រថយន្ត
អន្តរជាតិ
វៀតណាមនឹងបង្អួតផលិតផលរថយន្តដំបូងរបស់ខ្លួនក្នុងព្រឹត្តិការណ៍យានយន្តពិភពលោក
×![]()
ដោយ: ធីតា
វៀតណាម បានឆក់យកឱកាសនៃព្រឹត្តិការណ៍យានយន្តពិភពលោក Paris Motor Show នាថ្ងៃតុលា ខាងមុខដើម្បីណែនាំផលិតផលរថយន្ត VinFast ដែលសមិទ្ធផលដំបូងរបស់ខ្លួន។ ម៉ូដែលដំបូងរបស់ VinFast នៅលើទីផ្សារគឺប្រភេទ Sedan និង SUV ប៉ុន្តែរោងចក្រយានយន្តដំបូងបំផុតរបស់វៀតណាមមួយនេះ មិនទាន់បង្ហើបឈ្មោះរថយន្តជាផ្លូវការនោះឡើយ។
ព្រឹត្តិការណ៍យានយន្តពិភពលោក Pairs Motor Show ឬ «Mondial de l’Auto 2018» នឹងប្រព្រឹត្តទៅពីថ្ងៃទី៤ ដល់ថ្ងៃទី១៤ ខែតុលាខាងមុខ នៅ Porte de Versailles ក្រុងប៉ារីសប្រទេសបារាំង។ នាព្រឹត្តិការណ៍នេះ រថយន្ត VinFast របស់វៀតណាម នឹងបង្ហាញខ្លួនដើម្បីទាក់ទាញអតិថិជន មុនពេលដែលពួកគេគ្រោងបង្ហាញវត្តមាននៅលើទីផ្សារនាខែកញ្ញា ឆ្នាំ២០១៩ ។
VinFast ជាផលិតផលមួយក្នុងចំណោមផលិតផលជាច្រើនរបស់ក្រុមហ៊ុនឯកជនដ៏ធំរបស់វៀតណាម Vingroup។ ក្រុមហ៊ុនមួយនេះ កំណត់គោលដៅរបស់ខ្លួនឲ្យក្លាយជាសហគ្រាសយានយន្ដដ៏ធំជាងគេនៅតំបន់អាស៊ី-អាគ្នេយ៍ តាមរយៈការផលិតរថយន្តស្តង់ដាពិភពលោក។
សម្រាប់វត្តមានដំបូងបំផុតនៅក្រុងប៉ារីស VinFast នឹងដាក់បង្ហាញផលិតផលរថយន្តបែបគ្រួសារប្រភេទ Sedan និងប្រភេទ SUV ដែលរចនាដោយក្រុមហ៊ុនអ៊ីតាលី Pininfarina ប៉ុន្តែឈ្មោះពិតប្រាកដមិនទាន់ត្រូវបានបង្ហើបឲ្យដឹងនោះឡើយ។
លោក Jim DeLuca អគ្គនាយកក្រុមហ៊ុន បានបង្ហើបឲ្យដឹងពីមហិច្ឆតាដ៏ធំរបស់ VinFast ដោយក្រៅពីដៃគូរចនាអ៊ីតាលី ក្រុមហ៊ុនក៏ពង្រីកសហប្រតិបត្តិការជាមួយក្រុមហ៊ុនបច្ចេកវិទ្យាអាល្លឺម៉ង់ផងដែរ។
លោករំពឹងថា ក្រុមហ៊ុនអាចផលិតបានរថយន្តប្រមាណ៥០០ ០០០គ្រឿងក្នុង១ឆ្នាំដោយគិតត្រឹមឆ្នាំ២០២៥។ «យើងមានធនធាន លទ្ធភាព និងការតាំងចិត្តខ្ពស់ ដើម្បីឲ្យក្លាយខ្លួនជាគោលដៅថ្មីក្នុងឧស្សាហកម្មយានយន្តពិភពលោក»។ នេះជាការអះអាងរបស់លោក James DeLuca។
