កីឡាជាតិ
ជាតិ
Asian Games៖ ស៊ន សៀវម៉ី អស់ឱកាសក្រោយចាញ់កីឡាការិនីអ៊ូសបេគីស្ថាន
× បន្ទាប់ពីទទួលបានកៅអីទៅវគ្គ៨នាក់ចុងក្រោយ ដោយសារកីឡាការិនី ស្រីលង្កា Ranuri Wanthila Wickramas Wickramasinghalage សុំដកខ្លួនពីការប្រកួត កីឡាការិនីតេក្វាន់ដូកម្ពុជា ស៊ន សៀវម៉ី បានរងបរាជ័យ ៥-៣ ដោយសារកីឡាការិនីអ៊ូសបេគីស្ថាន Osipova Svetlana។
នាជំនួបនៅសង្វៀន JCC - Plenary Hall ប្រទេសឥណ្ឌូណេស៊ី សម្រាប់ព្រឹត្តិការណ៍ប្រកួត Asian Games លើកទី១៨នៅប្រទេសឥណ្ឌូណេស៊ី ស៊ន សៀវម៉ី ឡើងទៅវគ្គ៨នាក់ចុងក្រោយដោយមិនចាំបាច់ប្រកួត ប៉ុន្តែអ្វីៗមិនដំណើរការស្រួលនោះឡើយ ដោយកីឡាការិនីឆ្នើមកម្ពុជា រូបនេះ ត្រូវតទល់ជាមួយកីឡាការិនីលំដាប់ទី៧៣ពិភពលោកមកពីអ៊ូសបេគីស្ថាន។
នៅទឹកទីមួយ Osopova បាននាំមុខ ២-០ ហើយសៀវម៉ី វាយបកវិញ ៣-០ នៅទឹកទីពីរ ឈានដល់ទឹកទីបី ឱកាសទៅវគ្គបន្តរបស់សៀវម៉ី ត្រូវបានបញ្ចប់ដោយសារកីឡាការិនីអ៊ូសគីស្ថាន រកបាន៣ពិន្ទុបន្ថែមទៀត៕
Tag:
តេក្វាន់ដូ
ស៊ន សៀវម៉ី
Asian Games 2018
© រក្សាសិទ្ធិដោយ thmeythmey.com