ជាតិ
សេដ្ឋកិច្ច
ក្រុមហ៊ុន LONGMATE AGRICULTURE បោះទុនជាង៣២លានដុល្លារ ក្នុងការបង្កើតកសិដ្ឋានដាំចេក នៅកម្ពុជា
× ក្រុមហ៊ុន LONGMATE AGRICULTURE CO.,LTD បានបោះទុនចំនួន ៣២.០២១.៥៧០ដុល្លារ លើគម្រោងបង្កើតកសិដ្ឋានដាំដំណាំចេក និងការវេចខ្ចប់កសិផលសម្រេចសម្រាប់នាំចេញ។ នេះបើតាមសេចក្តីជូនដំណឹងរបស់គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC)។
ក្រុមហ៊ុននេះ បានទទួល “វិញ្ញាបនប័ត្រចុះបញ្ជីជាស្ថាពរ” ពីគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា(CDC) លើគម្រោងវិនិយោគរបស់ខ្លួន ដែលមានទីតាំងនៅភូមិដុំផ្តៅ ឃុំត្រពាំងភ្លាំង ស្រុកឈូក ខេត្តកំពត អាចបង្កើតការងារបានជិត៦០០កន្លែង ដល់ប្រជាពលរដ្ឋនៅក្នុងតំបន់។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ នៅឆ្នាំ២០១៧ កម្ពុជាមានផ្ទៃដីដាំដុះដំណាំចេកមានចំនួន២៦.៧៦០ហិកតា៕
© រក្សាសិទ្ធិដោយ thmeythmey.com