ពីនេះ ពីនោះ
ជំនន់ទន្លេមេគង្គ ផ្តល់ផលអាក្រក់ ឬល្អ សម្រាប់អ្នករស់នៅតាមដងទន្លេមួយនេះ?
រូបភាពពីលើអាកាសក្នុងភូមិកោះប្រាក់ ស្រុក កៀនស្វាយ ខេត្តកណ្តាល។ រូបភាព៖ ឈុត ឈាណា
×![]()
នេះជារូបភាពពីលើអាកាស ស្ថិតនៅក្នុងភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល។ ភូមិកោះប្រាក់ តិចឬច្រើន តែងតែរងឥទ្ធិពលទឹកជំនន់ទន្លេមេគង្គ ក្នុងរដូវវស្សាជារៀងរាល់ឆ្នាំ។ ទឹកជំនន់ទន្លេមេគង្គ បានក្លាយជាទម្លាប់ប្រចាំឆ្នាំរបស់អ្នកភូមិមួយនេះទៅហើយ។
ប្រជាជនក្នុងភូមិភាគច្រើន ប្រកបរបរកសិកម្ម ធ្វើចំការ ដោយប្រើប្រាស់ប្រភពទឹកពីទន្លេមេគង្គសម្រាបើស្រោចស្រព។ ថ្វីដ្បិតតែទឹកជំនន់ទន្លេមេគង្គ ហាក់បាននាំផលលំបាកខ្លះៗ សម្រាប់ជីវិតប្រចាំថ្ងៃរបស់អ្នកភូមិ ក្នុងរយៈពេលពីរទៅបីខែ ដូចជា លំបាកក្នុងការធ្វើដំណើរ លំបាកក្នុងការរកទីទួលសុវត្ថិភាពសម្រាប់ គោ ជ្រូក មាន់ ទា។ល។ ប៉ុន្តែ នោះពុំមែនពិតជាផលអវិជ្ជមាន ឬបញ្ហាធ្ងន់ធ្ងរសម្រាប់ពួកគាត់ទាំងស្រុងឡើយ។ ប៉ុន្តែ ទឹកជំនន់ទន្លេមេគង្គ បាននាំមកជាមួយនូវភក់ល្បាប់ប្រកបដោយជីវជាតិ ទៅចាក់បំពេញលើដីចំការរបស់ពួកគាត់។
ផ្ទុយទៅវិញ បើឆ្នាំណាទឹកតូច មិនលិចគ្របដណ្តប់ដល់ដីចំការ នោះពួកគាត់មិនសូវសប្បាយចិត្តទេ។ មូលហេតុ បើទឹកតូច ដីចំការរបស់ពួកគាត់នឹងក្លាយទៅជាទីជម្រករបស់សត្វកណ្តុរ ព្រមទាំងរុក្ខជាតិផ្សេងៗគ្រប់ប្រភេទ ដូចជាស្មៅ បន្លាស្អិត ដើមត្រែងនឹងកើតឡើងច្រើន មិនតែប៉ុណ្ណោះ ដីក៏មិនសូវមានជីជាតិផងដែរ។ ដល់រដូវដាំដុះនារដូវទឹកសម្រក ពួកគាត់ត្រូវចំណាយទាំងពេលវេលា កម្លាំងកាយយ៉ាងច្រើន ដើម្បីកាត់ស្មៅ កាត់រុក្ខជាតិផ្សេងៗ និងកំចាត់សត្វកណ្តុរចង្រៃចេញឲ្យអស់ ទើបអាចធ្វើការដាំដុះបាន។
មិនតែប៉ុណ្ណោះ ពួកគាត់ត្រូវចំណាយប្រាក់កាសច្រើន ដើម្បីទិញជីគីមីមកដាក់ដំណាំឲ្យមានផ្លែផ្កាល្អថែមទៀតផង។ ទាំងនេះ សបញ្ជាក់ថា ទឹកជំនន់ទន្លេមេគង្គ ជាទូទៅបានផ្តល់ផលល្អច្រើនជាងផលអាក្រក់ ដល់អ្នករស់នៅតាមដងទន្លេដែលប្រកបរបរកសិកម្ម។ ទឹកទន្លេមេគង្គនឹងចាប់ផ្តើមស្រក រវាងខែសីហា ឬតុលា។ អ្នកភូមិកោះប្រាក់ ក៏ចាប់ផ្តើមរៀបចំបណ្តុះកូនដំណាំផ្សេងៗ ដូចជា ល្ហុង ប៉េងបោះ ត្រប់ ននោង ម្ទេស។ល។ ពេលទឹកស្រកអស់ ពួកគាត់ក៏ចាប់ផ្តើម កាប់ឆ្កា ភ្ជូររាស់ រានដី លើករង និងដាំដំណាំទាំងនោះ។
