មិនត្រឹមតែជាកីឡាករដែលពូកែបញ្ជូនបាល់ ឬសម្រេចទីនោះទេ Dele Alli បានបង្ហាញរបៀបអបអរគ្រាប់បាល់ស៊ុតបញ្ចូលទីបែបថ្មីហើយប្លែករបស់គេក្នុងការប្រកួតដែល Tottenham Hotspur យកឈ្នះ Newcastle United នៅ Premier League កាលពីសប្តាហ៍មុន។
របៀបអបអរគ្រាប់បាល់របស់ខ្សែបម្រើឆ្មើមក្រុមមាន់ខ្នាយមាសនេះ ក៏កំពុងទទួលបានការចាប់អារម្មណ៍ខ្លាំងពីបណ្តាកីឡាករល្បីៗនៅ Premier League។ ក្នុងនោះមានកីឡាកររបស់ Manchester United មួយចំនួន ដូចជា Paul Pogba, Andreas Pereira, Jesse Lingard និង Fred ជាដើម បានព្យាយាមធ្វើតាម Alli ហើយបង្ហោះនៅលើប្រព័ន្ធផ្សព្វផ្សាយសង្គម ខណៈអ្នកខ្លះធ្វើបាន ហើយអ្នកខ្លះក៏ធ្វើមិនបានដែរ៕