អន្តរជាតិ
ក្រោយ ត្រាំ បង្ហាញជំហរចង់ចរចា អ៊ីរ៉ង់ប្រាប់វិញថា ខ្លួនមិនមែនជាកូរ៉េខាងជើងឡើយ
ប្រធានាធិបតីអាមេរិក ដូណាល់ ត្រាំ និងប្រធាធិបតីអ៊ីរ៉ង់ ហាសាន់ រូហានី (រូបភាព BBC)
×![]()
ដោយ: តន ចាន់រិទ្ធារ៉ា
មួយថ្ងៃក្រោយប្រធានាធិបតីអាមេរិក ដូណាល់ ត្រាំ ប្រកាសជំហរចង់ជួបមេដឹកនាំអ៊ីរ៉ង់ដោយគ្មានការដាក់លក្ខខណ្ឌជាអ្វីទាំងអស់ មន្ត្រីគ្រាក់ៗរបស់អ៊ីរ៉ង់នៅថ្ងៃទី៣១ ខែកក្កដា ក៏តបវិញដោយមិនស្វាគមន៍បំណងនេះឡើយ។ អ៊ីរ៉ង់នៅតែមិនពេញចិត្តលោក ត្រាំ ដែលរករឿងខ្លួនស្ទើរគ្មានលស់ពេល ហើយបំណងចង់ចរចានេះ ក៏ផ្ទុយពីជំហរលើកមុនដែលចង់ទណ្ឌកម្មទៅទៀត។ សម្រាប់អ៊ីរ៉ង់ ការក្រឡាស់សម្ដីរបស់អាមេរិក ជាមូលហេតុនៃការមិនទុកចិត្តគ្នា។
រដ្ឋាភិបាលក្រុងតេហេរ៉ង់ បានទាត់ចោលបំណងចរចារបស់ប្រធានាធិបតីអាមេរិក ដូណាល់ ត្រាំ ដែលចង់ជួបថ្នាក់ដឹកនាំអ៊ីរ៉ង់។ នាសន្និសីទសារព័ត៌មានថ្ងៃទី៣០ ខែកក្កដា លោក ត្រាំ និយាយថា លោកអាចជួបមេដឹកនាំអ៊ីរ៉ង់គ្រប់ពេល បើមេដឹកនាំអ៊ីរ៉ង់ត្រៀមខ្លួនរួច ហើយក៏មិនចាំបាច់ដាក់លក្ខខណ្ឌជាមុនអ្វីដែរ ដើម្បីដោះស្រាយបញ្ហាទើសទាល់ទាំងឡាយ ជាពិសេសកិច្ចព្រមព្រៀងនុយក្លេអ៊ែរឆ្នាំ២០១៥ ដែលអាមេរិកដើរចេញ។
ទោះជាប្រធានាធិបតីអាមេរិកបន្ទន់ឥរិយាបថបែបនេះក្ដី អ៊ីរ៉ង់នៅមិនទាន់ផ្លាស់ប្ដូរឡើយ។ រដ្ឋមន្ត្រីការបរទេសអ៊ីរ៉ង់ មហាម៉ាត់ ចាវាដ ហ្សារីហ្វ នៅថ្ងៃទី៣១ ខែកក្កដា បានបង្ហោះសារលើ Twitter ដោយបានបន្ទោសអាមេរិក ដែលដកខ្លួនពីកិច្ចព្រមព្រៀងឆ្នាំ២០១៥ ដែលនោះមានន័យស្មើនឹងការដើរចេញពីតុចរចាតែម្ដង។ ប្រមុខការទូតអ៊ីរ៉ង់បានសរសេរទៀតថា ការគំរាមកំហែង និងទណ្ឌកម្មមិនអាចធ្វើអ្វីអ៊ីរ៉ង់បានឡើយ។