ប្រជាជនក្នុងភូមិភាគច្រើន ប្រកបរបរកសិកម្ម ធ្វើចំការ ដោយប្រើប្រាស់ប្រភពទឹកពីទន្លេមេគង្គសម្រាបើស្រោចស្រព។ ថ្វីដ្បិតតែទឹកជំនន់ទន្លេមេគង្គ ហាក់បាននាំផលលំបាកខ្លះៗ សម្រាប់ជីវិតប្រចាំថ្ងៃរបស់អ្នកភូមិ ក្នុងរយៈពេលពីរទៅបីខែ ដូចជា លំបាកក្នុងការធ្វើដំណើរ លំបាកក្នុងការរកទីទួលសុវត្ថិភាពសម្រាប់ គោ ជ្រូក មាន់ ទា។ល។ ប៉ុន្តែ នោះពុំមែនពិតជាផលអវិជ្ជមាន ឬបញ្ហាធ្ងន់ធ្ងរសម្រាប់ពួកគាត់ទាំងស្រុងឡើយ។ ប៉ុន្តែ ទឹកជំនន់ទន្លេមេគង្គ បាននាំមកជាមួយនូវភក់ល្បាប់ប្រកបដោយជីវជាតិ ទៅចាក់បំពេញលើដីចំការរបស់ពួកគាត់។
ផ្ទុយទៅវិញ បើឆ្នាំណាទឹកតូច មិនលិចគ្របដណ្តប់ដល់ដីចំការ នោះពួកគាត់មិនសូវសប្បាយចិត្តទេ។ មូលហេតុ បើទឹកតូច ដីចំការរបស់ពួកគាត់នឹងក្លាយទៅជាទីជម្រករបស់សត្វកណ្តុរ ព្រមទាំងរុក្ខជាតិផ្សេងៗគ្រប់ប្រភេទ ដូចជាស្មៅ បន្លាស្អិត ដើមត្រែងនឹងកើតឡើងច្រើន មិនតែប៉ុណ្ណោះ ដីក៏មិនសូវមានជីជាតិផងដែរ។ ដល់រដូវដាំដុះនារដូវទឹកសម្រក ពួកគាត់ត្រូវចំណាយទាំងពេលវេលា កម្លាំងកាយយ៉ាងច្រើន ដើម្បីកាត់ស្មៅ កាត់រុក្ខជាតិផ្សេងៗ និងកំចាត់សត្វកណ្តុរចង្រៃចេញឲ្យអស់ ទើបអាចធ្វើការដាំដុះបាន។
មិនតែប៉ុណ្ណោះ ពួកគាត់ត្រូវចំណាយប្រាក់កាសច្រើន ដើម្បីទិញជីគីមីមកដាក់ដំណាំឲ្យមានផ្លែផ្កាល្អថែមទៀតផង។ ទាំងនេះ សបញ្ជាក់ថា ទឹកជំនន់ទន្លេមេគង្គ ជាទូទៅបានផ្តល់ផលល្អច្រើនជាងផលអាក្រក់ ដល់អ្នករស់នៅតាមដងទន្លេដែលប្រកបរបរកសិកម្ម។ ទឹកទន្លេមេគង្គនឹងចាប់ផ្តើមស្រក រវាងខែសីហា ឬតុលា។ អ្នកភូមិកោះប្រាក់ ក៏ចាប់ផ្តើមរៀបចំបណ្តុះកូនដំណាំផ្សេងៗ ដូចជា ល្ហុង ប៉េងបោះ ត្រប់ ននោង ម្ទេស។ល។ ពេលទឹកស្រកអស់ ពួកគាត់ក៏ចាប់ផ្តើម កាប់ឆ្កា ភ្ជូររាស់ រានដី លើករង និងដាំដំណាំទាំងនោះ។
© រក្សាសិទ្ធិដោយ thmeythmey.com
