កីឡាជាតិ
ជាតិ
ម៉ា វីរ៉ូ គ្រងជើងឯកម៉ារ៉ាតុនចក្រភពខ្មែរលើកដំបូង ក្រោយបរទេសក្តោបក្តាប់អស់រយៈពេល៤ឆ្នាំ
×![]()
កីឡាករអត្តពលកម្មជម្រើសជាតិ ម៉ា វីរ៉ូ បានបង្ហាញភាពខ្លាំងក្នុងព្រឹត្តិការណ៍រត់ម៉ារ៉ាតុនចក្រភពខ្មែរលើកទី៥ តាមរយៈការគ្រងជើងឯកលើវិញ្ញាសារត់ចំណាយ៤២គីឡូម៉ែត្រជាលើកដំបូង។ ព្រឹត្តិការណ៍ ដែលរៀបចំនៅបរិវេណអង្គរខេត្តសៀមរាបមួយនេះ បានទាក់ទាញអត្តពលិកប្រមាណជាង៣ពាន់នាក់មកពី៥០ប្រទេសចូលរួម។ លោក ថោង ខុន រដ្ឋមន្ត្រីក្រសួងទេសចរណ៍បានចាត់ទុកព្រឹត្តិការណ៍នេះថា ជាកីឡាទេសចរណ៍ដ៏សំខាន់ក្នុងការទាក់ទាញភ្ញៀវទេសចរឲ្យមកទស្សនានៅកម្ពុជា។
ក្នុងរយៈពេល៤ឆ្នាំកន្លងមក ពោលគឺតាំងពីបង្កើតព្រឹត្តិការណ៍រត់ប្រណាំងម៉ារ៉ាតុនចក្រភពខ្មែរនៅឆ្នាំ២០១៤ កម្ពុជាមិនដែលឈ្នះជើងឯកម្តងណាឡើយ។ កត្តានេះហើយ បានជំរុញឲ្យកីឡាករអត្តពលកម្មជម្រើសជាតិ ម៉ា វីរ៉ូ បានខិតខំហ្វឹកហាត់ពង្រឹងសមត្ថភាពយ៉ាងខ្លាំង ព្រោះចង់ឃើញកម្ពុជាឡើងជាន់ឈ្នាន់កិត្តិយសក្នុងព្រឹត្តិការណ៍នេះលើវិញ្ញាសាម៉ារ៉ាតុន។
ការខិតខំប្រឹងប្រែងនេះ ជួយឲ្យ ម៉ា វីរ៉ូ ក្លាយជាម្ចាស់ជើងឯកប្រចាំព្រឹត្តិការណ៍រត់ម៉ារ៉ាតុនចក្រភពខ្មែរលើកទី៥នៅឆ្នាំនេះ ដូចបំណង បន្ទាប់ពីរូបគេប្រើថេរវេលា២ម៉ោង៥៦នាទីនិង២៤វិនាទី លើរយៈចម្ងាយ៤២គីឡូម៉ែត្រ។ ថេរវេលានេះមានលក្ខណល្អប្រសើរជាង បើធៀបនឹងថេរវេលារបស់ម្ចាស់ជើងឯកកាលពីឆ្នាំ២០១៧ ដោយកាលណោះប្រើពេលរហូតជាង៣ម៉ោង។
ក្នុងបទសម្ភាសជាមួយអ្នកសារព័ត៌មានកីឡាករ ម៉ា វីរ៉ូ បានរៀបរាប់ថា៖«ពេលខ្ញុំដឹងថាកម្មវិធីនេះគេរៀបចំនៅខែសីហា ខ្ញុំបានខិតខំហ្វឹកហាត់ពង្រឹងសមត្ថភាពយ៉ាងខ្លាំងនៅស្តាតអូឡាំពិក ព្រោះខ្ញុំមើលឃើញថា ប៉ុន្មានឆ្នាំកន្លងមកនេះ កម្ពុជាមិនដែលបានលេខ១នោះទេលើវិញ្ញាសាម៉ារ៉ាតុន គឺមានតែបរទេស។ កត្តានេះហើយ ទើបខ្ញុំប្តេជ្ញាថា លេងយកលេខ១ឲ្យបាននៅឆ្នាំនេះ»។
