កីឡាជាតិ
ជាតិ
Asian Games៖ កីឡាករហែលទឹក ធឿន ថុល បញ្ចប់ចំណាត់ថ្នាក់ឈរលើ៧ប្រទេស កីឡាករ ធុល ធឿន
× កីឡាករហែលទឹក ធឿន ថុល បានបញ្ចប់ក្នុងចំណាត់ថ្នាក់លេខ៧ក្នុង Heats ក្រោយប្រើពេល២៥.៨០វិនាទីលើវិញ្ញាសាហែលសេរីចម្ងាយ៥០ម៉ែត្រក្នុងព្រឹត្តិការណ៍ Asian Games 2018 នៅប្រទេសឥណ្ឌូណេស៊ី។ លទ្ធផលជារួម ធឿន ថុល ឈរលេខប្រទេសចំនួន៧ តែលទ្ធផលនេះមិនអាចជួយឲ្យរូបគេឡើងទៅវគ្គបន្តឡើយ។
លទ្ធផលជារួមកីឡាករ ធឿន ថុល ទទួលបានចំណាត់ថ្នាក់លេខ៤៣ក្នុងចំណោមអត្តពលិក៥១រូប ដោយរូបគេឈរលើកីឡាករចំនួន៨រូបមកពីប៉ាឡេស្ទីន, ម៉ុងហ្គោលី, ឡាវ, ម៉ាឌីវ, នេប៉ាល់, តាហ្ស៊ីគីស្ថាន, អាហ្វហ្គានីស្ថាន។ ក្រោយបញ្ចប់ក្នុងចំណាត់ថ្នាក់លេខ៧នៃ Heats 2 ក្នុងចំណោមកីឡាករ៨នាក់ ធ្វើឲ្យរូបគេអស់ឱកាសឡើងទៅវគ្គបន្តនៃព្រឹត្តិការណ៍ Asian Games លើកទី១៨ ដែលរៀបចំនៅទីក្រុងប៉ាឡាំបាងនិងហ្សាការតាប្រទេសឥណ្ឌូណេស៊ី។
គិតត្រឹមថ្ងៃទី២១ ខែសីហា ឆ្នាំ២០១៨ ដែលជាថ្ងៃទី៣នៃការប្រកួត Asian Games ក្រុមអត្តពលិកកម្ពុជាមិនទាន់អាចរកមេដាយដំបូងជូនជាតិមាតុនៅឡើយទេ ខណៈចិនបន្តឈរកំពូលតារាងមេដាយ រីឯជប៉ុន កូរ៉េខាងត្បូង និងម្ចាស់ផ្ទះឥណ្ឌូណេស៊ីឈរជាបន្តបន្ទាប់៕
Tag:
ហែលទឹក
Asian Games 2018
ធឿន ថុល
© រក្សាសិទ្ធិដោយ thmeythmey.com