ជាតិ
កម្ពុជា ផ្ដល់ជំនួយ១០ម៉ឺនដុល្លារ ដល់រដ្ឋាភិបាលឡាវ
× ភ្នំពេញ៖ ក្រសួងការបរទេសកម្ពុជា បានផ្ដល់ជំនួយ ១០ម៉ឺនដុល្លារដល់រដ្ឋាភិបាលឡាវ ដើម្បីចូលរួមជួយសង្គ្រោះពលរដ្ឋឡាវ ដែលរងគ្រោះដោយសារការបាក់ទំនប់វារីអគ្គិសនី Xepien Xenamnouy នៅក្នុងខេត្តAttapeu ។
លោក អ៊ុច បូររិទ្ធ រដ្ឋលេខាធិការ ជាតំណាងទេសរដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានប្រគល់ទឹកប្រាក់១០ម៉ឺនដុល្លារ ដល់លោក ប្រាសិទ្ធ សាយ៉ាសិទ្ធ ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាធិបតេយ្យប្រជាមានិតឡាវប្រចាំកម្ពុជា។ ការផ្ដល់ជំនួយនេះបានធ្វើឡើងនៅព្រឹកថ្ងៃទី៣០ ខែកក្កដា ឆ្នាំ២០១៨ នៅទីស្ដីការក្រសួងការបរទេស។
បញ្ហាបាក់ទំនប់វារីអគ្គិសនី Xepien Xenamnouy នៅក្នុងខេត្តAttapeuនេះ បានបង្កផលប៉ះពាល់ដល់ប្រជាពលរដ្ឋជាង៥០០០គ្រួសារ នៅក្នុងឃុំមួយចំនួន ក្នុងខេត្តស្ទឹងត្រែងប្រទេសកម្ពុជាផងដែរ៕
Tag:
ក្រសួងការបរទេស
ឡាវ
ជំនន់ទឹកភ្លៀង
© រក្សាសិទ្ធិដោយ thmeythmey.com