ដោយឡែក ប្រមុខកងឆ្មាំបដិវត្តន៍អ៊ីរ៉ង់ក៏ចេញមុខឆ្លើយតបទៅលោក ត្រាំ វិញដែរ។ យោងតាមទីភ្នាក់ងារព័ត៌មាន Reuters ឧត្តមសេនីយ៍ Mohammad Ali Jafari និយាយថា អ៊ីរ៉ង់មិនមែនជាកូរ៉េខាងជើងឡើយ ដូចនេះអ៊ីរ៉ង់មិនទទួលសំណើចរចារបស់អាមេរិកទេ។ មេបញ្ជាការកងទ័ពដ៏មានឥទ្ធិពលរូបនេះ ក៏ព្រមានទុកមុនដែរថា សូម្បីប្រធានាធិបតីអាមេរិកបន្តតំណែងពីលោក ត្រាំ ក៏មិនអាចមានថ្ងៃចរចាជាមួយអ៊ីរ៉ង់ដែរ។
តាមពិតទៅ បំណងចង់ចរចារបស់លោក ត្រាំ កើតឡើងបន្ទាប់ពីលោកបានគំរាមផ្ដល់មេរៀនជូរចត់ឲ្យអ៊ីរ៉ង់ ប៉ុន្តែអ៊ីរ៉ង់មិនបានបារម្ភឡើយ។ តាំងពីដើមមក លោក ត្រាំ មាននយោបាយតឹងរ៉ឹងដាក់អ៊ីរ៉ង់ ដូចនេះទើបលោកដកអាមេរិកចេញពីកិច្ចព្រមព្រៀងនុយក្លេអ៊ែរឆ្នាំ២០១៥ តែម្ដង ក្រោមហេតុផលថា កិច្ចព្រមព្រៀងនេះមិនបានបញ្ចូលកម្មវិធីមីស៊ីលបាលីស្ទិករបស់អ៊ីរ៉ង់។ អាមេរិកក៏ចាប់ផ្ដើមអនុវត្តទណ្ឌកម្មសេដ្ឋកិច្ចឡើងវិញ និងគំរាមប្រទេសផ្សេងឲ្យផ្អាកនាំចូលប្រេងពីអ៊ីរ៉ង់នៅត្រឹមខែវិច្ឆិកាផង។
ប្រើវិធីសាស្ត្រក្ដៅផង ត្រជាក់ផង លោក ត្រាំ ទំនងចង់ដើរតាមផ្លូវដូចកូរ៉េខាងជើង។ មុនមានជំនួបនៅថ្ងៃទី១២ ខែមិថុនា នៅសិង្ហបុរី អាមេរិក និងកូរ៉េខាងជើងបានវាយប្រហារគ្នាដោយពាក្យសម្ដីទៅមក រហូតគេឯងបារម្ភថា នឹងផ្ទុះសង្គ្រាមទៅហើយ និងគ្មាននរណានឹកស្មានថា មេដឹកនាំទាំងពីរអាចជួបគ្នាបានដែរ។ ដោយសារហេតុនេះ ទំនាក់ទំនងអាមេរិក និងអ៊ីរ៉ង់ក៏ទំនងជាស្ថិតលើផ្លូវបែបនេះដែរ៕
រដ្ឋាភិបាលក្រុងតេហេរ៉ង់ បានទាត់ចោលបំណងចរចារបស់ប្រធានាធិបតីអាមេរិក ដូណាល់ ត្រាំ ដែលចង់ជួបថ្នាក់ដឹកនាំអ៊ីរ៉ង់។ នាសន្និសីទសារព័ត៌មានថ្ងៃទី៣០ ខែកក្កដា លោក ត្រាំ និយាយថា លោកអាចជួបមេដឹកនាំអ៊ីរ៉ង់គ្រប់ពេល បើមេដឹកនាំអ៊ីរ៉ង់ត្រៀមខ្លួនរួច ហើយក៏មិនចាំបាច់ដាក់លក្ខខណ្ឌជាមុនអ្វីដែរ ដើម្បីដោះស្រាយបញ្ហាទើសទាល់ទាំងឡាយ ជាពិសេសកិច្ចព្រមព្រៀងនុយក្លេអ៊ែរឆ្នាំ២០១៥ ដែលអាមេរិកដើរចេញ។
