អ្នកជំនាញពីHegen ប្រាប់ពីវិធីសម្គាល់ដបទឹកដោះដែលមានគុណភាពល្អ

ជាតិ

បទសម្ភាសន៍

សេដ្ឋកិច្ច

អ្នកជំនាញពីHegen ប្រាប់ពីវិធីសម្គាល់ដបទឹកដោះដែលមានគុណភាពល្អ

31, Jul 2018 , 1:23 pm

រូបភាព

ដោយ: ថ្មីៗ

ការជ្រើសរើសដបទឹកដោះដែលត្រឹមត្រូវ មិនត្រឹមតែផ្តល់ភាពងាយស្រួលក្នុងការចិញ្ចឹមបីបាច់ថែរក្សាទារក ឬបុត្រធីតា របស់លោកអ្នកនោះទេ វាក៏ផ្តល់អត្ថប្រយោជន៍ យ៉ាងច្រើនដល់ទារក និងកូនៗផងដែរ។ ប៉ុន្តែឪពុកម្តាយ ជាពិសេសអ្នកម្តាយ ប្រហែលជាមិនទាន់ដឹងទេថា តើដបទឹកដោះប្រភេទណាដែលមានគុណភាពល្អជាងគេ? តើដើម្បីរើសបានដបទឹកដោះដែលមានគុណភាពល្អនោះ តើគេមានវិធីសម្គាល់យ៉ាងណាខ្លះ?

អ្នកស្រី សុំ សុវណ្ណណេត ដែលជាBrand Manager នៃផលិតផលដបទឹកដោះ Hegen នឹងប្រាប់លោកអ្នកពីវិធីសាស្ត្រទាំងនោះ នៅក្នុងវីដេអូខាងក្រោមនេះ៖

ដបទឹកដោះដែលល្អ និងមានគុណភាពខ្ពស់ គឺប្រភេទដបកែវ ព្រោះដបកែវ វាធន់នឹងសំណឹក មានរយៈកាលប្រើប្រាស់បានយូរ។ ប៉ុន្តែដបកែវ វាក៏ងាយធ្លាក់បែក។ នេះជាការបញ្ជាក់របស់អ្នកស្រី សុំ សុវណ្ណណេត។

អ្នកជំនាញដដែលបន្តថា បន្ទាប់ពីដបកែវ អ្នកម្តាយគួរជ្រើសរើសដប PPSU ដែលធន់នឹងកម្តៅ ធន់នឹងសំណឹក និងគ្មានសារធាតុ BPA និងBPS ដែលបង្កឲ្យក្មេងកើតជំងឺមហារីក។ បន្ទាប់មកទៀត គឺប្រភេទដបPES (ដបពណ៌ទឹកតែ) វាធន់នឹងកម្តៅ និងគ្មានសារធាតុ BPA ។

ជាយោបល់របស់ អ្នកស្រី សុំ សុវណ្ណណេត អ្នកម្តាយគ្រប់រូប ក៏គួរជ្រើសរើសក្បាលមឹមដែលរន្ធខ្យល់ការពារកុំឲ្យខ្យល់ឆ្លងកាត់ទឹកដោះ ដែលអាចបណ្តាលឲ្យកូនលោកអ្នកឈឺពោះបាន។ ដបទឹកដោះ និងក្បាលមឹម ក៏គួរប្តូរតាមរយៈកាលប្រើប្រាស់ដែលអ្នកជំនាញបានបញ្ជាក់ដែរ។ ទន្ទឹមនឹងអ្នកម្តាយ ក៏ត្រូវថ្លឹងថ្លែងពីភាពញឹកញាប់នៃការប្រើប្រាស់ និងការលាងសម្អាតដបនោះ និងស្ថានភាពដបទឹកដោះ និងក្បាលមឹម ជាក់ស្តែងផងដែរ។ ចំពោះដបទឹកដោះ ប្រសិនបើដបទឹកសឹក ឬឆ្កូតអ្នកត្រូវប្តូរចេញភ្លាម។ ឯក្បាលមឹមវិញ អ្នកត្រូវប្តូរនៅពេលវាប្រែទៅជាពណ៌លឿង។ នេះបើតាមការបញ្ជាក់ពីអ្នកជំនាញដដែល៕