ពីនេះ ពីនោះ
×![]()
ដោយ: ថ្មីៗ
ក្រុមប្រឹក្សាជាតិភាសាខ្មែរ បានបកស្រាយរវាងពាក្យទាំងបីសម្រាប់ប្រើក្នុងសំណេរខុសគ្នា យ៉ាងដូច្នេះថា៖ 
«អត្ថរស» មានន័យថា តម្លៃល្អ មិនល្អ ពីរោះ ពុំពីរោះ ដែលមាននៅក្នុងអត្ថបទអក្សរសិល្ប៍។ ម្យ៉ាងទៀតពាក្យ «អត្ថរស» ជាការសម្គាល់នូវរសជាតិខ្ចឹមសារដែលធ្វើឱ្យអត្ថបទមានលម្អ មានលក្ខណៈពិរោះជាទីចាប់ចិត្ត និងចាប់អារម្មណ៍។
«បចេ្ចករស» ជាផ្នែកមួយនៃអត្ថរស ដែលកវី អ្នកនិពន្ធ ប្រើដើម្បីជាវិធីពិសេសក្នុងការតែងនិពន្ធ ដើម្បីធ្វើឱ្យអត្ថបទមានសម្រស់ សម្រាប់ផ្នែក ឬប្រភេទនៃរឿងនីមួយៗ។
ចំណែក «ប្រលោមរស» មានន័យថា តម្លៃដែលមាននៅក្នុងអត្ថបទសិល្ប៍ ដោយកវី អ្នកនិពន្ធ ជាពិសេសអ្នកនិពន្ធប្រលោមលោក ចេះរៀបរៀង តុបតែងរឿងរបស់ខ្លួន តាមរយៈការបង្កើតដំណើររឿង សកម្មភាពនៃតួអង្គ ដែលមានស្នេហា ការផ្សងព្រេង ប្រកបដោយលក្ខណៈអណ្តែតអណ្តូង សោកសង្រេង សប្បាយ កម្សត់ ដែលធ្វើឱ្យអ្នកអាន និងអ្នកស្តាប់ មានអារម្មណ៍រំភើប សង្វេគ សប្បាយ ព្រួយ ជាមួយតួអង្គ និងដំណើររឿង៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
