជួយ Chelsea ឈ្នះពានរង្វាន់ FA Cup ពីរដង រួមទាំង Uefa Cup, Uefa Super Cup និង League Cup មួយលើកដូចគ្នានៅចន្លោះឆ្នាំ ១៩៩៦ ដល់ ២០០៣។
«សម្រាប់ខ្ញុំវាគឺជារឿងមួយដ៏អស្ចារ្យ។ ខ្ញុំពិតជារីករាយណាស់ដែលបានមកទីនេះ»។ Zola និយាយដូច្នេះ។
បុរសវ័យ ៥២ឆ្នាំបន្ថែមទៀតថា៖«វាពិតជាអស្ចារ្យណាស់ក្នុងការទទួលជោគជ័យជាមួយ Sarri និងក្លិប ហើយខ្ញុំនឹងផ្តល់អ្វីដែលល្អបំផុតរបស់ខ្ញុំដូចដែលខ្ញុំធ្លាប់បានធ្វើកាលនៅជាកីឡាករម្នាក់នៅទីនេះ»៕
Tag:
បាល់ទាត់
Chelsea
Gianfranco Zola
Maurizio Sarri
© រក្សាសិទ្ធិដោយ thmeythmey.com