គម្រោងជំរុញផលិតកម្មស្បៀងគាំទ្រការផលិតបន្លែសុវត្ថិភាពតាមគោលការណ៍កសិកម្មល្អ មានបំណងកាត់បន្ថយការនាំចូលបន្លែពីក្រៅ

ជាតិ

បទយកការណ៍ / បទសម្ភាសន៍

គម្រោងជំរុញផលិតកម្មស្បៀងគាំទ្រការផលិតបន្លែសុវត្ថិភាពតាមគោលការណ៍កសិកម្មល្អ មានបំណងកាត់បន្ថយការនាំចូលបន្លែពីក្រៅ

03, Aug 2018 , 8:19 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ រាជរដ្ឋាភិបាលកម្ពុជា បានដាក់ចេញនូវគម្រោងជំរុញផលិតកម្មស្បៀងដំណាក់កាលទី១ រយៈពេល៣ឆ្នាំ គឺចាប់ពីឆ្នាំ២០១៦ ដល់ឆ្នាំ២០១៩។ គម្រោងនេះអនុវត្តន៍ដោយអគ្គនាយកដ្ឋានកសិកម្ម នៃក្រសួងកសិកម្មរុក្ខាប្រមាញ់ និងនេសាទ ក្នុងខេត្តគោលដៅចំនួន១១។ គម្រោងនេះ គឺផ្តោតលើការបណ្ដុះបណ្តាលកសិករខ្មែរឱ្យដាំដុះតាមបច្ចេកទេស និងគោលការណ៍ត្រឹមត្រូវរបស់ក្រសួងកសិកម្ម តាមគោលការណ៍ចំនួន៤ រួមមាន សុវត្ថិភាពចំណីអាហារ គុណភាពកសិផល សុខភាព សុវត្ថិភាព និងសុខុមាលភាពកម្មករ និងការគ្រប់គ្រងបរិស្ថាន។ នេះជាគោលការណ៍កសិកម្មល្អ ឬហៅកាត់ថា GAP។

ព័ត៌មានលម្អិត សូមស្ដាប់បទយកការណ៍ដែលរៀបរៀងដោយ អ្នកស្រី អ៉ីសា រ៉ហានី ដូចតទៅ៖

តាមការលើកឡើងរបស់មន្ត្រីនៃក្រសួងកសិកម្ម គម្រោងនេះបានរួមចំណែកក្នុងការអភិវឌ្ឍសេដ្ឋកិច្ចជាតិ តាមរយៈបង្កើនកម្រិតជីវភាពកសិករខ្មែរឱ្យកាន់តែប្រសើរឡើង។ តាមរយៈគម្រោងនេះដែរ កម្ពុជារំពឹងថា នឹងអាចនាំផលិតផលផ្សេងៗទៀត ចេញទៅទីផ្សារខាងក្រៅកាន់តែច្រើននាពេលអនាគត គម្រោង GAP កំពុងបណ្តុះបណ្តាលកសិករឱ្យមានការដាំដុះដែលអន្ដរជាតិទទួលស្គាល់។ តាមរយៈគម្រោងនេះដែរ គេរំពឹងថា នឹងអាចកាត់បន្ថយការនាំចូលបន្លែពីប្រទេសជិតខាងបានមួយផ្នែកធំផងដែរ។