ជាតិ
បោះឆ្នោត
បោះឆ្នោតលើកនេះ មានអ្នកសង្កេតការណ៍ជាតិជិត ៨ម៉ឺននាក់ និងអន្តរជាតិជាង ៣០០នាក់
× ភ្នំពេញ៖ គិតត្រឹមថ្ងៃទី២៧ ខែកក្កដានេះ គណៈកម្មាធិការជាតិរៀបចំការបោះឆ្នោត (គ.ជ.ប) ទទួលបានអ្នកសង្កេតការណ៍ជាតិសរុបចំនួន ៧៩.៦១២នាក់ មកពី១១២ស្ថាប័ន ខណៈអ្នកសង្កេតការណ៍អន្តរជាតិមានចំនួន ៣២២នាក់ មកពីប្រទេស ស្ថាប័ន និងស្ថានទូតចំនួន៤២។ លោក ហង្ស ពុទ្ធា អ្នកនាំពាក្យ គ.ជ.ប បានឲ្យដឹងថា ចំនួនអ្នកសង្កេតការណ៍អន្តរជាតិ អាចនឹងកើនឡើងថែមទៀត នៅល្ងាចថ្ងៃទី២៧ ខែកក្កដានេះ។
នៅក្នុងចំណោមអ្នកចូលរួមសង្កេតការណ៍អន្តរជាតិ មកពីសហគមន៍អឺរ៉ុប មានចំនួន ៥នាក់ មកពីខាងក្រុមប្រឹក្សាដើម្បីទំនាក់ទំនងអន្តរជាតិ និង៩នាក់ផ្សេងទៀត មកពីខាងក្រុមប្រឹក្សា អឺរ៉ុបដើម្បីទេសចរណ៍ និងពាណិជ្ជកម្ម។ មិនតែប៉ុណ្ណោះ សមជិកព្រឹទ្ធសភាអាមេរិក ៤នាក់ផ្សេងទៀត ក៏កំពុងតែបញ្ជូនឯកសារដើម្បីចូលរួមសង្កេតការណ៍បោះឆ្នោតនេះដែរ។
ក្នុងថ្ងៃនេះ គ.ជ.ប កំពុងពិនិត្យអ្នកសង្កេតការណ៍អន្តរជាតិចំនួន ២១៦នាក់ផ្សេងទៀត មកពី ២៨ស្ថាប័ន ដែលមានដូចជា CENTERIST DEMOCRAT INTERNATIONNAL-RUSSIA CIVIC CHAMBER ជាដើម។
ក្រៅពីអ្នកសង្កេតការណ៍ជាតិ និងអន្តរជាតិ គណបក្សនយោបាយនៅកម្ពុជា ដែលបានចូលរួមប្រកួតប្រជែងក្នុងការបោះឆ្នោត បានដាក់ភ្នាក់ងាររៀងៗខ្លួន ដែលសរុបមានប្រមាណ៨ម៉ឺននាក់៕
Tag:
នយោបាយ
ឃោសនា
បោះឆ្នោត
© រក្សាសិទ្ធិដោយ thmeythmey.com