ជាតិ
សេដ្ឋកិច្ច
ខាតជាង២ឆ្នាំ តែ Startup របស់លោក សុភី នៅតែដំណើរការ ដោយសារម្ចាស់ភាគហ៊ុនទុកចិត្តគ្នា
× ភ្នំពេញ៖ លោក ប្រាក់ សុភី បានបង្កើតអាជីវកម្មមួយយីហោ Theme Country ជាមួយដៃគូ ដែលជាស្ថាបនិក និងអ្នកចូលទុនចំនួន ៧រូបផ្សេងទៀត។ Theme Country គឺជាអាជីវកម្មលក់គំរូម៉ូតគេហទំព័រទៅដល់ទីផ្សារសកលលោក។ អាជីវកម្មនេះត្រូវបានបង្កើតឡើងអស់រយៈពេល ៣ឆ្នាំកន្លះមកហើយ តែជាង២ឆ្នាំដំបូង មុខរបរនេះដំណើរការទាំងខាតបង់។ ខាតបង់ក៏ពិតមែន តែដោយសារមានគ្នាច្រើនជួយទប់ចំណាយ អាជីវកម្មនេះអាចបន្តដំណើរការ និងរកផលចំណេញមកដល់សព្វថ្ងៃ។
សូមស្ដាប់បទសម្ភាសរវាងលោក ញ៉ុង ហេង អ្នកយកព័ត៌មានសេដ្ឋកិច្ចនៃសារព័ត៌មានថ្មីៗ និងលោក ប្រាក់ សុភី ស្ថាបនិក និងជាអ្នកគ្រប់គ្រងទូទៅនៃអាជីវកម្មយីហោ Theme Country ខាងក្រោមនេះ៖
មុនបើកអាជីវកម្មមួយនេះ លោក ប្រាក់ សុភី បានបម្រើការងារជិត១០ឆ្នាំក្នុងវិស័យបច្ចេកវិទ្យាគេហទំព័រ។ លោក ចោលប្រាក់ខែជាងមួយពាន់ដុល្លារ ដើម្បីអភិវឌ្ឍន៍ខ្លួនពីបុគ្គលិក មកជាម្ចាស់អាជីវកម្មមួយរូប។ ម្ចាស់ភាគហ៊ុនក្នុងអាជីវកម្មយីហោ Theme Country ម្នាក់ៗសុទ្ធតែមានមុខជំនួញ ឬការងារផ្ទាល់ខ្លួន ក្រៅពី Startup មួយនេះ៕
Tag:
startup
ប្រាក់ សុភី
© រក្សាសិទ្ធិដោយ thmeythmey.com