លោក ហែម ហេម៉ា ចង់ឲ្យ«យក្សាបោកអ៊ុត»ក្លាយជាយីហោរបស់ពលរដ្ឋខ្មែរទាំងអស់

ជាតិ

បទយកការណ៍ / បទសម្ភាសន៍

លោក ហែម ហេម៉ា ចង់ឲ្យ«យក្សាបោកអ៊ុត»ក្លាយជាយីហោរបស់ពលរដ្ឋខ្មែរទាំងអស់

28, Aug 2018 , 8:39 am

រូបភាព

ដោយ: អុីសា រ៉ហានី (Isa Rohany)

សៀមរាប៖ លោកអ្នកច្បាស់ជាស្គាល់ហើយនូវម៉ាកយីហោបោកអ៊ុក «យក្សា»។ យីហោនេះ ជាបុត្រសម្ព័ន្ធរបស់ បោកអ៊ុតទំនើប ដែលបង្កើតឡើងដោយលោក ហែម ហេម៉ា។ ខុសពីយីហោ បោកអ៊ុតទំនើប យក្សាជាយីហោបោកអ៊ុតដែលប្រជាពលរដ្ឋខ្មែរ អាចបើកអាជីវកម្មបានដោយមិនបាច់អស់លុយទិញយីហោនេះ ពីក្រុមហ៊ុនធំ។ ស្ថាបនិក លោក ហែម ហេម៉ា បានឱ្យដឹងថា ហេតុផលគឺលោកចង់សងត្រឡប់ទៅប្រជាជនខ្មែរវិញ នូវអ្វីដែលលោកបានធ្វើពីមុនជាមួយ បោកអ៊ុតទំនើប ដែលលោកគិតថ្លៃពីសេវាយីហោមួយនេះ។

យក្សា ជាយីហោបោកអ៊ុតមួយ ដែលលោក ហែម ហេម៉ា បង្កើតឡើងកាលពីពាក់កណ្ដាលឆ្នាំ២០១៦។ ត្រឹមរយៈពេល២ឆ្នាំ យីហោនេះមានសាខាជាង ៥០០កន្លែង។ យីហោនេះមានច្រើននៅក្នុងក្រុងសៀមរាប។ ជាមួយនឹងការមិនយកថ្លៃយីហោ យក្សាក៏មានលក្ខខណ្ឌងាយស្រួលជាង បោកអ៊ុតទំនើប ដែលទាមទារលក្ខខណ្ឌខ្ពស់។

សម្រាប់លោក ហេម៉ា លោកចង់ឱ្យយក្សាក្លាយជាស្មៅ ហើយបោកអ៊ុតទំនើប ជាផ្កា។ លោកថា ផ្កាបើរីកតែឯកឯងក៏មិនស្អាតដែរ គឺត្រូវមានស្មៅដុះអមជាមួយទើបស្រស់ស្អាត។ បន្ថែមពីនេះលោក ហេម៉ា ចង់យកទីផ្សារកម្ពុជា គ្រាន់ជាការបង្ហាញសម្រាប់ទាក់ទាញទីផ្សារក្រៅស្រុកតែប៉ុណ្ណោះ។ បច្ចុប្បន្នយក្សាបោកអ៊ុត បានលក់យីហោទៅដល់ប្រទេសថៃ និងវៀតណាមផងដែរ៕

ព័ត៌មានលម្អិត សូមស្ដាប់បទសម្ភាសរវាងអ្នកសារព័ត៌មានថ្មីៗ និងលោក ហែម ហេម៉ា ស្ថាបនិក«បោកអ៊ុតទំនើប» និង«យក្សាបោកអ៊ុត» ដូចតទៅ៖