ក្រោយទទួលបានជោគជ័យដ៏ធំធេងលើកដំបូងលើអាជីពរបស់ខ្លួន កីឡាករ ម៉ា វីរ៉ូ ដែលខកចិត្តក្នុងការចេញទៅចូលរួមប្រកួតក្នុងព្រឹត្តិការណ៍ Asian Games នៅឥណ្ឌូណេស៊ីឆ្នាំនេះ បានប្តេជ្ញាថា នឹងបង្កើនការហ្វឹកហាត់ឲ្យកាន់តែខ្លាំងថែមទៀត ដើម្បីត្រៀមប្រជែងដណ្តើមជើងឯកក្នុងព្រឹត្តិការណ៍ជាតិ និងអន្តរជាតិនានានៅពេលខាងមុខ។
លោក ថោង ខុន រដ្ឋមន្ត្រីក្រសួងទេសចរណ៍ បានវាយតម្លៃខ្ពស់ចំពោះព្រឹត្តិការណ៍ម៉ារ៉ាតុនចក្រភពខ្មែរនៅឆ្នាំនេះ ដោយលោកចាត់ទុកថា ជាឆ្នាំជោគជ័យ។ «ខ្ញុំគិតថានេះជាជោគជ័យមួយដ៏ធំ ដោយសារលើកទី៥នេះមានអ្នកចូលរួមច្រើនជាងមុន។ អ្វីដែលខ្ញុំកត់សម្គាល់ធំជាងគេ គឺអ្នកទាំងអស់នេះបានចុះឈ្មោះចូលរួមព្រឹត្តិការណ៍ម៉ារ៉ាតុនចក្រភពខ្មែរ តាំងពីមុនថ្ងៃបោះឆ្នោត។ នេះបញ្ជាក់ឲ្យឃើញថា ការបោះឆ្នោតនៅកម្ពុជាប្រកបដោយសន្តិភាព ស្ថេរភាព សេរី ត្រឹមត្រូវ និងយុត្តិធម៌»។ ជាការបញ្ចាក់របស់លោក ថោង ខុន ប្រធានគណៈកម្មាធិការជាតិអូឡាំពិកកម្ពុជា។
រដ្ឋមន្ត្រីក្រសួងទេសចរណ៍រូបនេះ បានចាតុ់ទុកព្រឹត្តិការណ៍រត់ប្រណាំងម៉ារ៉ាតុនចក្រភពខ្មែរ ជាសមិទ្ធផលទេសចរណ៍មួយដ៏អស្ចារ្យក្នុងការទាក់ទាញភ្ញៀវទេសចរណ៍ជាតិនិងអន្តរជាតិឲ្យមកទស្សនាតំបន់ទេសចរណ៍ប្រវត្តិសាស្ត្រកម្ពុជា។ លើសពីនេះ ជួយផ្តល់ការងារ និងរកចំណូលជូនប្រជាពលរដ្ឋក្នុងរដូវខ្សត់ខ្សោយភ្ញៀវទេសចរណ៍ ពិសេសរកចំណូលជូនរដ្ឋ។
តាមរយៈប្រាសាទអង្គរវត្តជាប់ចំណាត់ថ្នាក់លេខ១ជាសំណង់ប្រវត្តិសាស្ត្រដ៏អស្ចារ្យបំផុតក្នុងចំណោមសំណង់ប្រវត្តិសាស្ត្រល្បីៗលើពិភពលោក លោក ថោង ខុន រំពឹងថា នឹងជួយទាក់ទាញភ្ញៀវទេសចរណ៍ជាតិនិងអន្តរជាតិកាន់តែច្រើន មកទស្សនាតំបន់រមណីយដ្ឋានប្រវត្តិសាស្ត្រមួយ។ ទីភ្នាក់ងារប្រឹក្សាយោបល់លើការធ្វើដំណើរ(Trip Advisor)បានផ្តល់ចំណាត់ថ្នាក់លេខ១ដល់ប្រាសាទអង្គរកាលពីថ្ងៃទី២២ ខែឧសភា ឆ្នាំ២០១៨។
