បើ PSG ជាប់ពិន័យ Real នឹងបានផលចំណេញច្រើនក្នុងការដណ្តើម Mbappe

កីឡាអន្តរជាតិ

អន្តរជាតិ

បើ PSG ជាប់ពិន័យ Real នឹងបានផលចំណេញច្រើនក្នុងការដណ្តើម Mbappe

23, Aug 2018 , 10:19 pm

រូបភាព

ដោយ: ទេព ពិទូរ្យ

Real Madrid នឹងព្យាយាមប្រជែងយកខ្សែប្រយុទ្ធ Kylian Mbappe ឲ្យបានប្រសិនបើ Paris Saint-Germain ត្រូវបានដាក់ទណ្ឌកម្មចំពោះការរំលោភបំពានលើការចំណាយទិញកីឡាករហួសប្រមាណពីសំណាក់ Financial Fair Play (FFP)។

ម្ចាស់ការពារតំណែងជើងឯក Champions League ៣សម័យជាប់គ្នា រំពឹងថាក្លិបយក្សបារាំងនឹងត្រូវ FFP ដាក់ទណ្ឌកម្មក្នុងពេលឆាប់ៗនេះ ដើម្បីជាផ្លូវសម្រាប់ពួកគេទិញយក Mbappe សម្រាប់ជំនួសតំណែង Cristiano Ronaldo ដែលទៅចូលរួមជាមួយ Juventus ទៅហើយនោះ។

បើយោងតាមកាសែត AS ក្លិបយក្សអេស្ប៉ាញមួយនេះបានត្រៀមកញ្ចប់ទឹកប្រាក់ដ៏ច្រើនសន្ធឹកដើម្បីដេញថ្លៃយកសមាជិកដែលជួយក្រុមជម្រើសជាតិបាំងឈ្នះពាន World Cup ជាលើកទី២។

ខ្សែប្រយុទ្ធសញ្ជាតិបារាំង វ័យ១៩ឆ្នាំរូបនេះ ទទួលបានការចាប់អារម្មណ៍យ៉ាងខ្លាំងអំឡុងព្រឹត្តិការណ៍កីឡាបាល់ទាត់ពិភពលោកនៅរុស្ស៊ី ឆ្នាំ២០១៨ និងបានក្លាយជាកីឡាករវ័យក្មេងដំបូងបំផុតចាប់តាំងពីវីរបុរសប្រេស៊ីល Pele ដែលអាចស៊ុតបញ្ចូលទីនៅវគ្គផ្តាច់ព្រ័ត្រ World Cup បាន។

Mbappe បានផ្លាស់ទៅចូលរួមជាមួយ PSG ក្រោមកិច្ចសន្យាខ្ចីជើងមួយឆ្នាំកាលពីរដូវកាលមុនក្នុងតម្លៃ ១៦២លានផោន (២០៨លានដុល្លារ) ប៉ុន្តែបតម្រូវឲ្យបង់ប្រាក់ទៅឲ្យអតីតក្លិប Monaco នៅសប្តាហ៍ក្រោយនេះវិញ ត្បិតបានទិញ Neymar ពី Barcelona ក្នុងតម្លៃថ្លៃរួចទៅហើយ។

ជុំវិញករណីនេះ សហព័ន្ធកីឡាបាល់ទាត់ទ្វីបអឺរ៉ុប (UEFA) បានរាយការណ៍ថា ពួកបានពិនិត្យមើលការស៊ើបអង្កេតទៅលើក្រុម PSG ជាលើកទី២កាលពីខែកក្កដា។ ប្រសិនបើ UEFA រកឃើញថា ក្លិបដែលកាន់កាប់ដោយសេដ្ឋីជនជាតិកាតាបានប្រព្រឹត្តខុសនឹងច្បាប់ FFP មែននោះ ពួកគេនឹងត្រូវហាមមិនឲ្យទិញកីឡាករចូលបន្ថែមនៅរដូវកាលនេះ ដែលក្នុងនោះក៏ជាប់ពាក់ព័ន្ធនឹងការទិញ Mbappe ផងដែរ៕