ជាតិ
បោះឆ្នោត
នយោបាយជាតិ
បិទផ្លូវតវ៉ា៖ អតីតសកម្មជនបក្សប្រឆាំង៣នាក់ ត្រូវផាកពី៥-១០លានរៀល ព្រោះធ្វើយុទ្ធនាការម្រាមដៃស្អាត
ក្រុមប្រឹក្សាធម្មនុញ្ញ បើកសវនាការ នៅថ្ងៃទី១៥ ខែសីហា ឆ្នាំ២0១៨ លើករណីអតីតសកម្មជនគណបក្សសង្គ្រោះជាតិបីនាក់ ពាក់ព័ន្ធនឹងយុទ្ធនាការម្រាមដៃស្អាត។ រូបពីទំព័រហ្វេសប៊ុករបស់អគ្គលេខាធិការដ្ឋានក្រុមប្រឹក្សាធម្មនុញ្ញ
×![]()
ដោយ: ថ្មីៗ
ក្រុមប្រឹក្សាធម្មនុញ្ញ បានតម្កល់សេចក្តីសម្រេចរបស់គណៈកម្មាធិការជាតិរៀបចំការបោះឆ្នោត (គ.ជ.ប) ដែលផាកពិន័យដប់លានរៀលពីលោក ជា ជីវ អតីតប្រធានគណបក្សសង្គ្រោះជាតិប្រចាំខេត្តបាត់ដំបង និងផាកពិន័យប្រាំលានរៀល ក្នុងម្នាក់ៗ ពីលោក ថោង សារឿន និងលោក គ្រុយ គឹមសាំង ជាអតីតសកម្មជនគណបក្សនេះដូចគ្នា ដោយសារតែពួកគេ ធ្វើយុទ្ធនាការម្រាមដៃស្អាត នៅមុនពេលបោះឆ្នោត។
ការសម្រេចរបស់ក្រុមប្រឹក្សាធម្មនុញ្ញ គឺធ្វើឡើងក្រោយពីបញ្ចប់ការជំនុំជម្រះលើករណីអ្នកទាំងបី នៅព្រឹកថ្ងៃទី១៥ ខែសីហា ឆ្នាំ២០១៨នេះ។ លោក សំ សុគង់ មេធាវីការពារសិទ្ធិឲ្យអ្នកទាំងបី បានប្រាប់សារព័ត៌មានថ្មីៗតាមទូរសព្ទថា ហេតុផល ដែលក្រុមប្រឹក្សាធម្មនុញ្ញលើកឡើងក្នុងសវនាការ ដើម្បីផាកពិន័យលើកូនក្តីរបស់លោក គឺស្រដៀងគ្នានឹងហេតុផលរបស់គ.ជ.បដែរ។
ការដែលអ្នកទាំងបី នាំគ្នាធ្វើយុទ្ធនាការម្រាមដៃស្អាត គឺធ្វើឲ្យបាត់បង់ទំនុកចិត្តលើការបោះឆ្នោត និងរារាំងប្រជាពលរដ្ឋមិនឲ្យទៅបោះឆ្នោត។ នេះជាហេតុផលចម្បងរបស់ក្រុមប្រឹក្សាធម្មនុញ្ញ និងគ.ជ.ប ដែលត្រូវបានលោកមេធាវី សំ សុគង់ ប្រាប់ដល់សារព័ត៌មានថ្មីៗ។
លោក ហង្ស ពុទ្ធា អ្នកនាំពាក្យគ.ជ.ប បានបញ្ជាក់ថា ការសម្រេចរបស់ក្រុមប្រឹក្សាធម្មនុញ្ញ គឺជាការសម្រេចចុងក្រោយ ដោយមិនអាចសុំតវ៉ាតទៅទៀតបានទេ។ តាមរយៈការផ្តល់បទសម្ភាសដល់សារព័ត៌មានថ្មីៗ អ្នកនាំពាក្យរូបនេះ បានលើកឡើងយ៉ាងដូច្នេះថា៖«ពួកគេទាំងបី ត្រូវបង់ប្រាក់ចូលទៅរតនាគារជាតិ។ គ.ជ.ប នឹងតាមដានមើល ថាពួកគេ អនុវត្តតាមការសម្រេចនេះ ឬយ៉ាងណា»។
តាមពិតទៅ អតីតសកម្មជនគណបក្សប្រឆាំងនៅខេត្តបាត់ដំបង មានដល់ទៅប្រាំនាក់ឯណោះ ដែលត្រូវបានផាកពិន័យពីបទធ្វើយុទ្ធនាការម្រាមដៃស្អាត។ ប៉ុន្តែ ពីរនាក់ទៀត គឺលោក ម៉ាង ឈុន និង លោក ពៅ តាំង ត្រូវបានគ.ជ.ប សម្រេចលើកលែង ដោយមិនផាកពិន័យឡើយ។
