កីឡាជាតិ
ជាតិ
បន្ទាប់ពីពានរង្វាន់សម្តេច ហ៊ុន សែន អង្គរថាយហ្គឺរធ្វើឲ្យភ្នំពេញក្រោនខកចិត្តម្តងទៀតនៅខេមបូឌានលីក។ រូបថត CNCC
×![]()
ណាហ្គាវើលបានឡើងឈរកំពូលតារាងបណ្តោះអាសន្នក្នុងសប្តាហ៍ទី១៨នៃពានរង្វាន់ក្របខណ្ឌមិត្តហ្វូនខេមបូឌានលីគ ក្រោយយកឈ្នះបឹងកេតក្នុងលទ្ធផល ២-០។ ចំណែកភ្នំពេញក្រោន ក្រោយចាញ់អង្គរថាយហ្គឺរយ៉ាងជូរចត់នៅលើទឹកខ្លួន ៤-០ បានអស់ឱកាសប្រជែងដណ្តើមជើងឯកនៅឆ្នាំនេះ។ សម្រាប់ការប្រកួតនៅថ្ងៃសៅរ៍នេះដែរ ក្រុមវិសាខាបានបន្តយកឈ្នះសូលទីឡូអង្គរក្នុងលទ្ធផល ២-១។ 
ណាហ្គាវើលបានទម្លាក់បឹងកេតពីកំពូលតារាង ដែលបានក្តោបក្តាប់អស់រយៈពេល៧សប្តាហ៍ ឲ្យទៅឈរលេខរៀងទី២បណ្តោះអាសន្នដោយរក្សា៤២ពិន្ទុ។ ការទម្លាក់នេះ បន្ទាប់ពីណាហ្គាវើលយកឈ្នះបឹងកេតក្នុងលទ្ធផល ២-០ នាការប្រកួតក្របខណ្ឌខេមបូឌានលីគសប្តាហ៍ទី១៨ កាលពីថ្ងៃទី១៨ ខែសីហា ឆ្នាំ២០១៨ នៅកីឡដ្ឋានស្តាតចាស់។ ហើយជ័យជម្នះនេះ មិនត្រឹមតែជួយឲ្យណាហ្គាវើលឡើងឈរកំពូលតារាងប៉ុណ្ណោះទេ ថែមទាំងជួយឲ្យក្រុមនេះ សងសឹកបឹងកេត ដែលយកឈ្នះខ្លួន ៣-២ ក្នុងជើងទី១បានសម្រេចទៀតផង។
នាជំនួបដ៏តានតឹងដែលគ្មានការស៊ុតបញ្ចូលទីក្នុងតង់ទី១ ខ្សែប្រយុទ្ធ Okoro Matthew Osa បានសម្រេចគ្រាប់បាល់នាំមុខ ១-០ សម្រាប់ណាហ្គាវើលនៅនាទីទី៥៣។ បន្ទាប់មកកីឡាករកូរ៉េខាងត្បូង Sung Chihoon រកបាន១គ្រាប់បន្ថែមឲ្យណាហ្គាវើលនៅនាទីទី៨១។ ទោះបីបឹងកេតព្យាយាមវាយបកមកលើណាហ្គាវើលយ៉ាងណាក៏ដោយ ក៏គ្មានការស៊ុតបញ្ជូនទីដែរ។ ក្រុមទាំងពីរបានរក្សាលទ្ធផល ២-០ រហូតចប់ការប្រកួត។ នេះជាបរាជ័យលើកទី២ក្នុងចំណោម១៨ប្រកួតរបស់បឹកកេត។
នាការប្រកួតនៅស្តាតចាស់នោះដែរ ក្រុមចំណូលថ្មីវិសាខាបានយកឈ្នះសូលទីឡូអង្គរយ៉ាងលំបាកលំបិនក្នុងលទ្ធផល ២-១។ ជ័យជម្នះនេះ ជួយឲ្យវិសាខាបាន៣ពិន្ទុបន្ថែម ដើម្បីពង្រឹងទីតាំងលេខ៣ក្នុងតារាងជាមួយពិន្ទុសរុបក្នុងដៃ៤១ពិន្ទុ។ ចំណែកក្រុមសូលទីឡូអង្គរបន្តឈរលេខ១០ក្នុងតារាងដោយរក្សា១៦ពិន្ទុ។
