កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Real Madrid បាត់អ្នកគាំទ្រជិតពាក់កណ្តាលសម្រាប់ការប្រកួតបើកឆាករដូវកាលថ្មីនៃក្របខណ្ឌកំពូលអេស្ប៉ាញ La Liga នៅទឹកដីខ្លួនឯងដោយសារអវត្តមានកីឡាករឆ្មើម Cristiano Ronaldo។ នេះបើតាមការផ្សាយរបស់ Gaol.com។
ក្រុមរហស្សនាមស្តេចសបានយកឈ្នះក្រុមភ្ញៀវ Getafe ២ទល់នឹងសូន្យក្នុងការប្រកួតនៅថ្ងៃទី ១៩ ខែសីហា នៅកីឡដ្ឋាន Santiago Bernabeu ដែលអាចផ្ទុកអ្នកគាំទ្របានចំនួន ៨១០៤៤នាក់។
គ្រាប់បាល់ស៊ុតបញ្ចូលទីពីគ្រាប់របស់ខ្សែការពារ Dani Carvajal និងខ្សែប្រយុទ្ធ Gareth Bale បានជួយឲ្យក្រុមរបស់លោក Julen Lopetegui ដែលជាអ្នកចាត់ការថ្មីជំនួស Zinedine Zidaneមានការចាប់ផ្តើមដ៏ល្អឥតខ្ចោះសម្រាប់រដូវកាលថ្មី ២០១៨-២០១៩។
បើទោះបីពួកគេឈ្នះការប្រកួតនៅសប្តាហ៍ដំបូងក៏ពិតមែន ប៉ុន្តែវត្តមានរបស់អ្នកគាំទ្រក្នុងផ្ទះបានបាត់ស្ទើរពាក់កណ្តាលគួរឲ្យចាប់អារម្មណ៍ ពោលគឺមានប្រមាណតែ៤៨៤៦៦នាក់ប៉ុណ្ណោះ ដែលនេះជាតួលេខទាបបំផុតមិនធ្លាប់មានសម្រាប់ Real ក្នុងរយៈពេល១ទសវត្សរ៍ចុងក្រោយ។
មូលហេតុចំបងនៃការបាត់អ្នកគាំទ្រនេះប្រហែលមកពីអវត្តមានកំពូលខ្សែប្រយុទ្ធឆ្នើម Ronaldo ដែលចាកចេញទៅចូលរួមជាមួយ Juventus ទៅហើយនោះ។ ប្រកួតលើកចុងក្រោយបង្អស់ដែលម្ចាស់ជើងឯក Champions League ១៣លើក លេងនៅ La Liga ក្នុងផ្ទះខ្លួនឯងដោយមានអ្នកចូរួមទស្សនាទាបដូច្នេះគឺក្នុងរដូវកាល ២០០៨-២០០៩ ត្រឹម៤៤២៧០នាក់ ក្នុងការប្រកួតបិទរដូវកាលក្រោយ Real ប្រកួតចាញ់៥ដងជាប់ៗគ្នា។
ប៉ុន្តែក្រោយការចូលរួមរបស់ម្ចាស់ពាន Ballon d'Or ៥សម័យ ពី Manchester United ក្នុងតម្លៃកំណត់ត្រាក្លិបកាលពីឆ្នាំ២០០៩ Real Madrid បានទទួលអ្នកគាំទ្រផ្ទាល់ច្រើនឡើងវិញ។
៩រដូវកាលនៅទឹកដី Bernabeu ខ្សែប្រយុទ្ធសញ្ជាតិព័រទុយហ្គាល់ វ័យ៣៣ឆ្នាំអាចរកគ្រាប់បាល់បាន ៤៥០គ្រាប់ ក្នុងការបង្ហាញខ្លួន៤៣៨ប្រកួត និងជួយក្រុមលើកពានកំពូលអឺរ៉ុប៤លើក La Liga ២លើក៕
ក្រុមរហស្សនាមស្តេចសបានយកឈ្នះក្រុមភ្ញៀវ Getafe ២ទល់នឹងសូន្យក្នុងការប្រកួតនៅថ្ងៃទី ១៩ ខែសីហា នៅកីឡដ្ឋាន Santiago Bernabeu ដែលអាចផ្ទុកអ្នកគាំទ្របានចំនួន ៨១០៤៤នាក់។
គ្រាប់បាល់ស៊ុតបញ្ចូលទីពីគ្រាប់របស់ខ្សែការពារ Dani Carvajal និងខ្សែប្រយុទ្ធ Gareth Bale បានជួយឲ្យក្រុមរបស់លោក Julen Lopetegui ដែលជាអ្នកចាត់ការថ្មីជំនួស Zinedine Zidaneមានការចាប់ផ្តើមដ៏ល្អឥតខ្ចោះសម្រាប់រដូវកាលថ្មី ២០១៨-២០១៩។
បើទោះបីពួកគេឈ្នះការប្រកួតនៅសប្តាហ៍ដំបូងក៏ពិតមែន ប៉ុន្តែវត្តមានរបស់អ្នកគាំទ្រក្នុងផ្ទះបានបាត់ស្ទើរពាក់កណ្តាលគួរឲ្យចាប់អារម្មណ៍ ពោលគឺមានប្រមាណតែ៤៨៤៦៦នាក់ប៉ុណ្ណោះ ដែលនេះជាតួលេខទាបបំផុតមិនធ្លាប់មានសម្រាប់ Real ក្នុងរយៈពេល១ទសវត្សរ៍ចុងក្រោយ។
មូលហេតុចំបងនៃការបាត់អ្នកគាំទ្រនេះប្រហែលមកពីអវត្តមានកំពូលខ្សែប្រយុទ្ធឆ្នើម Ronaldo ដែលចាកចេញទៅចូលរួមជាមួយ Juventus ទៅហើយនោះ។ ប្រកួតលើកចុងក្រោយបង្អស់ដែលម្ចាស់ជើងឯក Champions League ១៣លើក លេងនៅ La Liga ក្នុងផ្ទះខ្លួនឯងដោយមានអ្នកចូរួមទស្សនាទាបដូច្នេះគឺក្នុងរដូវកាល ២០០៨-២០០៩ ត្រឹម៤៤២៧០នាក់ ក្នុងការប្រកួតបិទរដូវកាលក្រោយ Real ប្រកួតចាញ់៥ដងជាប់ៗគ្នា។
ប៉ុន្តែក្រោយការចូលរួមរបស់ម្ចាស់ពាន Ballon d'Or ៥សម័យ ពី Manchester United ក្នុងតម្លៃកំណត់ត្រាក្លិបកាលពីឆ្នាំ២០០៩ Real Madrid បានទទួលអ្នកគាំទ្រផ្ទាល់ច្រើនឡើងវិញ។
៩រដូវកាលនៅទឹកដី Bernabeu ខ្សែប្រយុទ្ធសញ្ជាតិព័រទុយហ្គាល់ វ័យ៣៣ឆ្នាំអាចរកគ្រាប់បាល់បាន ៤៥០គ្រាប់ ក្នុងការបង្ហាញខ្លួន៤៣៨ប្រកួត និងជួយក្រុមលើកពានកំពូលអឺរ៉ុប៤លើក La Liga ២លើក៕
Tag:
បាល់ទាត់
Real Madrid
Cristiano Ronaldo
© រក្សាសិទ្ធិដោយ thmeythmey.com
