ជាតិ
សេដ្ឋកិច្ច
រដូវសម្បូរផ្សិតក្នុងព្រៃអង្គរ
× សៀមរាប៖ ផ្សិតជាអាហារដ៏ឆ្ងាញ់មួយសម្រាប់ពលរដ្ឋខ្មែរ។ ខែវស្សាដែលសម្បូរភ្លៀងធ្លាក់ច្រើន ធ្វើឱ្យផ្សិតជាច្រើនហុចផលជាបន្ដបន្ទាប់។ ក្នុងព្រៃនៃឧទ្យានអង្គរ ដែលជាព្រៃរបោះ ផ្សិតជាច្រើនបានដុះជាហូរហែរ ធ្វើឱ្យអ្នកភូមិប្រមូលផល បង្កើនចំណូលបន្ថែមសម្រាប់គ្រួសារពួកគេ។
នៅតាមដងផ្លូវឆ្ពោះទៅប្រាសាទអង្គរវត្ត គេសង្កេតឃើញមានការដាក់លក់ផ្សិតនៅតាមកញ្ច្រែង ល្អី តូចៗ តម្រៀបជាជួរៗ។ ផ្សិតទាំងនោះ មានផ្សិតដំបូក និងផ្សិតធ្យូងជាដើម ដែលអ្នកភូមិដើរដកក្នុងព្រៃជុំវិញឧទ្យានអង្គរ។
អ្នកលក់មួយរូបបាននិយាយថា គាត់អាចលក់ផ្សិតបានតម្លៃពី១៥០០០រៀល ទៅ២ម៉ឺនរៀលក្នុងមួយគីឡូក្រាម តាមផ្សិតតូច ឬធំ។ ផ្សិតតូចៗ លក់បានតម្លៃខ្ពស់ជាងផ្សិតធំៗដែលរីកហើយ។ ដោយសារជាផ្សិតធម្មជាតិ និងដុះតាមរដូវកាលត្រឹមត្រូវ ផ្សិតទាំងនោះត្រូវបានជាវទិញក្នុងរយៈពេលខ្លីតែប៉ុណ្ណោះ៕
សូមទស្សនារូបភាពខ្លះៗនៃផ្សិតធម្មជាតិក្នុងព្រៃអង្គរ ដែលថតនៅថ្ងៃទី១១ ខែសីហា ឆ្នាំ២០១៨ ដូចតទៅ៖
Tag:
ផ្សិត
អង្គរ
សៀមរាប
© រក្សាសិទ្ធិដោយ thmeythmey.com