កីឡាជាតិ
ជាតិ
AFF U16៖ កម្ពុជាចាញ់ឥណ្ឌូណេស៊ី ៤-០ រីឯវៀតណាមធ្លាក់ចេញពីការប្រកួត
× ក្រុមកីឡាករជម្រើសជាតិអាយុក្រោម១៦ឆ្នាំកម្ពុជា មិនអាចស្វែងរកជ័យជម្នះចុងក្រោយធ្វើជាកាដូសម្រាប់អ្នកគាំទ្របាននោះទេ បន្ទាប់ពីពួកគេចាញ់ម្ចាស់ផ្ទះឥណ្ឌូណេស៊ី ៤-០ នាជំនួបបង្គ្រប់កិច្ចចុងក្រោយនៅថ្ងៃទី៦ ខែសីហា ឆ្នាំ២០១៨។ ចំណែកក្រុមការពារតំណែងជើងឯកវៀតណាមធ្លាក់ចេញពីពានរង្វាន់ AFF U16 Championship ប្រចាំឆ្នាំ២០១៨។
នាជំនួបបង្គ្រប់កិច្ចនៅកីឡដ្ឋាន Gelora Delta Stadium កីឡាករ Rendy Juliansyah បានរកគ្រាប់បាល់នាំមុខ ១-០ ឲ្យម្ចាស់ផ្ទះឥណ្ឌូណេស៊ីនៅនាទីទី១០។ បន្ទាប់មកកីឡាករ Amiruddin Bagus Kahfi Al-Fikri សម្រេចបាន៣គ្រាប់បន្ថែមជាបន្តបន្ទាប់នៅនាទីទី២១, ៣៣ និង៤២ ដើម្បីនាំជ័យជម្នះ ៤-០ សម្រាប់ឥណ្ឌូណេស៊ី។
មិនមែនមានតែកម្ពុជានោះទេ សូម្បីក្រុមការពារតំណែងជើងឯកវៀតណាម ក៏ធ្លាក់ចេញពីព្រឹត្តិការណ៍នេះផងដែរ បន្ទាប់ពីពួកគេរក្សាលទ្ធផលស្មើ ២-២ ជាមួយមីយ៉ាន់ម៉ា នាការប្រកួតចុងក្រោយ។ មីយ៉ាន់ម៉ា ដែលឈ្នះវៀតណាមដោយគ្រាប់បាល់ចំណេញ ត្រូវដឹកដៃម្ចាស់ផ្ទះឥណ្ឌូណេស៊ីឡើងវគ្គពាក់កណ្តាលផ្តាច់ព្រ័ត្រ តំណាងពូល A។
សម្រាប់ជំនួបបង្គ្រប់កិច្ចនៅកីឡដ្ឋាន Gelora Joko Samudro Stadium ថ្ងៃនេះដែរ ទីម័រខាងកើតបានយកឈ្នះហ្វីលីពីនក្នុងលទ្ធផល ៤-១៕
Tag:
AFF U16
ឥណ្ឌូណេស៊ី
វៀតណាម
កម្ពុជា
© រក្សាសិទ្ធិដោយ thmeythmey.com