អន្តរជាតិ
នាយករដ្ឋមន្ត្រីសិង្ហបុរី៖ កិច្ចព្រមព្រៀងពាណិជ្ជកម្ម RCEP អាចបញ្ចប់នៅចុងឆ្នាំ២០១៨ នេះ
នាយករដ្ឋមន្រ្តីសិង្ហបុរី លី សៀនឡុង (កណ្ដាល) ឈរថតរូបជាមួយរដ្ឋមន្រ្តីការបរទេសអាស៊ាន (រូបភាព AFP)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីសិង្ហបុរី លី សៀនឡុង នៅថ្ងៃទី២ ខែសីហា បានបង្ហាញក្ដីសង្ឃឹមថា កិច្ចព្រមព្រៀងភាពជាដៃគូកិច្ចសហប្រតិបត្តិការសេដ្ឋកិច្ចក្នុងតំបន់ (RCEP) នឹងត្រូវចុះហត្ថលេខានៅដំណាច់ឆ្នាំ២០១៨ នេះ។ កិច្ចព្រមព្រៀងនេះ ត្រូវបានគាំទ្រដោយចិន ហើយពេលលេចរូបរាងជាផ្លូវការ កិច្ចព្រមព្រៀងពាណិជ្ជកម្មសេរីមួយនេះ នឹងគ្របដណ្ដប់លើចំនួនប្រជាជនជាងពាក់កណ្ដាលនៃចំនួនប្រជាជនរបស់ពិភពលោក។
នាឱកាសពិធីបើកកិច្ចប្រជុំរដ្ឋមន្ត្រីការបរទេសអាស៊ាននៅថ្ងៃទី២ ខែសីហា នាយករដ្ឋមន្ត្រីសិង្ហបុរី លី សៀនឡុង បានលើកឡើងពីសារសំខាន់ដែលអាស៊ានត្រូវបន្តគាំទ្រប្រព័ន្ធពាណិជ្ជកម្មពហុភាគី។ ជាប្រធានអាស៊ានសម្រាប់ឆ្នាំ២០១៨ ផងនោះ លោក លី ក៏ទទួលស្គាល់ថា អាស៊ានក៏រងសម្ពាធមិនតិចដែរចំពោះជំហររបស់ខ្លួន ស្របពេលដែលចរន្តនយោបាយគាំពារនិយមរបស់អាមេរិកកំពុងបង្កការក្ដៅក្រហាយជាមួយមហាអំណាចសេដ្ឋកិច្ចផ្សេងទៀតដូចជាចិន និងសហគមន៍អឺរ៉ុបជាដើម។
ស្របតាមជំហរគាំទ្រពហុភាគីនិយមផ្នែកពាណិជ្ជកម្ម សមាជិកអាស៊ានទាំងអស់បន្តការងាររបស់ខ្លួនដើម្បីបញ្ចប់កិច្ចព្រមព្រៀងភាពជាដៃគូកិច្ចសហប្រតិបត្តិការសេដ្ឋកិច្ចក្នុងតំបន់ (RCEP) ជាមួយប្រទេស៦ផ្សេងទៀត និងកិច្ចព្រមព្រៀងការដឹកជញ្ជូនតាមអាកាសគ្រប់ជ្រុងជ្រោយ (CATA) ជាមួយសហភាពអឺរ៉ុប។ ប្រមុខរដ្ឋាភិបាលសិង្ហបុរីនិយាយថា សមាជិកទាំងអស់នឹងប្រឹងបញ្ចប់ RCEP នៅចុងឆ្នាំ២០១៨ នេះ។ នេះបើតាមការផ្សាយរបស់ទូរទស្សន៍ Channel NewsAsia ។
«នៅពេលត្រូវបានបង្កើត RCEP និង CATA នឹងផ្ញើសារច្បាស់ៗពីការប្ដេជ្ញាចិត្តរបស់អាស៊ានលើសេរីភាវូបនីយកម្មពាណិជ្ជកម្ម និងសមាហរណកម្មសេដ្ឋកិច្ច។» នេះជាការលើកឡើងរបស់លោក លី ចំពោះមុខប្រមុខការទូតរបស់សមាជិកអាស៊ាន និងប្រទេសដៃគូជាច្រើន មុននឹងបន្តថា លោកទទួលស្គាល់ការចរចានឹងជួបការលំបាកខ្លាំង ព្រោះតែការកើនឡើងចលនាជាតិនិយម និងគាំពារនិយមនៅទូទាំងពិភពលោក។
កិច្ចព្រមព្រៀង RCEP ដែលមានចិនគាំទ្រពីក្រោយ នឹងលេចជារូបរាងនៅពេលខាងមុខ ហើយនឹងមានសមាជិកដំបូងចំនួន១៦ប្រទេសដូចជាសមាជិកអាស៊ានទាំង១០ ចិន កូរ៉េខាងត្បូង ជប៉ុន អូស្ត្រាលី នូវែលសេឡង់ និងឥណ្ឌា។ អាមេរិក មិនត្រូវបានបញ្ចូលក្នុងគម្រោងកិច្ចព្រមព្រៀងពាណិជ្ជកម្មសេរីដ៏មួយនេះទេ ដ្បិតកាលមុន អាមេរិកបានដឹកនាំកិច្ចព្រមព្រៀងមួយទៀតគឺកិច្ចព្រមព្រៀងភាពជាដៃគូអន្តរប៉ាស៊ីហ្វិក តែបានដកខ្លួនក្នុងអាណត្តិលោក ដូណាល់ ត្រាំ ។