ក្រោយឆ្លងកាត់ការប្រកួត១ព្រឹកពេញកាលពីថ្ងៃទី៥ ខែសីហា នៅបរិវេណរមណីយដ្ឋានអង្គរ កីឡាករ ម៉ា វីរ៉ូ ទទួលបានចំណាត់ថ្នាក់លេខ១លើវិញ្ញាសាម៉ារ៉ាតុន ក្រោយប្រើថេរវេលា២ម៉ោង៥៦នាទីនិង២៤វិនាទី។ ចំណែកកីឡាករជប៉ុន Kawamoto ទទួលបានចំណាត់ថ្នាក់លេខ២ ក្រោយប្រើថេរវេលា២ម៉ោង៥៨នាទីនិង៥០វិនាទី និងលេខ៣បានកីឡាករជប៉ុន Ota ជាមួយថេរវេលា៣ម៉ោង៧នាទី និង៥៦វិនាទី។
សម្រាប់វិញ្ញាសាម៉ារ៉ាតុនផ្នែកនារី លេខ១បានទៅកីឡាការិនីអង់គ្លេស Hamill Jill ជាមួយថេរវេលា៣ម៉ោង៦នាទី និង៥៨វិនាទី
ខណៈលេខ២បានទៅ Mumford Amy ជនជាតិអង់គ្លេស ក្រោយប្រើថេរវេលា៣ម៉ោង២៥នាទីនិង៣៨វិនាទី និងលេខ៣បានទៅ Easton Sarah ជនជាតិអង់គ្លេសដោយប្រើថេរវេលា៣ម៉ោង៣៣នាទីនិង៤៤វិនាទី។
វិញ្ញាសា២១គីឡូម៉ែត្រផ្នែកបុរសលេខ១បានទៅកីឡាករ វ៉ាន់ ភារ៉ា របស់កម្ពុជា ក្រោយប្រើថេរវេលា១ម៉ោង២១នាទីនិង៣៧វិនាទី ខណៈលេខ២បានទៅ Tam Zhong ជនជាតិចិនជាមួយថេរវេលា១ម៉ោង២៣នាទី និង៥៥វិនាទី និងលេខ៣បានទៅ Wang Zhen ជនជាតិចិនក្រោយប្រើថេរវេលា១ម៉ោង៣០នាទីនិង៥៣វិនាទី។
ផ្នែកនារី លេខ១បានទៅកីឡាការិនីជប៉ុន Sasaki Mtsuko ដោយប្រើថេរវេលា១ម៉ោង៣៩នាទីនិង៥៨វិនាទី ខណៈលេខ២បានទៅ Gao Rui មកពីចិនដោយប្រើថេរវេលា១ម៉ោង៤៥នាទីនិង៤វិនាទី និងលេខ៣បានទៅ Gawasawa Ayumi មកពីជប៉ុន ដោយប្រើថេរវេលា១ម៉ោង៥០នាទីនិង៣២នាទី។
វិញ្ញាសារត់ចម្ងាយ១០គីឡូម៉ែត្រផ្នែកបុរសលេខ១បានទៅ Tamiru Andarge Ayal មកពីអេត្យូពីក្រោយប្រើថេរវេលា៣៦នាទី និង៣៥វិនាទី ខណៈលេខ២បានទៅកីឡាករកម្ពុជា Kang Thoeurn ជាមួយថេរវេលា៣៧នាទី និង២០វិនាទី និងលេខ៣បានទៅ ឃ្លាំង ប៊ីប៊ុណ្ណារ៉ា របស់កម្ពុជាដោយប្រើថេរវេលា៣៨នារី និង៩វិនាទី។
