ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
សម្តេច ហ៊ុន សែន ប្រាប់ឲ្យកីឡាកររក្សាភាពថ្លៃថ្នូរនៅ Asian Games ទោះបីចាញ់ឬឈ្នះក្តី
06, Aug 2018 ,
9:19 pm
រូបភាព
×
ដោយ:
សម្តេចនាយករដ្ឋមន្ត្រី ហ៊ុន សែន ជំរុញឲ្យកីឡាករទាំងអស់ ត្រូវផ្តោតសំខាន់លើកិត្តិយសជាជាងលទ្ធផល ។ សម្តេច ហាមកីឡាករ ប្រើប្រាស់សារធាតុលើកកម្លាំង និងបំពានវិធានការប្រកួត។
មុនកីឡាករ គ្រូបង្វឹក និងថ្នាក់ដឹកនាំសរុបទាំងអស់៧១នាក់ ចេញទៅចូលរួមប្រកួត Asian Games នៅឥណ្ឌូណេស៊ី សម្តេច ហ៊ុន សែន បានរំឭកឲ្យកីឡាករទាំងអស់ ត្រូវប្រកួតដោយភាពថ្លៃថ្នូរ ចៀសវាងប្រើល្បិចកលលើគូប្រកួត។
ថ្លែងក្នុងពិធីជួបសំណេះសំណាលជាមួយថ្នាក់ដឹកនាំ គ្រូបង្វឹក និងកីឡាករនៅថ្ងៃទី៦ ខែសីហា ប្រមុខរដ្ឋាភិបាល បានបញ្ជាក់ដូច្នេះថា៖«ចាញ់ឬឈ្នះវារឿងធម្មតារបស់កីឡា។ ប៉ុន្តែអ្វីដែលសំខាន់ គឺសុំកុំបំពាននៃការប្រកួត អ្វីដែលគេហាមសូមកុំធ្វើ នេះជាចំណុចទី១។ ចំណុចទី២ គឺកុំប្រើសារធាតុលើកកម្លាំង ដែលគេហាមឃាត់ឲ្យសោះ។ កីឡាកម្ពុជា ទោះបីមិនបានមេដាយអីសោះ ក៏យើងនៅតែជាកីឡាថ្លៃថ្នូរ»។
ការសង្កត់ធ្ងន់ៗរបស់ប្រមុខដឹកនាំរាជរដ្ឋាភិបាលរូបនេះ គឺមិនចង់ឲ្យកម្ពុជាជាប់ឈ្មោះជាប្រទេស ដែលមានកីឡាករ-កីឡាការិនី មិនល្អក្នុងក្រសែភ្នែករបស់អន្តរជាតិ។ «ការឈ្នះមេដាយដោយសារធាតុលើកកម្លាំង មិនមែនជាចំណុច ដែលគួរជាទីមោទកភាពនោះទេ ត្រូវយកចិត្តទុកដាក់លើបញ្ហានេះ។ ធ្វើយ៉ាងណា កុំឲ្យកម្ពុជាជាប់ឈ្មោះ មានកីឡាករប្រើប្រាស់សារធាតុលើកកម្លាំង»។ នេះជាការបន្ថែមរបស់ប្រមុខរាជរដ្ឋាភិបាលទើបជាប់ឆ្នោតអាណតិ្តទី៦ សម្តេច ហ៊ុន សែន។
ដើម្បីលើកទឹកចិត្ត និងសម្រួលដល់ការចំណាយរបស់កីឡាករកីឡាការិនី គ្រូបង្វឹក និងថ្នាក់ដឹកនាំកីឡាទាំង៧១រូប ដែលចូលរួមប្រកួតកីឡាអាស៊ី Asian Game 2018 សម្តេច ហ៊ុន សែន បានឧបត្ថម្ភថវិកា៥០០ដុល្លារអាមេរិកក្នុងម្នាក់ៗ។ សម្តេច ត្រូវចំណាយថវិកាសរុប៣៥,៥០០ដុល្លារអាមេរិក។
សម្រាប់ការប្រកួតកីឡាអាស៊ីដែលប្រព្រឹត្តទៅចន្លោះពីថ្ងៃទី១៨ ខែសីហា ដល់ថ្ងៃទី២ ខែកញ្ញា នៅប្រទេសឥណ្ឌូណេស៊ី កម្ពុជាបានបញ្ជូនកីឡាករកីឡាការិនី៤៣រូបលើ១៣ប្រភេទកីឡាឲ្យចូលរួម។ ការប្រកួតនេះ មាន៤៥ប្រទេសចូលរួម ដោយប្រកួតលើ៤០ប្រភេទកីឡា ដោយមាន៤៦៥វិញ្ញាសា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សម្តេច ហ៊ុន សែន
Asian Games 2018
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
អត្ថបទពេញនិយមបន្ថែម