សម្រាប់ការប្រកួតដែលធ្វើឡើងនៅម៉ោង៦ល្ងាច កីឡាករ Debiro Dzarma Bata បានសម្រេចគ្រាប់បាល់នាំមុខ ១-០ ឲ្យសូលទីឡូអង្គរនៅនាទីទី៤០ មុនចប់តង់ទី១។ ការនាំមុខរបស់សូលទីឡូអង្គរធ្វើឲ្យកីឡាករវិសាខាវាយសម្រុកយ៉ាងខ្លាំងមកលើក្រុមមានមូលដ្ឋាននៅខេត្តសៀមរាបមួយនេះ។ នៅនាទីទី៥៨កីឡាករកូរ៉េខាងជើង Kim Kyong Hun បានសម្រេចគ្រាប់បាល់តាមស្មើ ១-១ សម្រាប់វិសាខា មុន កែវ សុខផេង រកបាន១គ្រាប់បន្ថែមនៅនាទីទី៦៨ ហើយក៏ជាគ្រាប់បាល់ជ័យជម្នះផងដែរ។
ដោយឡែក ក្រុមជើងឯក៥សម័យកាលភ្នំពេញក្រោន បានអស់ឱកាសប្រជែងជើងឯកនៅឆ្នាំនេះ ក្រោយចាញ់ក្រុមអង្គរថាយហ្គឺរយ៉ាងជូរចត់លើទឹកដីខ្លួន ៤-០ នាការប្រកួតសប្តាហ៍ទី១៨នៅថ្ងៃទី១៨ ខែសីហា។ ទោះបីភ្នំពេញក្រោននៅសល់៤ប្រកួតទៀតក៏ដោយ ក្រុមស្ថិតនៅលេខ៥ក្នុងតារាងមួយនេះមានតែ២៧ពិន្ទុប៉ុណ្ណោះ ខណៈក្រុមកំពូលតារាងណាហ្គាវើលមានរហូត៤៤ពិន្ទុ។
នាការប្រកួតនៅកីឡដ្ឋាន RSN កីឡាករ Sugiyama Jorchiro បានរកគ្រាប់បាល់នាំមុខ ១-០ សម្រាប់អង្គរថាយហ្គឺរ មុនកីឡាករ ថន សីហា សម្រេចគ្រាប់ទី២នៅនាទីទី៦៥។ ២០នាទីក្រោយមក Sugiyama Jorchiro បានសម្រេចគ្រាប់ទី២របស់ខ្លួន មុនកីឡាករ តាំង សុភ័ក្ត្រ រកគ្រាប់ជ័យជម្នះ ៤-០ នៅនាទីទី៩០+៣។
មិនមែនតែភ្នំពេញក្រោននោះទេ សូម្បីព្រះរាជស្វាយរៀង, អគ្គស្នងការនគរបាលជាតិ, អង្គរថាយហ្គឺរ និង៥ក្រុមផ្សេងទៀតក៏អស់ឱកាសប្រជែងជើងឯកផងដែរ៕
ណាហ្គាវើលបានទម្លាក់បឹងកេតពីកំពូលតារាង ដែលបានក្តោបក្តាប់អស់រយៈពេល៧សប្តាហ៍ ឲ្យទៅឈរលេខរៀងទី២បណ្តោះអាសន្នដោយរក្សា៤២ពិន្ទុ។ ការទម្លាក់នេះ បន្ទាប់ពីណាហ្គាវើលយកឈ្នះបឹងកេតក្នុងលទ្ធផល ២-០ នាការប្រកួតក្របខណ្ឌខេមបូឌានលីគសប្តាហ៍ទី១៨ កាលពីថ្ងៃទី១៨ ខែសីហា ឆ្នាំ២០១៨ នៅកីឡដ្ឋានស្តាតចាស់។ ហើយជ័យជម្នះនេះ មិនត្រឹមតែជួយឲ្យណាហ្គាវើលឡើងឈរកំពូលតារាងប៉ុណ្ណោះទេ ថែមទាំងជួយឲ្យក្រុមនេះ សងសឹកបឹងកេត ដែលយកឈ្នះខ្លួន ៣-២ ក្នុងជើងទី១បានសម្រេចទៀតផង។
នាជំនួបដ៏តានតឹងដែលគ្មានការស៊ុតបញ្ចូលទីក្នុងតង់ទី១ ខ្សែប្រយុទ្ធ Okoro Matthew Osa បានសម្រេចគ្រាប់បាល់នាំមុខ ១-០ សម្រាប់ណាហ្គាវើលនៅនាទីទី៥៣។ បន្ទាប់មកកីឡាករកូរ៉េខាងត្បូង Sung Chihoon រកបាន១គ្រាប់បន្ថែមឲ្យណាហ្គាវើលនៅនាទីទី៨១។ ទោះបីបឹងកេតព្យាយាមវាយបកមកលើណាហ្គាវើលយ៉ាងណាក៏ដោយ ក៏គ្មានការស៊ុតបញ្ជូនទីដែរ។ ក្រុមទាំងពីរបានរក្សាលទ្ធផល ២-០ រហូតចប់ការប្រកួត។ នេះជាបរាជ័យលើកទី២ក្នុងចំណោម១៨ប្រកួតរបស់បឹកកេត។
