អ្នកស្រី សារុន ទ្រាំនឿយដើរប្រមូលបន្លែសរីរាង្គពីទីឆ្ងាយមកលក់ទីក្រុង ព្រោះចង់ឱ្យអ្នកទិញមានសុខភាពល្អ

ជាតិ

បទយកការណ៍ / បទសម្ភាសន៍

អ្នកស្រី សារុន ទ្រាំនឿយដើរប្រមូលបន្លែសរីរាង្គពីទីឆ្ងាយមកលក់ទីក្រុង ព្រោះចង់ឱ្យអ្នកទិញមានសុខភាពល្អ

05, Aug 2018 , 7:39 pm

រូបភាព

ដោយ: ថ្មីៗ

សៀមរាប៖ អ្នកស្រី កែវ សារុន ជាកសិករមួយរូប ដែលទទួលបានបណ្ដុះបណ្ដាលពីអង្គការ អាគ្រីស៊ុត ដែលគាំទ្រដល់កសិករក្នុងការផលិតបន្លែសុវត្ថិភាព។ បច្ចុប្បន្នអ្នកស្រី សារុន ក្រៅពីដាំ អ្នកស្រីក៏បានដើរប្រមូលទិញបន្លែ ដែលបណ្តាញកសិករផលិតបន្លែសុវត្ថិភាព យកមកលក់ក្នុងទីផ្សារនៃក្រុងសៀមរាបដែរ។ ប្រមូលពីផ្ទះមួយទៅផ្ទះមួយ និងពីភូមិមួយទៅភូមិមួយ ដែលមានចម្ងាយផ្លូវ ឆ្ងាយៗ ពិតណាស់មិនមែនជាការងារស្រួលប៉ុន្មានទេសម្រាប់ស្ដ្រី។ ប៉ុន្តែអ្វីដែលជំរុញឱ្យអ្នកស្រី សារុន មានកម្លាំងចិត្តប្រកបការងារនេះ ទីមួយចង់លើកស្ទួយបន្លែសុវត្ថិភាព និងទីពីរចង់ឱ្យអ្នកទិញហូបរបស់ល្អ មានសុវត្ថិភាព និងមានសុខភាពល្អ។

ជាកសិករនៅភូមិដាច់ឆ្ងាយពីក្រុងសៀមរាប អ្នកស្រី សារុន បានយល់ដឹងស៊ីជម្រៅ ទៅនឹងការ ផលិតបន្លែសរីរាង្គ។ រាល់ថ្ងៃ អ្នកស្រីត្រូវដើរប្រមូលបន្លែច្រើនមុខ ដែលបណ្ដាញសហគមន៍ក្នុងស្រុកបន្ទាយស្រីផលិតបាន ហើយក្នុងមួយថ្ងៃអ្នកស្រីដឹកបន្លែ និងផ្លែឈើពី១០០គីឡូ ទៅ២០០គីឡូ យកមកលក់នៅទីក្រុង។

អ្នកស្រីបន្ថែមថា តម្លៃមិនខុសគ្នាប៉ុន្មានទេសម ហើយមានបន្លែខ្លះ តម្លៃដូចគ្នាក៏មាន តែគុណភាពខុសគ្នា រវាងបន្លែសរីរាង្គ និងបន្លែដែលប្រើប្រាស់ថ្នាំគីមី ដូច្នេះអ្នកទិញគួរប្រុងប្រយ័ត្ន ដោយមិនត្រូវមើលត្រឹមសំបកក្រៅឡើយ។ អ្នកស្រីថា សប្បាយចិត្តពេលឃើញអ្នកទិញមានការគាំទ្របន្លែសរីរាង្គ រាង្គ ឬបន្លែសុវត្ថិភាពច្រើននាពេលបច្ចុប្បន្ន ដែលជំរុញឱ្យអ្នកស្រី បន្តដឹកបន្លែទាំងនោះពីទីឆ្ងាយៗ ដើម្បីឱ្យអថិតិជនដែលគាំទ្រពិសា និងទទួលរបស់ដែលមានសុវត្ថិភាពរាងកាយរបស់ពួកគេ៕

ខាងក្រោមនេះជាបទសម្ភាស រវាងអ្នកសារព័ត៌មានថ្មីៗ និងអ្នកស្រី កែវ សារុន ដែលកំពុងលក់បន្លែសុវត្ថិភាពនៅហាង ក្ដឿងកាហ្វេ ដែលគាំទ្រកសិករក្នុងការផលិតបន្លែសរីរាង្គ ឬបន្លែសុវត្ថិភាព។សូមអញ្ជើញស្ដាប់៖