ទោះជាប្រធានាធិបតីអាមេរិកបន្ទន់ឥរិយាបថបែបនេះក្ដី អ៊ីរ៉ង់នៅមិនទាន់ផ្លាស់ប្ដូរឡើយ។ រដ្ឋមន្ត្រីការបរទេសអ៊ីរ៉ង់ មហាម៉ាត់ ចាវាដ ហ្សារីហ្វ នៅថ្ងៃទី៣១ ខែកក្កដា បានបង្ហោះសារលើ Twitter ដោយបានបន្ទោសអាមេរិក ដែលដកខ្លួនពីកិច្ចព្រមព្រៀងឆ្នាំ២០១៥ ដែលនោះមានន័យស្មើនឹងការដើរចេញពីតុចរចាតែម្ដង។ ប្រមុខការទូតអ៊ីរ៉ង់បានសរសេរទៀតថា ការគំរាមកំហែង និងទណ្ឌកម្មមិនអាចធ្វើអ្វីអ៊ីរ៉ង់បានឡើយ។
ដោយឡែក ប្រមុខកងឆ្មាំបដិវត្តន៍អ៊ីរ៉ង់ក៏ចេញមុខឆ្លើយតបទៅលោក ត្រាំ វិញដែរ។ យោងតាមទីភ្នាក់ងារព័ត៌មាន Reuters ឧត្តមសេនីយ៍ Mohammad Ali Jafari និយាយថា អ៊ីរ៉ង់មិនមែនជាកូរ៉េខាងជើងឡើយ ដូចនេះអ៊ីរ៉ង់មិនទទួលសំណើចរចារបស់អាមេរិកទេ។ មេបញ្ជាការកងទ័ពដ៏មានឥទ្ធិពលរូបនេះ ក៏ព្រមានទុកមុនដែរថា សូម្បីប្រធានាធិបតីអាមេរិកបន្តតំណែងពីលោក ត្រាំ ក៏មិនអាចមានថ្ងៃចរចាជាមួយអ៊ីរ៉ង់ដែរ។
តាមពិតទៅ បំណងចង់ចរចារបស់លោក ត្រាំ កើតឡើងបន្ទាប់ពីលោកបានគំរាមផ្ដល់មេរៀនជូរចត់ឲ្យអ៊ីរ៉ង់ ប៉ុន្តែអ៊ីរ៉ង់មិនបានបារម្ភឡើយ។ តាំងពីដើមមក លោក ត្រាំ មាននយោបាយតឹងរ៉ឹងដាក់អ៊ីរ៉ង់ ដូចនេះទើបលោកដកអាមេរិកចេញពីកិច្ចព្រមព្រៀងនុយក្លេអ៊ែរឆ្នាំ២០១៥ តែម្ដង ក្រោមហេតុផលថា កិច្ចព្រមព្រៀងនេះមិនបានបញ្ចូលកម្មវិធីមីស៊ីលបាលីស្ទិករបស់អ៊ីរ៉ង់។ អាមេរិកក៏ចាប់ផ្ដើមអនុវត្តទណ្ឌកម្មសេដ្ឋកិច្ចឡើងវិញ និងគំរាមប្រទេសផ្សេងឲ្យផ្អាកនាំចូលប្រេងពីអ៊ីរ៉ង់នៅត្រឹមខែវិច្ឆិកាផង។
ប្រើវិធីសាស្ត្រក្ដៅផង ត្រជាក់ផង លោក ត្រាំ ទំនងចង់ដើរតាមផ្លូវដូចកូរ៉េខាងជើង។ មុនមានជំនួបនៅថ្ងៃទី១២ ខែមិថុនា នៅសិង្ហបុរី អាមេរិក និងកូរ៉េខាងជើងបានវាយប្រហារគ្នាដោយពាក្យសម្ដីទៅមក រហូតគេឯងបារម្ភថា នឹងផ្ទុះសង្គ្រាមទៅហើយ និងគ្មាននរណានឹកស្មានថា មេដឹកនាំទាំងពីរអាចជួបគ្នាបានដែរ។ ដោយសារហេតុនេះ ទំនាក់ទំនងអាមេរិក និងអ៊ីរ៉ង់ក៏ទំនងជាស្ថិតលើផ្លូវបែបនេះដែរ៕
Tag:
អាមេរិក
អ៊ីរ៉ង់
ដូណាល់ ត្រាំ
© រក្សាសិទ្ធិដោយ thmeythmey.com