នាការប្រកួតនៅស្តាតចាស់នោះដែរ ក្រុមចំណូលថ្មីវិសាខាបានយកឈ្នះសូលទីឡូអង្គរយ៉ាងលំបាកលំបិនក្នុងលទ្ធផល ២-១។ ជ័យជម្នះនេះ ជួយឲ្យវិសាខាបាន៣ពិន្ទុបន្ថែម ដើម្បីពង្រឹងទីតាំងលេខ៣ក្នុងតារាងជាមួយពិន្ទុសរុបក្នុងដៃ៤១ពិន្ទុ។ ចំណែកក្រុមសូលទីឡូអង្គរបន្តឈរលេខ១០ក្នុងតារាងដោយរក្សា១៦ពិន្ទុ។
សម្រាប់ការប្រកួតដែលធ្វើឡើងនៅម៉ោង៦ល្ងាច កីឡាករ Debiro Dzarma Bata បានសម្រេចគ្រាប់បាល់នាំមុខ ១-០ ឲ្យសូលទីឡូអង្គរនៅនាទីទី៤០ មុនចប់តង់ទី១។ ការនាំមុខរបស់សូលទីឡូអង្គរធ្វើឲ្យកីឡាករវិសាខាវាយសម្រុកយ៉ាងខ្លាំងមកលើក្រុមមានមូលដ្ឋាននៅខេត្តសៀមរាបមួយនេះ។ នៅនាទីទី៥៨កីឡាករកូរ៉េខាងជើង Kim Kyong Hun បានសម្រេចគ្រាប់បាល់តាមស្មើ ១-១ សម្រាប់វិសាខា មុន កែវ សុខផេង រកបាន១គ្រាប់បន្ថែមនៅនាទីទី៦៨ ហើយក៏ជាគ្រាប់បាល់ជ័យជម្នះផងដែរ។
ដោយឡែក ក្រុមជើងឯក៥សម័យកាលភ្នំពេញក្រោន បានអស់ឱកាសប្រជែងជើងឯកនៅឆ្នាំនេះ ក្រោយចាញ់ក្រុមអង្គរថាយហ្គឺរយ៉ាងជូរចត់លើទឹកដីខ្លួន ៤-០ នាការប្រកួតសប្តាហ៍ទី១៨នៅថ្ងៃទី១៨ ខែសីហា។ ទោះបីភ្នំពេញក្រោននៅសល់៤ប្រកួតទៀតក៏ដោយ ក្រុមស្ថិតនៅលេខ៥ក្នុងតារាងមួយនេះមានតែ២៧ពិន្ទុប៉ុណ្ណោះ ខណៈក្រុមកំពូលតារាងណាហ្គាវើលមានរហូត៤៤ពិន្ទុ។
នាការប្រកួតនៅកីឡដ្ឋាន RSN កីឡាករ Sugiyama Jorchiro បានរកគ្រាប់បាល់នាំមុខ ១-០ សម្រាប់អង្គរថាយហ្គឺរ មុនកីឡាករ ថន សីហា សម្រេចគ្រាប់ទី២នៅនាទីទី៦៥។ ២០នាទីក្រោយមក Sugiyama Jorchiro បានសម្រេចគ្រាប់ទី២របស់ខ្លួន មុនកីឡាករ តាំង សុភ័ក្ត្រ រកគ្រាប់ជ័យជម្នះ ៤-០ នៅនាទីទី៩០+៣។
មិនមែនតែភ្នំពេញក្រោននោះទេ សូម្បីព្រះរាជស្វាយរៀង, អគ្គស្នងការនគរបាលជាតិ, អង្គរថាយហ្គឺរ និង៥ក្រុមផ្សេងទៀតក៏អស់ឱកាសប្រជែងជើងឯកផងដែរ៕
Tag:
បាល់ទាត់
Cambodian League 2018
បឹងកេត
ណាហ្គាវើល
© រក្សាសិទ្ធិដោយ thmeythmey.com
