ជាតិ
បោះឆ្នោត
លោក ពេជ្រ ស្រស់ ចាត់ទុកការបោះឆ្នោត ដំណើរការល្អ បាន៧០ភាគរយហើយ
× លោក ពេជ្រ ស្រស់ ប្រធានគណបក្សយុវជនកម្ពុជា សង្កេតឃើញថា ដំណើរការបោះឆ្នោត ចាប់តាំងពីព្រឹក រហូតមកដល់ថ្មើរនេះ គឺមានលក្ខណៈល្អប្រសើរ។ លោក មិនទាន់ឃើញបញ្ហាណាមួយកើតឡើង ក្នុងអំឡុងពេលបោះឆ្នោតនោះទេ។
យ៉ាងណាក៏ដោយ ប្រធានគណបក្សយុវជនកម្ពុជារូបនេះ មិនទាន់ហ៊ាននិយាយថា ការបោះឆ្នោត ប្រព្រឹត្តទៅបានល្អ១០០ភាគរយនោះទេ ព្រោះថាដំណើរការមិនបិទបញ្ចប់។ ដូច្នេះ លោក ត្រូវបន្តសង្កេតមើលបន្ថែមទៀត។ លោក ប្រាប់សារព័ត៌មានថ្មីៗ យ៉ាងដូច្នេះថា៖«គ្រប់មណ្ឌល ដែលគណបក្សខ្ញុំដាក់បេក្ខជនឈរឈ្មោះ គឺដំណើរការល្អ»។ ម្យ៉ាងទៀត លោក ពេជ្រ ស្រស់ សាទរ ដែលឃើញប្រជាពលរដ្ឋជាច្រើនទៅបោះឆ្នោត៕
Tag:
បោះឆ្នោត
ពេជ្រ ស្រស់
© រក្សាសិទ្ធិដោយ thmeythmey.com