យោងតាមការផ្សាយរបស់ Vingroup រោងចក្រយានយន្តដំបូងបំផុតរបស់វៀតណាមនេះ ត្រូវបានសាងសង់ឡើងក្នុងគម្រោងទឹកប្រាក់ពី១ពាន់លានទៅ១,៥ពាន់លានដុល្លារអាមេរិកសម្រាប់ដំណាក់កាលដំបូង ដោយមានទីតាំងនៅ Hai Phong៕
ព្រឹត្តិការណ៍យានយន្តពិភពលោក Pairs Motor Show ឬ «Mondial de l’Auto 2018» នឹងប្រព្រឹត្តទៅពីថ្ងៃទី៤ ដល់ថ្ងៃទី១៤ ខែតុលាខាងមុខ នៅ Porte de Versailles ក្រុងប៉ារីសប្រទេសបារាំង។ នាព្រឹត្តិការណ៍នេះ រថយន្ត VinFast របស់វៀតណាម នឹងបង្ហាញខ្លួនដើម្បីទាក់ទាញអតិថិជន មុនពេលដែលពួកគេគ្រោងបង្ហាញវត្តមាននៅលើទីផ្សារនាខែកញ្ញា ឆ្នាំ២០១៩ ។
VinFast ជាផលិតផលមួយក្នុងចំណោមផលិតផលជាច្រើនរបស់ក្រុមហ៊ុនឯកជនដ៏ធំរបស់វៀតណាម Vingroup។ ក្រុមហ៊ុនមួយនេះ កំណត់គោលដៅរបស់ខ្លួនឲ្យក្លាយជាសហគ្រាសយានយន្ដដ៏ធំជាងគេនៅតំបន់អាស៊ី-អាគ្នេយ៍ តាមរយៈការផលិតរថយន្តស្តង់ដាពិភពលោក។
សម្រាប់វត្តមានដំបូងបំផុតនៅក្រុងប៉ារីស VinFast នឹងដាក់បង្ហាញផលិតផលរថយន្តបែបគ្រួសារប្រភេទ Sedan និងប្រភេទ SUV ដែលរចនាដោយក្រុមហ៊ុនអ៊ីតាលី Pininfarina ប៉ុន្តែឈ្មោះពិតប្រាកដមិនទាន់ត្រូវបានបង្ហើបឲ្យដឹងនោះឡើយ។
លោក Jim DeLuca អគ្គនាយកក្រុមហ៊ុន បានបង្ហើបឲ្យដឹងពីមហិច្ឆតាដ៏ធំរបស់ VinFast ដោយក្រៅពីដៃគូរចនាអ៊ីតាលី ក្រុមហ៊ុនក៏ពង្រីកសហប្រតិបត្តិការជាមួយក្រុមហ៊ុនបច្ចេកវិទ្យាអាល្លឺម៉ង់ផងដែរ។
លោករំពឹងថា ក្រុមហ៊ុនអាចផលិតបានរថយន្តប្រមាណ៥០០ ០០០គ្រឿងក្នុង១ឆ្នាំដោយគិតត្រឹមឆ្នាំ២០២៥។ «យើងមានធនធាន លទ្ធភាព និងការតាំងចិត្តខ្ពស់ ដើម្បីឲ្យក្លាយខ្លួនជាគោលដៅថ្មីក្នុងឧស្សាហកម្មយានយន្តពិភពលោក»។ នេះជាការអះអាងរបស់លោក James DeLuca។
យោងតាមការផ្សាយរបស់ Vingroup រោងចក្រយានយន្តដំបូងបំផុតរបស់វៀតណាមនេះ ត្រូវបានសាងសង់ឡើងក្នុងគម្រោងទឹកប្រាក់ពី១ពាន់លានទៅ១,៥ពាន់លានដុល្លារអាមេរិកសម្រាប់ដំណាក់កាលដំបូង ដោយមានទីតាំងនៅ Hai Phong៕
© រក្សាសិទ្ធិដោយ thmeythmey.com