ផ្នែកនារីលេខ១បានទៅកីឡាការិនី ហេង ម៉េងជូ របស់កម្ពុជាដោយប្រើថេរវេលា៤៧នាទីនិង២៨វិនាទី ខណៈលេខ២បានទៅកីឡាការិនី Matsugi Mina មកពីជប៉ុនដោយប្រើថេរវេលា៤៩នាទីនិង៣៨វិនាទី និងលេខ៣បានទៅ Sum Hau Wun មកពីចិនក្រោយប្រើថេរវេលា៤៩នាទី និង៥៨វិនាទី៕
ក្នុងរយៈពេល៤ឆ្នាំកន្លងមក ពោលគឺតាំងពីបង្កើតព្រឹត្តិការណ៍រត់ប្រណាំងម៉ារ៉ាតុនចក្រភពខ្មែរនៅឆ្នាំ២០១៤ កម្ពុជាមិនដែលឈ្នះជើងឯកម្តងណាឡើយ។ កត្តានេះហើយ បានជំរុញឲ្យកីឡាករអត្តពលកម្មជម្រើសជាតិ ម៉ា វីរ៉ូ បានខិតខំហ្វឹកហាត់ពង្រឹងសមត្ថភាពយ៉ាងខ្លាំង ព្រោះចង់ឃើញកម្ពុជាឡើងជាន់ឈ្នាន់កិត្តិយសក្នុងព្រឹត្តិការណ៍នេះលើវិញ្ញាសាម៉ារ៉ាតុន។
ការខិតខំប្រឹងប្រែងនេះ ជួយឲ្យ ម៉ា វីរ៉ូ ក្លាយជាម្ចាស់ជើងឯកប្រចាំព្រឹត្តិការណ៍រត់ម៉ារ៉ាតុនចក្រភពខ្មែរលើកទី៥នៅឆ្នាំនេះ ដូចបំណង បន្ទាប់ពីរូបគេប្រើថេរវេលា២ម៉ោង៥៦នាទីនិង២៤វិនាទី លើរយៈចម្ងាយ៤២គីឡូម៉ែត្រ។ ថេរវេលានេះមានលក្ខណល្អប្រសើរជាង បើធៀបនឹងថេរវេលារបស់ម្ចាស់ជើងឯកកាលពីឆ្នាំ២០១៧ ដោយកាលណោះប្រើពេលរហូតជាង៣ម៉ោង។
ក្នុងបទសម្ភាសជាមួយអ្នកសារព័ត៌មានកីឡាករ ម៉ា វីរ៉ូ បានរៀបរាប់ថា៖«ពេលខ្ញុំដឹងថាកម្មវិធីនេះគេរៀបចំនៅខែសីហា ខ្ញុំបានខិតខំហ្វឹកហាត់ពង្រឹងសមត្ថភាពយ៉ាងខ្លាំងនៅស្តាតអូឡាំពិក ព្រោះខ្ញុំមើលឃើញថា ប៉ុន្មានឆ្នាំកន្លងមកនេះ កម្ពុជាមិនដែលបានលេខ១នោះទេលើវិញ្ញាសាម៉ារ៉ាតុន គឺមានតែបរទេស។ កត្តានេះហើយ ទើបខ្ញុំប្តេជ្ញាថា លេងយកលេខ១ឲ្យបាននៅឆ្នាំនេះ»។
ក្រោយទទួលបានជោគជ័យដ៏ធំធេងលើកដំបូងលើអាជីពរបស់ខ្លួន កីឡាករ ម៉ា វីរ៉ូ ដែលខកចិត្តក្នុងការចេញទៅចូលរួមប្រកួតក្នុងព្រឹត្តិការណ៍ Asian Games នៅឥណ្ឌូណេស៊ីឆ្នាំនេះ បានប្តេជ្ញាថា នឹងបង្កើនការហ្វឹកហាត់ឲ្យកាន់តែខ្លាំងថែមទៀត ដើម្បីត្រៀមប្រជែងដណ្តើមជើងឯកក្នុងព្រឹត្តិការណ៍ជាតិ និងអន្តរជាតិនានានៅពេលខាងមុខ។