ដើមហេតុដំបូង គឺសកម្មជនទាំងបួននាក់ បានគ្នាទៅលេងផ្ទះរបស់លោក ជា ជីវ អតីតប្រធានគណបក្សសង្គ្រោះជាតិប្រចាំខេត្តបាត់តំបង។ ពេលនោះ ពួកគេ បាននាំគ្នាថតរូបពីយុទ្ធនាការម្រាមដៃស្អាត ហើយក៏បង្ហោះលើបណ្តាញសង្គមហ្វេសប៊ុក។
ក្នុងចំណោមអ្នកទាំងប្រាំ គេពុំបានឃើញមានរូបលោក ម៉ាង ឈុន និង លោក ពៅ តាំង លើបណ្តាញសង្គមហ្វេសប៊ុកពីការធ្វើយុទ្ធនាការម្រាមដៃស្អាតនោះទេ។ នេះជាហេតុផល ដែលគ.ជ.ប ចាត់ទុកថា អ្នកទាំងពីរ ពុំបានធ្វើឲ្យប៉ះពាល់ដល់ទំនុកចិត្តលើការបោះឆ្នោតឡើយ ហើយក៏លើកលែងទោសឲ្យពួកគេ។
មន្ត្រីគណបក្សប្រជាជនកម្ពុជា ជាអ្នកដាក់ពាក្យបណ្តឹងទៅកាន់គណៈកម្មការខេត្តបាត់ដំបងរៀបចំការបោះឆ្នោត ដើម្បីឲ្យពិន័យអតីតសកម្មជនគណបក្សប្រឆាំងទាំងប្រាំនាក់។ ក្រោយទទួលបានពាក្យបណ្តឹងហើយ គណៈកម្មការខេត្តបាត់ដំបងរៀបចំការបោះឆ្នោត ក៏សម្រេចផាកពិន័យដប់លានរៀល ក្នុងម្នាក់ៗពីអ្នកទាំងប្រាំ។
ដោយមិនសុខចិត្ត ពួកគេទាំងប្រាំ បាននាំគ្នាប្តឹងជំទាស់ទៅគ.ជ.ប។ គ.ជ.ប ក៏សម្រេចលើកលែងទោសឲ្យពីរនាក់ និងបន្តផាកពិន័យបីនាក់។ ពីរនាក់ គឺលោកថោង សារឿន និងលោក គ្រុយ គឹមសាំង ត្រូវបានគ.ជ.ប បន្ថយមកផាកត្រឹមប្រាំលានរៀល ហើយម្នាក់ទៀត គឺលោក ជា ជីវ នៅតែផាកដប់លានរៀលដដែល។
បន្ទាប់មក អ្នកទាំងបី បានប្តឹងបន្តទៅក្រុមប្រឹក្សាធម្មនុញ្ញ។ ទីបំផុត ក្រុមប្រឹក្សាធម្មនុញ្ញ នៅតែ ផាកពិន័យពួកគេទាំងបីដដែល ដូចអ្វីដែលគ.ជ.ប បានសម្រេច៕
ការសម្រេចរបស់ក្រុមប្រឹក្សាធម្មនុញ្ញ គឺធ្វើឡើងក្រោយពីបញ្ចប់ការជំនុំជម្រះលើករណីអ្នកទាំងបី នៅព្រឹកថ្ងៃទី១៥ ខែសីហា ឆ្នាំ២០១៨នេះ។ លោក សំ សុគង់ មេធាវីការពារសិទ្ធិឲ្យអ្នកទាំងបី បានប្រាប់សារព័ត៌មានថ្មីៗតាមទូរសព្ទថា ហេតុផល ដែលក្រុមប្រឹក្សាធម្មនុញ្ញលើកឡើងក្នុងសវនាការ ដើម្បីផាកពិន័យលើកូនក្តីរបស់លោក គឺស្រដៀងគ្នានឹងហេតុផលរបស់គ.ជ.បដែរ។
ការដែលអ្នកទាំងបី នាំគ្នាធ្វើយុទ្ធនាការម្រាមដៃស្អាត គឺធ្វើឲ្យបាត់បង់ទំនុកចិត្តលើការបោះឆ្នោត និងរារាំងប្រជាពលរដ្ឋមិនឲ្យទៅបោះឆ្នោត។ នេះជាហេតុផលចម្បងរបស់ក្រុមប្រឹក្សាធម្មនុញ្ញ និងគ.ជ.ប ដែលត្រូវបានលោកមេធាវី សំ សុគង់ ប្រាប់ដល់សារព័ត៌មានថ្មីៗ។
