ចិនវិនិយោគជាង៥០០លានដុល្លារ លើកំពង់ផែភ្នំពេញ ដើម្បីបង្កើតមជ្ឈមណ្ឌលពាណិជ្ជកម្ម

ជាតិ

សេដ្ឋកិច្ច

ចិនវិនិយោគជាង៥០០លានដុល្លារ លើកំពង់ផែភ្នំពេញ ដើម្បីបង្កើតមជ្ឈមណ្ឌលពាណិជ្ជកម្ម

01, Sep 2018 , 12:02 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖មជ្ឈមណ្ឌលពាណិជ្ជកម្មចម្រុះ តម្លៃប្រមាណ ៥៣១,៦លានដុល្លារ ដែលជាការវិនិយោគរបស់ក្រុមហ៊ុនចិន CHEAN CHHOENG THAI GROUP CO.,LTD ត្រូវបានគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) សម្រេចចេញ«វិញ្ញាបនប័ត្រចុះបញ្ជីជាស្ថាពរ» កាលពីថ្មីៗនេះ។

អត្ថបទទាក់ទង

ដីបណ្ដោយមាត់ទន្លេ ត្រូវជួលឲ្យក្រុមហ៊ុនចិន ៥០ឆ្នាំ ធ្វើមជ្ឈមណ្ឌលពាណិជ្ជកម្ម

CDC បានឲ្យដឹងនៅថ្ងៃទី២៩ ខែសីហា ថា មជ្ឈមណ្ឌលពាណិជ្ជកម្មចម្រុះនេះ មានលទ្ធភាពបង្កើតឱកាសការងារ ដល់ប្រជាពលរដ្ឋបានជាង២ម៉ឺនកន្លែង ដែលមានទីតាំងវិនិយោគ នៅកំពង់ផែស្វយ័តភ្នំពេញ សង្កាត់ស្រះចក ខណ្ឌដូនពេញ។

ការចុះបញ្ជីជាស្ថាពររបស់CDC ធ្វើឡើងបន្ទាប់ពីកំពង់ផែស្វយ័តភ្នំពេញបានជួលដីបណ្ដោយមាត់ទន្លេទំហំជាង៩ហិកតានេះទៅឲ្យក្រុមហ៊ុន CHEAN CHHOENG THAI GROUP CO.,LTD ក្នុងតម្លៃ ១៦,៥លានដុល្លារ រយៈពេល៥០ឆ្នាំ កាលពីថ្ងៃទី១៩ ខែកក្កដា ឆ្នាំ២០១៨។

មជ្ឈមណ្ឌលពាណិជ្ជកម្មចម្រុះនេះ មានការិយាល័យពាណិជ្ជកម្ម មជ្ឈមណ្ឌលសិល្បៈ សួនបាញ់ទឹក សួនសាធារណៈ ផ្សារអណ្ដែតទឹក សាលតាំងពិព័រណ៍ សណ្ឋាគារលំដាប់ផ្កាយ៥ ជាដើម៕