លោក ថោង ខុន រដ្ឋមន្ត្រីក្រសួងទេសចរណ៍ បានវាយតម្លៃខ្ពស់ចំពោះព្រឹត្តិការណ៍ម៉ារ៉ាតុនចក្រភពខ្មែរនៅឆ្នាំនេះ ដោយលោកចាត់ទុកថា ជាឆ្នាំជោគជ័យ។ «ខ្ញុំគិតថានេះជាជោគជ័យមួយដ៏ធំ ដោយសារលើកទី៥នេះមានអ្នកចូលរួមច្រើនជាងមុន។ អ្វីដែលខ្ញុំកត់សម្គាល់ធំជាងគេ គឺអ្នកទាំងអស់នេះបានចុះឈ្មោះចូលរួមព្រឹត្តិការណ៍ម៉ារ៉ាតុនចក្រភពខ្មែរ តាំងពីមុនថ្ងៃបោះឆ្នោត។ នេះបញ្ជាក់ឲ្យឃើញថា ការបោះឆ្នោតនៅកម្ពុជាប្រកបដោយសន្តិភាព ស្ថេរភាព សេរី ត្រឹមត្រូវ និងយុត្តិធម៌»។ ជាការបញ្ចាក់របស់លោក ថោង ខុន ប្រធានគណៈកម្មាធិការជាតិអូឡាំពិកកម្ពុជា។
រដ្ឋមន្ត្រីក្រសួងទេសចរណ៍រូបនេះ បានចាតុ់ទុកព្រឹត្តិការណ៍រត់ប្រណាំងម៉ារ៉ាតុនចក្រភពខ្មែរ ជាសមិទ្ធផលទេសចរណ៍មួយដ៏អស្ចារ្យក្នុងការទាក់ទាញភ្ញៀវទេសចរណ៍ជាតិនិងអន្តរជាតិឲ្យមកទស្សនាតំបន់ទេសចរណ៍ប្រវត្តិសាស្ត្រកម្ពុជា។ លើសពីនេះ ជួយផ្តល់ការងារ និងរកចំណូលជូនប្រជាពលរដ្ឋក្នុងរដូវខ្សត់ខ្សោយភ្ញៀវទេសចរណ៍ ពិសេសរកចំណូលជូនរដ្ឋ។
តាមរយៈប្រាសាទអង្គរវត្តជាប់ចំណាត់ថ្នាក់លេខ១ជាសំណង់ប្រវត្តិសាស្ត្រដ៏អស្ចារ្យបំផុតក្នុងចំណោមសំណង់ប្រវត្តិសាស្ត្រល្បីៗលើពិភពលោក លោក ថោង ខុន រំពឹងថា នឹងជួយទាក់ទាញភ្ញៀវទេសចរណ៍ជាតិនិងអន្តរជាតិកាន់តែច្រើន មកទស្សនាតំបន់រមណីយដ្ឋានប្រវត្តិសាស្ត្រមួយ។ ទីភ្នាក់ងារប្រឹក្សាយោបល់លើការធ្វើដំណើរ(Trip Advisor)បានផ្តល់ចំណាត់ថ្នាក់លេខ១ដល់ប្រាសាទអង្គរកាលពីថ្ងៃទី២២ ខែឧសភា ឆ្នាំ២០១៨។
ក្រោយឆ្លងកាត់ការប្រកួត១ព្រឹកពេញកាលពីថ្ងៃទី៥ ខែសីហា នៅបរិវេណរមណីយដ្ឋានអង្គរ កីឡាករ ម៉ា វីរ៉ូ ទទួលបានចំណាត់ថ្នាក់លេខ១លើវិញ្ញាសាម៉ារ៉ាតុន ក្រោយប្រើថេរវេលា២ម៉ោង៥៦នាទីនិង២៤វិនាទី។ ចំណែកកីឡាករជប៉ុន Kawamoto ទទួលបានចំណាត់ថ្នាក់លេខ២ ក្រោយប្រើថេរវេលា២ម៉ោង៥៨នាទីនិង៥០វិនាទី និងលេខ៣បានកីឡាករជប៉ុន Ota ជាមួយថេរវេលា៣ម៉ោង៧នាទី និង៥៦វិនាទី។
