ជាតិ
បោះឆ្នោត
ខ្មែរក្នុងស្រុកទៅបោះឆ្នោត ឯខ្មែរមួយចំនួននៅក្រៅស្រុក ធ្វើបាតុកម្ម កញ្ញា កឹម សម្មាធីតា និយាយទៅកាន់បាតុករនៅសហរដ្ឋអាមេរិក
× ប្រជាពលរដ្ឋខ្មែរនៅក្នុងប្រទេស ដែលផ្តល់តម្លៃលើសន្លឹករបស់ខ្លួន កំពុងធ្វើដំណើរទៅកាន់ការិយាល័យបោះឆ្នោតនៅព្រឹកថ្ងៃទីអាទិត្យនេះ តែប្រជាពលរដ្ឋខ្មែរនៅឯក្រៅបរទេស ដែលមាននិន្នាការទៅរកអតីតគណបក្សសង្គ្រោះជាតិ បាននាំគ្នាធ្វើបាតុកម្ម។ តាមពិត ប្រជាពលរដ្ឋខ្មែរនៅក្រៅប្រទេស បាននាំគ្នាធ្វើបាតុកម្មតាំងពីមួយថ្ងៃ-ពីរថ្ងៃ មុនមកម្ល៉េះ ដើម្បីបង្ហាញការមិនចិត្តចំពោះការបោះឆ្នោតអាណត្តិទី៦នេះ ដោយសារតែគ្មានអតីតគណបក្សសង្គ្រោះជាតិ។
បណ្តាប្រទេសដែលមានប្រជាពលរដ្ឋខ្មែរធ្វើបាតុកម្ម មានដូចជា សហរដ្ឋអាមេរិក និងកូរ៉េខាងត្បូងជាដើម។ នៅសហរដ្ឋអាមរិក គេឃើញមន្ត្រីជាន់ខ្ពស់នៃអតីតគណបក្សប្រឆាំងខ្លះ ដូចជា លោក អេង ឆៃអ៊ាង ជាដើម ចូលរួមធ្វើបាតុកម្មជាមួយប្រជាពលរដ្ឋខ្មែរ។ សូម្បីតែកូនស្រីរបស់លោក កឹម សុខា គឺកញ្ញា កឹម សម្មាធីតា ក៏ចូលរួមដែរ។
ឯនៅកូរ៉េខាងត្បូង គេ ឃើញលោកស្រី មូរ សុខហួរ អតីតអនុប្រធានគណបក្សប្រឆាំង ជាអ្នកដឹនកនាំធ្វើបាតុកម្ម។ ពួកគេ បាននាំគ្នារិះគន់ការបោះឆ្នោតនៅកម្ពុជា ក្នុងថ្ងៃនេះ៕
រូបពីហ្វេសបុករបស់លោក អេង ឆៃអ៊ាង
Tag:
បោះឆ្នោត
ក្រុមប្រឆាំង
បាតុកម្ម
© រក្សាសិទ្ធិដោយ thmeythmey.com