តាមពិតទៅ កិច្ចព្រមព្រៀងដែលនឹងគ្រប់ដណ្ដប់ចំនួនប្រជាជនច្រើនសន្ធឹកសន្ធាប់មួយនេះ មានគោលដៅសំខាន់ជាគូប្រជែងនៃ TPP ដែលផ្ដើមគំនិតដោអាមេរិក ប៉ុន្តែបច្ចុប្បន្ននេះក្លាយជាកិច្ចព្រមព្រៀងថ្មីមួយទៀត ក្រោយអាមេរិកដើរចេញផុតទៅ។ ប្រទេសសេសសល់ខ្លះ ដែលជាសមាជិក RCEP ដែរនោះ ក៏ព្យាយាមបង្កើតកិច្ចព្រមព្រៀងថ្មីដែលមានឈ្មោះថា កិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) ៕
នាឱកាសពិធីបើកកិច្ចប្រជុំរដ្ឋមន្ត្រីការបរទេសអាស៊ាននៅថ្ងៃទី២ ខែសីហា នាយករដ្ឋមន្ត្រីសិង្ហបុរី លី សៀនឡុង បានលើកឡើងពីសារសំខាន់ដែលអាស៊ានត្រូវបន្តគាំទ្រប្រព័ន្ធពាណិជ្ជកម្មពហុភាគី។ ជាប្រធានអាស៊ានសម្រាប់ឆ្នាំ២០១៨ ផងនោះ លោក លី ក៏ទទួលស្គាល់ថា អាស៊ានក៏រងសម្ពាធមិនតិចដែរចំពោះជំហររបស់ខ្លួន ស្របពេលដែលចរន្តនយោបាយគាំពារនិយមរបស់អាមេរិកកំពុងបង្កការក្ដៅក្រហាយជាមួយមហាអំណាចសេដ្ឋកិច្ចផ្សេងទៀតដូចជាចិន និងសហគមន៍អឺរ៉ុបជាដើម។
ស្របតាមជំហរគាំទ្រពហុភាគីនិយមផ្នែកពាណិជ្ជកម្ម សមាជិកអាស៊ានទាំងអស់បន្តការងាររបស់ខ្លួនដើម្បីបញ្ចប់កិច្ចព្រមព្រៀងភាពជាដៃគូកិច្ចសហប្រតិបត្តិការសេដ្ឋកិច្ចក្នុងតំបន់ (RCEP) ជាមួយប្រទេស៦ផ្សេងទៀត និងកិច្ចព្រមព្រៀងការដឹកជញ្ជូនតាមអាកាសគ្រប់ជ្រុងជ្រោយ (CATA) ជាមួយសហភាពអឺរ៉ុប។ ប្រមុខរដ្ឋាភិបាលសិង្ហបុរីនិយាយថា សមាជិកទាំងអស់នឹងប្រឹងបញ្ចប់ RCEP នៅចុងឆ្នាំ២០១៨ នេះ។ នេះបើតាមការផ្សាយរបស់ទូរទស្សន៍ Channel NewsAsia ។
«នៅពេលត្រូវបានបង្កើត RCEP និង CATA នឹងផ្ញើសារច្បាស់ៗពីការប្ដេជ្ញាចិត្តរបស់អាស៊ានលើសេរីភាវូបនីយកម្មពាណិជ្ជកម្ម និងសមាហរណកម្មសេដ្ឋកិច្ច។» នេះជាការលើកឡើងរបស់លោក លី ចំពោះមុខប្រមុខការទូតរបស់សមាជិកអាស៊ាន និងប្រទេសដៃគូជាច្រើន មុននឹងបន្តថា លោកទទួលស្គាល់ការចរចានឹងជួបការលំបាកខ្លាំង ព្រោះតែការកើនឡើងចលនាជាតិនិយម និងគាំពារនិយមនៅទូទាំងពិភពលោក។
កិច្ចព្រមព្រៀង RCEP ដែលមានចិនគាំទ្រពីក្រោយ នឹងលេចជារូបរាងនៅពេលខាងមុខ ហើយនឹងមានសមាជិកដំបូងចំនួន១៦ប្រទេសដូចជាសមាជិកអាស៊ានទាំង១០ ចិន កូរ៉េខាងត្បូង ជប៉ុន អូស្ត្រាលី នូវែលសេឡង់ និងឥណ្ឌា។ អាមេរិក មិនត្រូវបានបញ្ចូលក្នុងគម្រោងកិច្ចព្រមព្រៀងពាណិជ្ជកម្មសេរីដ៏មួយនេះទេ ដ្បិតកាលមុន អាមេរិកបានដឹកនាំកិច្ចព្រមព្រៀងមួយទៀតគឺកិច្ចព្រមព្រៀងភាពជាដៃគូអន្តរប៉ាស៊ីហ្វិក តែបានដកខ្លួនក្នុងអាណត្តិលោក ដូណាល់ ត្រាំ ។
តាមពិតទៅ កិច្ចព្រមព្រៀងដែលនឹងគ្រប់ដណ្ដប់ចំនួនប្រជាជនច្រើនសន្ធឹកសន្ធាប់មួយនេះ មានគោលដៅសំខាន់ជាគូប្រជែងនៃ TPP ដែលផ្ដើមគំនិតដោអាមេរិក ប៉ុន្តែបច្ចុប្បន្ននេះក្លាយជាកិច្ចព្រមព្រៀងថ្មីមួយទៀត ក្រោយអាមេរិកដើរចេញផុតទៅ។ ប្រទេសសេសសល់ខ្លះ ដែលជាសមាជិក RCEP ដែរនោះ ក៏ព្យាយាមបង្កើតកិច្ចព្រមព្រៀងថ្មីដែលមានឈ្មោះថា កិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) ៕
Tag:
សិង្ហបុរី
ចិន
RCEP
លី សៀនឡុង
© រក្សាសិទ្ធិដោយ thmeythmey.com