លោក ហង្ស ពុទ្ធា អ្នកនាំពាក្យគ.ជ.ប បានបញ្ជាក់ថា ការសម្រេចរបស់ក្រុមប្រឹក្សាធម្មនុញ្ញ គឺជាការសម្រេចចុងក្រោយ ដោយមិនអាចសុំតវ៉ាតទៅទៀតបានទេ។ តាមរយៈការផ្តល់បទសម្ភាសដល់សារព័ត៌មានថ្មីៗ អ្នកនាំពាក្យរូបនេះ បានលើកឡើងយ៉ាងដូច្នេះថា៖«ពួកគេទាំងបី ត្រូវបង់ប្រាក់ចូលទៅរតនាគារជាតិ។ គ.ជ.ប នឹងតាមដានមើល ថាពួកគេ អនុវត្តតាមការសម្រេចនេះ ឬយ៉ាងណា»។
តាមពិតទៅ អតីតសកម្មជនគណបក្សប្រឆាំងនៅខេត្តបាត់ដំបង មានដល់ទៅប្រាំនាក់ឯណោះ ដែលត្រូវបានផាកពិន័យពីបទធ្វើយុទ្ធនាការម្រាមដៃស្អាត។ ប៉ុន្តែ ពីរនាក់ទៀត គឺលោក ម៉ាង ឈុន និង លោក ពៅ តាំង ត្រូវបានគ.ជ.ប សម្រេចលើកលែង ដោយមិនផាកពិន័យឡើយ។
ដើមហេតុដំបូង គឺសកម្មជនទាំងបួននាក់ បានគ្នាទៅលេងផ្ទះរបស់លោក ជា ជីវ អតីតប្រធានគណបក្សសង្គ្រោះជាតិប្រចាំខេត្តបាត់តំបង។ ពេលនោះ ពួកគេ បាននាំគ្នាថតរូបពីយុទ្ធនាការម្រាមដៃស្អាត ហើយក៏បង្ហោះលើបណ្តាញសង្គមហ្វេសប៊ុក។
ក្នុងចំណោមអ្នកទាំងប្រាំ គេពុំបានឃើញមានរូបលោក ម៉ាង ឈុន និង លោក ពៅ តាំង លើបណ្តាញសង្គមហ្វេសប៊ុកពីការធ្វើយុទ្ធនាការម្រាមដៃស្អាតនោះទេ។ នេះជាហេតុផល ដែលគ.ជ.ប ចាត់ទុកថា អ្នកទាំងពីរ ពុំបានធ្វើឲ្យប៉ះពាល់ដល់ទំនុកចិត្តលើការបោះឆ្នោតឡើយ ហើយក៏លើកលែងទោសឲ្យពួកគេ។
មន្ត្រីគណបក្សប្រជាជនកម្ពុជា ជាអ្នកដាក់ពាក្យបណ្តឹងទៅកាន់គណៈកម្មការខេត្តបាត់ដំបងរៀបចំការបោះឆ្នោត ដើម្បីឲ្យពិន័យអតីតសកម្មជនគណបក្សប្រឆាំងទាំងប្រាំនាក់។ ក្រោយទទួលបានពាក្យបណ្តឹងហើយ គណៈកម្មការខេត្តបាត់ដំបងរៀបចំការបោះឆ្នោត ក៏សម្រេចផាកពិន័យដប់លានរៀល ក្នុងម្នាក់ៗពីអ្នកទាំងប្រាំ។
ដោយមិនសុខចិត្ត ពួកគេទាំងប្រាំ បាននាំគ្នាប្តឹងជំទាស់ទៅគ.ជ.ប។ គ.ជ.ប ក៏សម្រេចលើកលែងទោសឲ្យពីរនាក់ និងបន្តផាកពិន័យបីនាក់។ ពីរនាក់ គឺលោកថោង សារឿន និងលោក គ្រុយ គឹមសាំង ត្រូវបានគ.ជ.ប បន្ថយមកផាកត្រឹមប្រាំលានរៀល ហើយម្នាក់ទៀត គឺលោក ជា ជីវ នៅតែផាកដប់លានរៀលដដែល។
បន្ទាប់មក អ្នកទាំងបី បានប្តឹងបន្តទៅក្រុមប្រឹក្សាធម្មនុញ្ញ។ ទីបំផុត ក្រុមប្រឹក្សាធម្មនុញ្ញ នៅតែ ផាកពិន័យពួកគេទាំងបីដដែល ដូចអ្វីដែលគ.ជ.ប បានសម្រេច៕
អត្ថបទទាក់ទង
Tag:
បោះឆ្នោត
សំ សុគង់
ហង្ស ពុទ្ធា
គជប
ក្រុមប្រឹក្សាធម្មនុញ្ញ
ម្រាមដៃស្អាត
© រក្សាសិទ្ធិដោយ thmeythmey.com
