កីឡាជាតិ
ជាតិ
Asian Games៖ ៦ប្រទេសនៅអាស៊ានដណ្តើមបានមេដាយ តែកម្ពុជារកមិនទាន់បានឡើយ
× គិតត្រឹមថ្ងៃទី២២ ខែសីហា ឆ្នាំ២០១៨នេះ ព្រឹត្តិការណ៍ប្រកួតកីឡា Asian Games លើកទី១៨នៅប្រទេសឥណ្ឌូណេស៊ី បានដំណើរការប្រកួតចំនួន៤ថ្ងៃហើយ ដោយអត្តពលិកចិនកំពុងគ្រងកំពូលតារាងមេដាយបណ្តោះអាសន្ន បន្ទាប់មកជប៉ុន កូរ៉េខាងត្បូង និងម្ចាស់ផ្ទះឥណ្ឌូណេស៊ី។ ជាមួយគ្នានេះ ក៏មានប្រទេសក្នុងតំបន់អាស៊ាន៦ទៀតផងដែរ ដែលដណ្តើមបានមេដាយ។
ដោយឡែកអត្តពលិកកម្ពុជាមិនទាន់អាចរកមេដាយដំបូងរបស់ខ្លួននៅឡើយទេ ខណៈកីឡា៥ប្រភេទរួមមានតេក្វាន់ដូ ហែលទឹក ចំបាប់ គុនដាវ និងកាយសម្ព័ន្ធបានបញ្ចប់ការប្រកួតជាបណ្តើរៗ។ ជាក់ស្តែងនៅព្រឹកថ្ងៃទី២២ ខែសីហា ទាំងកីឡាករហែលទឹក លឹម កែវឧត្តម និងកីឡាករតេក្វាន់ដូ ឈុន សុខឡុង សុទ្ធតែបានបរាជ័យក្នុងការប្រកួត។
ក្នុងនោះកីឡាករ ឈុន សុខឡុង ប្រកួតចាញ់កីឡាករអ៊ូសបេគីស្ថាន Toirov Sardor ក្នុងលទ្ធផល ២៥-៥ នាការប្រកួលើទម្ងន់៦៣គីឡូក្រាមឡើងនៅមជ្ឈមណ្ឌល JCC Centre។ ចំណែកកីឡាករ លឹម កែវឧត្តម បានបញ្ចប់ត្រឹមលេខ៦ក្នុង Heats និងលេខ៣១ក្នុងចំណោមកីឡាករសរុប៣៤នាក់ ខណៈកីឡាទាំង៣ដែល កែវឧត្តម ឈរលើអវត្តមាន។
មកទល់ពេលនេះ មានប្រទេសចំនួន៧ក្នុងតំបន់អាស៊ាន ដែលទទួលបានមេដាយពីព្រឹត្តិការណ៍ Asian Games 2018 រួមមានម្ចាស់ផ្ទះឥណ្ឌូណេស៊ី, ថៃ, ហ្វីលីពីន, វៀតណាម, ម៉ាឡេស៊ី, មីយ៉ាន់ម៉ា និងសិង្ហបុរី៕
Tag:
ហែលទឹក
តេក្វាន់ដូ
លឹម កែវឧត្តម
ឈុន សុខឡុង
Asian Games 2018
© រក្សាសិទ្ធិដោយ thmeythmey.com