កីឡាការិនី ស៊ន សៀវម៉ី សុំទោសអ្នកគាំទ្រក្រោយធ្លាក់ចេញពី Asian Games

កីឡាជាតិ

ជាតិ

កីឡាការិនី ស៊ន សៀវម៉ី សុំទោសអ្នកគាំទ្រក្រោយធ្លាក់ចេញពី Asian Games

21, Aug 2018 , 8:19 pm

រូបភាព

កីឡាការិនី ស៊ន សៀវម៉ី ប្រកួតចាញ់កីឡាការិនីអ៊ូសបេគីស្ថាន ៥-៣

ដោយ:

កីឡាការិនី ស៊ន សៀវម៉ី ដែលថ្នាក់ដឹកនាំរំពឹងខ្ពស់ក្នុងការដណ្តើមមេដាយមេដាយជូនជាតិមាតុភូមិ បានចេញមកសុំទោសប្រជាជនកម្ពុជា ក្រោយធ្លាក់ចេញពីព្រឹត្តិការណ៍ប្រកួត Asian Games 2018 នៅប្រទេសឥណ្ឌូណេស៊ី ដោយចាញ់កីឡាការិនីអ៊ូសបេគីស្ថាន ៥-៣។

ក្រោយធ្លាក់ចេញពីព្រឹត្តិការណ៍ Asian Games លើកទី១៨នៅប្រទេសឥណ្ឌូណេស៊ីត្រឹមវគ្គ១/៤ កីឡាការិនី ស៊ន សៀវម៉ី តាមរយៈទំព័រផ្លូវប៊ុកផ្លូវការបានចេញមកសុំទោសប្រជាជនកម្ពុជា ក្រោយនាងធ្វើឲ្យខកបំណង។ មុនចេញមកប្រកួតនៅឥណ្ឌូណេស៊ី ទាំងថ្នាក់ដឹកនាំកីឡា និងប្រជាជនកម្ពុជា សុទ្ធតែបង្ហាញការជឿជាក់លើម្ចាស់មេដាយមេដាយមាស Asian Games 2014 រូបនេះ ក្នុងការដណ្តើមមេដាយជូនជាតិនៅឆ្នាំនេះ។

«នាងខ្ញុំ ស៊ន សៀវម៉ី សុំទោសប្រជាជនកម្ពុជាទាំងអស់ ដែលនាងខ្ញុំមិនអាចយកមេដាយបាន»។ នេះជាការបង្ហាញអារម្មណ៍សោកស្តាយរបស់កីឡាការិនី ស៊ន សៀវម៉ី ដែលបានសរសេរលើទំព័រហ្វេសប៊ុកផ្លូវការ ក្រោយចប់ការប្រកួតនៅថ្ងៃទី២១ ខែសីហា ឆ្នាំ២០១៨។

សម្រាប់ការប្រកួតលើទម្ងន់៦៧គីឡូក្រាមឡើងនៅទីលាន JCC - Plenary Hall កីឡាការិនី ស៊ន សៀវម៉ី ទទួលបានកៅអីឡើងទៅវគ្គ១/៤ ដោយស្វ័យប្រវត្តិ បន្ទាប់ពីគូប្រកួតរបស់នាងកីឡាការិនីស្រីលង្កាសុំដកខ្លួនចេញពីការប្រកួត។ នាការប្រវគ្គ១/៤ ស៊ន សៀវម៉ី ចាញ់កីឡាការិនីអ៊ូសបេគីស្ថាន Osipova Svetlana ២-០ ក្នុងទឹកទី១ ហើយ សៀវម៉ី បានវាយបក ៣-០ ក្នុងទឹកទី២ តែចាញ់ Osipova Svetlana ៣-០ វិញនៅទឹកទី៣៕