អបអរ! បួន ច័ន្ទថារ៉ាត់ អាយុ១៥ឆ្នាំ ដណ្តើមបានមេដាយប្រាក់តេក្វាន់ដូ ITF ពិភពលោក

កីឡាជាតិ

ជាតិ

អបអរ! បួន ច័ន្ទថារ៉ាត់ អាយុ១៥ឆ្នាំ ដណ្តើមបានមេដាយប្រាក់តេក្វាន់ដូ ITF ពិភពលោក

26, Aug 2018 , 1:14 pm

រូបភាព

កីឡាករ បួន ច័ន្ទថារ៉ាត់ ពេលបំពាក់មេដាយប្រាក់

ដោយ:

កីឡាករ បួន ច័ន្ទថារ៉ាត់ ទទួលបានមេដាយប្រាក់ពីការប្រកួតកីឡាតេក្វាន់ដូ ITF ជ្រើសរើសជើងឯកយុវជនពិភពលោកនៅប្រទេសបេឡារុស ក្រោយចាញ់កីឡាកររុស្ស៊ីនៅវគ្គផ្តាច់ព្រ័ត្រ។ នេះជាមេដាយដំបូងរបស់កម្ពុជា ក្រោយឆ្លងកាត់ការប្រកួតយ៉ាងស្វិតស្វាញអស់ជាច្រើនថ្ងៃក្នុងព្រឹត្តិការណ៍នេះ។

មុនឈានដល់វគ្គផ្តាច់ព្រ័ត្រកីឡាករ បួន ច័ន្ទថារ៉ាត់ ដែលមានវ័យ១៥ឆ្នាំបានឈរចំណាត់ថ្នាក់លេខ១ក្នុងវគ្គជម្រុះតាមពូល។ នៅវគ្គ៨នាក់ចុងក្រោយ ច័ន្ទថារ៉ាត់ បានយកឈ្នះគូប្រកួតជាបន្តបន្ទាប់រួមមានកីឡាករអេស្តូនី, ក្រិក, ជប៉ុន, អាហ្សង់ទីន, កាហ្សាក់ស្ថាន និងអ៊ុយក្រែន។ ប៉ុន្តែរូបគេបានប្រកួតចាញ់កីឡាកររុស្ស៊ីក្នុងវគ្គផ្តាច់ព្រ័ត្រ ទើបទទួលបានមេដាយប្រាក់លើវិញ្ញាសាប្រយុទ្ធទម្ងន់៤៥គីឡូក្រាមតែម្តង។

សម្រាប់ការប្រកួតជើងឯកពិភពលោកកម្រិតយុវជន ដែលរៀបចំនៅប្រទេសបេឡារុស ចន្លោះពីថ្ងៃទី២០-២៧ សីហា មានជាង៦០ប្រទេសចូលរួម ខណៈសហព័ន្ធកីឡាតេក្វាន់ដូ ITF កម្ពុជាបានបញ្ជូនកីឡាករ៧ និងប្រតិភូ៣រូបឲ្យចូលរួម៕