ជាតិ
អភិបាលខេត្តកណ្ដាល និងឧត្តរមានជ័យ នឹងផ្តល់ម៉ូតូដល់សិស្ស ដែលប្រឡងជាប់និទ្ទេស A រូបភាពពីហ្វេសប៊ុករដ្ឋបាលខេត្តកណ្ដាល
× ភ្នំពេញ៖ សិស្សក្នុងខេត្តកណ្តាល និងក្នុងខេត្តឧត្តរមានជ័យ នឹងទទួលបានរង្វាន់ជាម៉ូតូពីអភិបាលខេត្តរបស់ពួកគេ បើប្រឡងជាប់និន្ទេស A នៅឆ្នាំ២០១៨នេះ។
អភិបាលខេត្តកណ្ដាល លោក ម៉ៅ ភិរុណ បានសន្យាផ្ដល់រង្វាន់ជាម៉ូតូ ដល់បេក្ខជនក្នុងខេត្តរបស់លោក ដែលប្រឡងជាប់និន្ទេស A សម្រាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅឆ្នាំ២០១៨។ លោក សន្យាទៀតថា សាលារៀនណាក្នុងកណ្តាល ដែលមានសិស្សប្រឡងជាប់លើសពី ៦០ភាគរយ លោក នឹងរៀបចំដំណើរកម្សាន្តទៅក្រុងព្រះសីហនុរយៈពេល ៣ថ្ងៃ។
ការប្រកាសរបស់លោក ម៉ៅ ភិរុណ គឺធ្វើឡើងតាមរយៈទំព័រហ្វេសប៊ុករដ្ឋបាលខេត្តកណ្ដាល។ បើតាមប្រភពដដែល អភិបាលខេត្តរូបនេះ ក៏បានរៀបចំឲ្យមានកន្លែងផ្ញើកង់ និងម៉ូតូរបស់បេក្ខជន ដោយមិនយកប្រាក់ផងដែរ ហើយថែមទាំងធានាសងថ្មីវិញទៀត បើបាត់បង់។
ជាមួយគ្នានេះ អភិបាលខេត្តឧត្តរមានជ័យឯណោះវិញ គឺលោក ស ថាវី ក៏បានសន្យាដូចអភិបាលខេត្តកណ្តាលដែរ។ នេះបើតាមការចុះផ្សាយរបស់ទីភ្នាក់ងារសារព័ត៌មានកម្ពុជា (AKP)៕
Tag:
បាក់ឌុប
ម៉ៅ ភិរុណ
ស ថាវី
© រក្សាសិទ្ធិដោយ thmeythmey.com