ជាតិ
ផ្លូវសរុប១៣ខ្សែ រងការខូចខាតដោយសារជំនន់ទឹកភ្លៀង រូបភាពបានពីក្រសួងធនធានទឹក និងឧតុនិយម
× ជំនន់ទឹកភ្លៀងក្នុងសប្តាហ៍នេះ បានធ្វើឲ្យផ្លូវជាតិ និងផ្លូវក្នុងខេត្តសរុប១៣ខ្សែ រងការខូចខាតជាខ្លាំង។ នេះបើយោងតាមក្រសួងសាធារណការ និងដឹកជញ្ជូន ដែលបានចេញសេចក្ដីជូនដំណឹងនៅថ្ងៃទី២០ ខែកក្កដានេះ។
ផ្លូវជាតិទាំងនោះ មាននៅកំណាត់ផ្លូវជាតិលេខ២, លេខ៣, លេខ៣៣, លេខ៤១, លេខ៤៥, លេខ៤៥, លេខ៤៨, លេខ៥៧ និងកំណាត់ផ្លូវខេត្តលេខ១៤៨, លេខ៣៧៧, លេខ១៣៣២, លេខ១៣៣៣, លេខ១៣៣៥, លេខ១៥៩ ដែលទទួលការខូចខាតស្រទាប់ផ្លូវ ផ្នែកខាងលើ ដោយសារ រថយន្ដទឹកទំនិញធុនធំ បើកវាងពីផ្លូវជាតិលេខ៤ និងកំណាត់ផ្លូវខេត្តលេខ១៣២ ដែលរងការជន់លិចដោយសារជំនន់ទឹកភ្លៀង។
ជាមួយគ្នានេះ ក្រសួងសាធារណការ និងដឹកជញ្ជូន កំពុងសហការជាមួយអាជ្ញាធរគ្រប់លំដាប់ថ្នាក់ក្នុងតំបន់ដែលកំពុងជួបបញ្ហា ដើម្បីសង្គ្រោះ និងសម្រួលចរាចរណ៍ដល់ប្រជាពលរដ្ឋ។ ក្នុងសេចក្តីជូនដំណឹងខាងលើនេះ បានឲ្យដឹងថាបន្ទាប់ពីឥទ្ធិពលជំនន់ទឹកភ្លៀងនេះបានថយចុះ ក្រសួងនឹងចាប់ផ្ដើមជួសជុល និងស្ដារការខូចខាតហេដ្ឋារចនាសម្ព័ន្ធផ្លូវថ្នល់ ស្ពានឡើងវិញជាបន្ទាន់ ដើម្បីធានាឲ្យមាននិរន្ដរភាពចរាចរណ៍ជាប្រក្រតី៕
© រក្សាសិទ្ធិដោយ thmeythmey.com