សម្រាប់វិញ្ញាសាម៉ារ៉ាតុនផ្នែកនារី លេខ១បានទៅកីឡាការិនីអង់គ្លេស Hamill Jill ជាមួយថេរវេលា៣ម៉ោង៦នាទី និង៥៨វិនាទី
ខណៈលេខ២បានទៅ Mumford Amy ជនជាតិអង់គ្លេស ក្រោយប្រើថេរវេលា៣ម៉ោង២៥នាទីនិង៣៨វិនាទី និងលេខ៣បានទៅ Easton Sarah ជនជាតិអង់គ្លេសដោយប្រើថេរវេលា៣ម៉ោង៣៣នាទីនិង៤៤វិនាទី។
វិញ្ញាសា២១គីឡូម៉ែត្រផ្នែកបុរសលេខ១បានទៅកីឡាករ វ៉ាន់ ភារ៉ា របស់កម្ពុជា ក្រោយប្រើថេរវេលា១ម៉ោង២១នាទីនិង៣៧វិនាទី ខណៈលេខ២បានទៅ Tam Zhong ជនជាតិចិនជាមួយថេរវេលា១ម៉ោង២៣នាទី និង៥៥វិនាទី និងលេខ៣បានទៅ Wang Zhen ជនជាតិចិនក្រោយប្រើថេរវេលា១ម៉ោង៣០នាទីនិង៥៣វិនាទី។
ផ្នែកនារី លេខ១បានទៅកីឡាការិនីជប៉ុន Sasaki Mtsuko ដោយប្រើថេរវេលា១ម៉ោង៣៩នាទីនិង៥៨វិនាទី ខណៈលេខ២បានទៅ Gao Rui មកពីចិនដោយប្រើថេរវេលា១ម៉ោង៤៥នាទីនិង៤វិនាទី និងលេខ៣បានទៅ Gawasawa Ayumi មកពីជប៉ុន ដោយប្រើថេរវេលា១ម៉ោង៥០នាទីនិង៣២នាទី។
វិញ្ញាសារត់ចម្ងាយ១០គីឡូម៉ែត្រផ្នែកបុរសលេខ១បានទៅ Tamiru Andarge Ayal មកពីអេត្យូពីក្រោយប្រើថេរវេលា៣៦នាទី និង៣៥វិនាទី ខណៈលេខ២បានទៅកីឡាករកម្ពុជា Kang Thoeurn ជាមួយថេរវេលា៣៧នាទី និង២០វិនាទី និងលេខ៣បានទៅ ឃ្លាំង ប៊ីប៊ុណ្ណារ៉ា របស់កម្ពុជាដោយប្រើថេរវេលា៣៨នារី និង៩វិនាទី។
ផ្នែកនារីលេខ១បានទៅកីឡាការិនី ហេង ម៉េងជូ របស់កម្ពុជាដោយប្រើថេរវេលា៤៧នាទីនិង២៨វិនាទី ខណៈលេខ២បានទៅកីឡាការិនី Matsugi Mina មកពីជប៉ុនដោយប្រើថេរវេលា៤៩នាទីនិង៣៨វិនាទី និងលេខ៣បានទៅ Sum Hau Wun មកពីចិនក្រោយប្រើថេរវេលា៤៩នាទី និង៥៨វិនាទី៕
Tag:
រត់ប្រណាំង
ម៉ា វីរ៉ូ
ម៉ារ៉ាតុនចក្រភពខ្មែរ
© រក្សាសិទ្ធិដោយ thmeythmey.com
